ངས་འདིར་ས་མཚམས་པུ་གུ་ཅིག་ཅིག་མིག་མིག་ཟེར་ནས་མགོ་བཙུགས་ཡོང་དུས་ཁྱོད་ཚོས་ཡང་འདིས་མི་ཞིག་གི་བླ་བཙགས་རན་སོང་བསམ་པ་ངས་ཤེས་བཞིན་ཡོད། ཡིན་ན་ཡང་དེ་རིང་འདིར་བླ་བཙགས་བྱ་རྒྱུ་མིན། དེ་ལས་ལྡོག་སྟེ་ས་མཚམས་པུ་གུ་རུས་པ་ཅན་ཞིག་གི་སྐོར་གླེང་རྒྱུ་ཡིན། རྒྱ་གར་གྱི་རྐང་རྩེད་སྤོ་ལོའི་རྩེད་འགྲན་པའི་དེད་དཔོན་བུ་ཆུང་བྷོ་ཊི་ཡ་ལགས་ནི་རྒྱ་གར་རྐང་རྩེད་སྤོ་ལོའི་རུ་ཁག་ལ་ལྷ་ཡིས་གནང་བའི་དངོས་གྲུབ་ཅིག་ཡིན། བུ་ཆུང་ལགས་ནི་༡༩༧༦ལོར་འབྲས་ལྗོངས་ལྷོ་རྒྱུད་ཀྱི་གྲོང་གསེབ་ཀྲིན་ཀི་ཀྲམ་དུ་སྐྱེས། ཁོང་གི་ཕའི་མིང་ལ་བསོད་ནམས་སྟོབས་ལྡན་དང་མའི་མིང་ལ་རྡོ་རྗེ་སྒྲོལ་མ་ཟེར། བུ་ཆུང་ལགས་ནི་རྒྱ་གར་གྱི་རྩེད་འགྲན་པ་འབུམ་ཕྲག་དུ་མའི་ནང་ནས་འགྲན་ཟླ་བྲལ་བའི་རྩེད་འགྲན་པ་ཞིག་ཡིན་པ་ཙམ་དུ་མ་ཟད་སྔ་ཕྱིར་བོད་ཀྱི་རང་དབང་འཐབ་རྩོད་ཀྱི་ཐད་ནས་བོད་མི་མང་གི་ཕྱོགས་སུ་ལངས་ཡོད་པ་དེ་ནི་བོད་མི་ཚོས་དོ་སྣང་དགོས་པ་ཞིག་རེད།