ལྕོག་རི་དགེ་ལེགས་རྒྱལ་མཚན།
བདུད་བཞིའི་རྣམ་པར་ལས་རྒྱལ་ཆོས་ཀྱི་སྐུ་བརྙེས་ཏེ།།
རྟེན་འབྱུང་རྒྱལ་མོའི་གཏམ་གྱིས་མོས་ཁམས་དང་འཚམ་པའི།།
སྐྱེ་རྒུ་ཞི་བར་འདྲེན་མཛད་ཤཱཀྱ་ཡི་སྲས་དེས།།
གྲོགས་པོ་ཁྱོད་ཀྱི་བློ་སྣ་ཆོས་ཕྱོགས་སུ་སྒྱུར་ཅིག།།
རྫས་འཕྲུལ་གློག་གིས་འོད་ཀྱི་མགྱོགས་ཚད་རེ་འཇལ་ཏེ།།
རྒྱང་རིང་རྒྱུ་སྐར་གཤིས་ལུགས་རྒྱས་བཤད་ཅིག་བྱས་ཀྱང།།
མངོན་གྱུར་ཡིད་བློ་རྟོག་པ་ལྐོག་གྱུར་དུ་སོང་དུས།།
ཡོད་ཚད་རྩིས་ཀྱིས་གཞལ་བའི་གཏན་ཚིགས་ལ་མ་དགའ།།