མ་དགོན་བཤད་གྲྭ་ནས་རིན་ཆེན་བློ་གསལ་དར་རྒྱས་ཀྱིས།
ཉེ་བའི་ཆར་སྐུ་ཞི་བར་གཤེགས་པ་འཇམ་མགོན་སྐུའི་ཡོངས་འཛིན་དམ་པ་༧སྐྱབས་རྗེ་མཁན་ཆེན་ཨ་པད་རིན་པོ་ཆེ་མཆོག་ནི་མདོ་ཁམས་སྡེ་དགེ་ཀུ་སེ་ཡུལ་དུ་ཕྱི་ལོ་༡༩༢༧ལོར་སྐུ་འཁྲུངས།སྐུ་གཞོན་ནུའི་དུས་ན་རྒྱལ་བ་ཀམ་ཚང་བཀའ་བརྒྱུད་ཀྱི་སྐྱེ་སྤྲུལ་ཞིག་ཏུ་ངོས་འཛིན་གནང་ཡང་ཁོང་གི་ཡབ་ཡུམ་གཉིས་ཀྱིས་ཞལ་བཞེས་གནང་ཡོད་མི་འདུགཅུང་ན་སོན་པའི་ཚེ་སྐུ་སེ་གསེར་ལྗོངས་དགོན་དུ་ཆོས་སྒོར་བཞུགས།དེ་ནས་རིམ་བཞིན་མདོ་ཁམས་སྨད་ཀྱི་ཆར་སྡེ་དགེ་སྨད་ཤོད་ཁམས་བྱེ་བྱེ་མ་ཐང་མཁས་གྲུབ་བྱེ་བའི་འབྱུང་གནས་རྫོང་གསར་བཤད་གྲྭ་ལྔ་རིག་ནང་བསྟན་སློབ་གླིང་དུ་ཕེབས་ནས་རྗེ་བླ་མ་འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་དང་མདོ་སྲིབ་པ་མཁན་ཆེན་ཐུབ་བསྟན་རྒྱལ་མཚན་མཁན་ཆེན་བློ་གྲོས་རྒྱལ་མཚན་སྨྲ་བའི་དབང་པོ་མི་ཉག་དམ་ཆོས་འོད་ཟེར་སོགས་བཤེས་གཉེན་དུ་མའི་ཞབས་རྡུལ་ལེགས་པར་རེག་སྟེ་ཐོས་བསམ་གྱི་སྒྲོ་མདོགས་བཅད་ནས་མཁས་པའི་མཚན་ཉིད་ཕྱོགས་ཀུན་ཁྱབ།
དེ་ལས་མང་བ་། “ལྔ་རིག་འོད་སྣང་འབྱེད་པའི་ཉི་མ་ཞིག་ནུབ་རི་ལ་ཡིབ་པ” »