བསྟན་འཛིན་ཐོས་བསམ།
བོད་པ་ཚོས་ཡོངས་གྲགས་སུ་སྨྲ་ཞིང་སྤྱི་གཙུག་གི་རྒྱན་བཞིན་བརྩི་བའི་ཆོས་སྲིད་ཟུང་འབྲེལ་གྱི་གཞུང་འཛིན་ཆབ་སྲིད་ཀྱི་ལམ་ལུགས་དེ་ལྟ་གྲུབ་བམ་རིགས་པའི་གཞུང་ལུགས་ཤིག་གི་ངོས་ནས་དཔྱད་པ་བྱས་ན་དགེ་སྡིག་ལེགས་ཉེས་ཀྱི་དབྱེ་བ་འབྱེད་དགོས་དོན་དེ་ཙམ་ཡོད་ཚོད་མི་འདུག ཡིན་ན་ཡང་ང་ཚོ་བོད་པ་ཚོས་ལམ་ལུགས་དེ་ལག་ལེན་བསྟར་སྟངས་ཀྱི་ལོ་རྒྱུས་རིང་པོ་དེ་ལ་ཕྱི་མིག་ཅིག་བལྟས་ན། བོད་ལ་ཆོས་སྲིད་གཉིས་དེ་གཅིག་ཤོས་གཅིག་གྲོགས་སུ་འགྲོ་བའི་ཆོས་སྲིད་ཟུང་འབྲེལ་ཡང་དག་པ་ཞིག་བྱུང་ཡོད་མེད་ བརྟག་ཞིབ་ཅུང་ཟད་བྱས་ན་ཀུན་གྱི་རྒྱུད་ལ་དངོས་སྟོབས་ཚད་མ་ཞིག་ཡོད་པ་ངོ་འཕྲོད་ཐུབ་སྙམ།