ཀླུ་སྨྱོན།
ཐོ་རེངས་བྱ་ཕོས་ཀི་ཀི་ཀོ་ཀོ་ཞེས། །
མི་རྣམས་གཉིད་ལས་སློང་བའི་སྐད་བརྡ་སྒྲོག །
བུ་མོ་རིལ་རིལ་མལ་ནས་ཡར་ལངས་ཏེ། །
ཨ་མ་ནད་པར་ཞོགས་ཇ་དྲོན་མོ་བླུད། །
ཞོགས་པའི་ཉི་འོད་ས་གཞིར་འཕྲོས་པའི་དུས། །
བུ་མོ་རིལ་རིལ་བྲེལ་འཚུབ་ཆེ་རུ་སོང་། །
ཁང་ཆུང་ནང་དུ་གཙང་སྦྲ་ཏོག་ཙམ་བྱས། །
ཨ་མ་ནད་པར་ཉིན་གུང་ཟ་མ་བཟོས། །
ཁྲུས་ཁང་ཆུང་ཆུང་ནང་ནས་ཁྲུས་ཤིག་བརྒྱབ། །
མེ་ལོང་ཆག་པོའི་མདུན་ནས་ཡག་ཅིག་བཏོད། །
གསར་མིན་རྙིང་མིན་གྱོན་པ་གྱོན་ཞོར་དུ། །
ཨ་མ་མ་ཁོའི་འཁྲིས་སུ་གུང་ཟས་བཞག
བོད་རྒྱ་ཁ་ཆེ་གསུམ་འཛོམ་ཁྲོམ་སྲང་འདིར། །
དེང་སྐབས་ཕྱི་གླིང་བ་ཡང་རེ་ཟུང་མཆིས། །
ཆོས་རིག་དངོས་རྫས་ཐང་མར་བརྡལ་བའི་ཁྲོད། །
མི་རྣམས་རྣ་བར་འཛེར་བའི་སྐད་སྒྲ་སྒྲོག །