ཀླུ་སྨྱོན་ཧེ་རུ་ཀ
དཀྱིལ་འཁོར་ཆེན་པོའི་ལྟེ་བ་རུ། །ཁྱབ་བདག་གདོད་མའི་མགོན་པོ་སྟེ། །ཀུན་བཟང་རྡོར་སེམས་ཡབ་ཡུམ་ནི། །བདེ་ཆེན་ཀློང་ན་མྱོས་ཤིང་འདར། །ཡུམ་ཆེན་ཀུན་ཏུ་བཟང་མོ་ཡི། །ཆོས་དབྱིངས་ཁྱབ་བརྡལ་བྷ་གའི་ཀློང་། །ལྷ་སྐུ་ཡབ་ཡུམ་མཉམ་སྦྱོར་ནི། །ཏིལ་གྱི་གང་བུ་ཁ་ཕྱེ་བཞིན། །ལྷ་སྐུ་རེ་རེའི་སྦྱོར་མཚམས་སུ། །རིག་འཛིན་ཞིང་ཁམས་འབྱམས་ཀླས་ཤིང་། །ཞིང་ཁམས་རེ་རེའི་རྒྱ་ཁྱོན་ཡང་། །སྟོང་གསུམ་འཇིག་རྟེན་མཉམ་པར་བརྡལ། །དེ་བཞིན་བདེ་ཆེན་ཡབ་ཡུམ་གྱི། །བ་སྤུའི་ཁུང་བུ་རེ་རེར་ཡང་། །སྤྲུལ་པའི་ཞིང་ཁམས་མཐའ་ཀླས་པར། །རྡོར་སེམས་སྤྲུལ་བའི་རོལ་མོ་འཁྲོལ། །བུ་སྤུའི་འོད་ཟེར་རེ་རེས་ཀྱང་། །སྟོང་གསུམ་འཇིག་རྟེན་གསལ་བའི་གཞིར། །བྱེ་བ་ཕྲག་བརྒྱའི་འཇིག་རྟེན་གྱི། །སེམས་ཅན་དག་ལ་སྤྲུལ་པ་འགྱེད། །དགའ་བའི་རོལ་མོ་སྙན་བརྗིད་ཅན། །ཆགས་པའི་སྙན་ངག་ལུད་པའི་རྩེར། །དགའ་བ་བཞི་དང་བཅུ་དྲུག་གི །མེ་ལྕེ་དམར་པོའི་འོད་ཕྲེང་འགྱེད། །རྣལ་འབྱོར་དཔའ་བོ་དཔའ་མོ་རྣམས། །གསང་ཆེན་སྤྱོད་པ་ཡ་མ་ཟུང་། །མིག་འཕྲུལ་བཞིན་དུ་རོལ་བའི་དཔྱིད། །ངོ་མཚར་ཆེ་ཞིང་གཟི་བརྗིད་འབར། །མཁའ་སྤྱོད་མ་དང་སྒྲོལ་མ་སོགས། །གནས་གསུམ་དཔའ་བོའི་སྙིང་སྡུག་ཚོགས། །གཅེར་བུའི་གར་ལ་རབ་དགྱེས། །དཔའ་བོའི་པང་ན་མྱོས་ཤིང་བརྒྱལ། །འཛམ་གླིང་སྟག་ཤར་དཔའ་བོའི་རྒྱན། །གུ་རུ་ཨོ་རྒྱན་ཆེན་པོ་ཡང་། །མཁའ་འགྲོའི་བྷ་གའི་དྲོད་རླངས་ཀྱིས། །བཟི་ཞིང་བརྡ་ཡིག་ཆར་དུ་འབེབ། །ཡེ་ཤེས་མཚོ་རྒྱལ་ནི་གུ་མ།
ནོར་གླིང་མཐོ་སློབ་ཀྱི་རྩོམ་བསྡུའི་བརྡ་སྦྱོར།
རྒྱ་ཆེའི་ཤེས་ཡོན་སྨྲ་བའི་སྡེ་ལ་ཞུ་རྒྱུ།
འདི་གའི་མཐོ་རིམ་སློབ་གྲྭའི་འོད་ཐིག་ཅེས་པའི་ཚགས་པར་འདི་ནི། དུས་ཚིགས་རང་བཞིན་ཅན་གྱི་ཚགས་པར་ཞིག་ཡིན་པ་དང་། ད་ལོ་ནས་བཟུང་སྐབས་ལྔ་བའི་མཐོ་རིམ་སློབ་གཉེར་ཡོངས་ཀྱིས་འགན་ལེན་བྱས་ཏེ་མུ་མཐུད་དུ་འདོན་སྤེལ་བྱེད་རྩིས་ཡོད་ན། རྒྱ་ཆེའི་བོད་ཕྱི་ནང་གི་རྩོམ་འབྲི་བ་བོ་དག་གིས་རྣམ་པ་འདྲ་མིན་གྱི་སྒོ་ནས་རྩོམ་ཡིག་གང་མང་བསྐུར་རྒྱུའི་རེ་བ་ཆེ།
དེ་ལས་མང་བ་། “ནོར་གླིང་མཐོ་སློབ་ཀྱི་རྩོམ་བསྡུའི་བརྡ་སྦྱོར།” »
སྤྱི་ལོ་༢༠༡༠ནས་༢༠༢༠ བར་གྱི་མཚོ་སྔོན་སློབ་གསོའི་བཅོས་བསྒྱུར་འཆར་འགོད་རྩ་གནད་ཕྱིར་འཐེན་དགོས་པའི་འབོད་སྐུལ་ཁག་བཞི།
མཚོ་སྔོན་ཞིང་ཆེན་གཞུང་འཛིན་ཚོགས་པ་དང་ཞིང་ཆེན་སྲིད་གཞུང་། སློབ་གསོ་སྡེ་ཁག་བཅས་ལ།
གནམ་འོག་གི་སྐད་ཡིག་ཚང་མ་འདྲ་མཉམ་ཡིན།
གནམ་ འོག་གི་མི་ཚང་མས་སོ་སོའི་སྐད་ཡིག་དར་སྤེལ་དང་རིག་གཞུང་སྲུང་སྐྱོབ། མི་རིགས་འདྲ་མཉམ་བཅས་ཀྱི་ལངས་ཕྱོགས་གཙིགས་སུ་བཟུང་ནས་ཕན་ཚུན་ལ་བརྩི་འཇོག་ བྱེད་ཀྱིན་པའི་སྐབས་འདིར་མཚོ་སྔོན་ཞིང་ཆེན་གྱི་སྲིད་གཞུང་དང་འབྲེལ་ཡོད་ སློབ་གསོ་སྡེ་ཁག་ནས་གློ་བུར་དུ་སློབ་གསོ་བཅོས་བསྒྱུར་གྱི་ལས་གཞི་འདི་འདྲ་ ཞིག་གཏན་འབེབ་ལག་བསྟར་བྱས་པར་ང་ཚོ་ཚང་མར་བློ་ཕམ་ཚད་མེད་བྱུང་ཞིང་། གནས་ཚུལ་འདི་ཐོས་འཕྲལ་ང་ཚོས་ཉེན་ཁའི་གནས་སུ་གྱར་ཅིང་རྐང་ཞ་ལག་ལྡུམ་དུ་བཏང་ བའི་བོད་ཀྱི་སྐད་ཡིག་འདིའི་ཐོག་ཡང་བསྐྱར་རིག་གནས་གསར་བརྗེ་ལྟ་བུའི་གོད་ཆག་ འབྱུང་སྲིད་པར་སེམས་ཚབས་ཆེན་པོ་བྱེད་ཀྱིན་ཡོད། ཐེངས་འདིའི་<>ཅེས་ པ་འདི་ཕྱོགས་གཅིག་ནས་སྲིད་འཛིན་ཧུའུ་ཅིན་ཐའོ་ཡིས་ཤོད་ཀྱིན་པའི་འཆམ་མཐུན་ སྤྱི་ཚོགས་ཤིག་ཡོང་བར་འགོག་རྐྱེན་དུ་གྱུར་ཡོད་པས། གོང་རིམ་ནས་དངོས་ཐོག་བདེན་འཚོལ་གྱིས་སྲིད་ཇུས་འདི་འཕྲལ་དུ་ཕྱིར་འཐེན་བྱེད་ དགོས་པའི་འབོད་སྐུལ་ནན་གྱིས་ཞུ་བཞིན་ཡོད།
འཆི་ཁ་མའི་འཕག་འཚག
གཡང་སྐྱབས་རྒྱལ།
———————
ང་ཚོས་ ཤ་མོག་མོག་དང་ཚལ་མོག་མོག་བཟོས་པ་ཡིན། ཉི་མ་ཡང་ནུབ་ལ་ཉེ། ཁ་ཟས་བཟོ་རྒྱུ་ལ་ཆུ་ཚོད་འགའ་རེ་འགོར་ན་ཡང་། ཟ་རྒྱུ་ནི་སྐར་མ་ཁ་ཤས་ཀྱི་ལས་ཀ་རེད། ཆང་ཕོར་རྣམས་བཏེགས་ཏེ་ཧུབ་འཐུང་བྱས། ང་ཚོ་ལ་རྒྱུན་ལྡན་གྱི་སྐད་ཆ་དེ་ཚོ་མ་གཏོགས་མེད་པར་གྱུར། བཙན་བྱོལ་བའི་མི་ཚེ། ཨ་རིའི་ནང་གི་ལས་ཀ གྲོགས་མེད་ཁེར་རྐྱང་། དམིགས་བསལ་གྱིས་ང་ཚོས་དཀའ་ངལ་གྱི་ཕྱོགས་ནས་གླེང་པ་ཡིན། མཚམས་ཤིག་ལ་བོད་ཀྱི་མ་འོངས་པའི་ཐད་གླེང་མགོ་བརྩམས། རྒན་ལགས་ཀྱང་ར་བཟི་བ་འདྲ། འོན་ཀྱང་། ཁོང་གི་མིག་གོར་རིལ་དེ་དག་གྲུང་རིག་རིག་བྱེད།
“གལ་སྲིད་བོད་མི་བརྒྱ་ཆ་མང་ཤོས་ཀྱིས་ དབུ་མའི་ལམ་ལ་ འདོད་པ་ཡོད་ཅེས་བཤད་དེ་ཐག་ཆོད་པ་ཡིན་ན། ཉི་མ་དེ་ནི་ང་བོད་ནས་ཁ་གྱེས་པའི་ཉི་མ་དེ་ཡིན།”
༼མཇུག་མཐའི་སློབ་ཐུན་གཅིག ༽ གླེང་བ། བོད་འགྱུར་མ།
རྟ་ནག་སྐལ་བཟང་ལུང་རིགས།
མཇུག་མཐའི་སློབ་ཐུན་གཅིག་གི་རྒྱབ་ལྗོངས།
སྤྱི་ལོ ༡༨༧༠ ལོའི་ཟླ་བདུན་པར་ཧྤ་རན་སི་དང་འཇར་མན་གཉིས་ཀྱིས་དམག་འཁྲུགས་བསླངས། ཟླ་དགུ་བའི་ནང་ཧྥ་རན་སིའི་དམག་དཔུང་གཡུལ་ལས་རབ་ཏུ་ཕམ་ཏེ་ན་ཕོ་ལོན་སྐྱེ་ཕྲེང་གསུམ་པ་གསོན་བཟུང་ཐེབས།(ན་ཕོ་ལོན་སྐྱེ་ཕྲེང་གསུམ་པ། ཧྥ་རན་སི་སྤྱི་མཐུན་རྒྱལ་ཁབ་ཀྱི་སྐབས་གཉིས་པའི་སྲིད་བློན། ཧྥ་རན་སི་བཙན་རྒྱལ་རིང་ལུགས་ཀྱི་སྐབས་གཉིས་པའི་རྒྱལ་བོ། ན་པོ་ལོན་སྐྱེ་ཕྲེང་དང་བོའི་ཡང་ཚ།___སྒྱུར་མཁན་གྱི་མཆན) འཇར་ མན་ཕུའུ་ལུའུ་ཧྲི་དམག་དཔུང་ཤར་སྐྱོད་ཀྱིས་ཧྥ་རན་སིའི་ཨ་ཨར་ས་སི་ས་ཁུལ་དུ་ དཔུང་འཇུག་དྲག་པོ་བགྱིས་ཏེ། ལོ་ལིན་གཙོ་བོར་བྱས་པའི་རྒྱལ་ཡོངས་ཀྱི་སུམ་ཆའི་གཅིག་གི་ས་ཁུལ་བདག་ཏུ་བཟུང་། སྐབས་འདིར་ཧྥ་རན་སི་ལ་མཚོན་ནས་བཤད་ན། རང་སྲུང་དམག་ཇུས་ལ་ཡང་འགྱུར་བ་བྱུང་སོང་བར་མ་ཟད། ཁ་གཏད་ཀྱི་ཕུའུ་ལུའུ་ཧྲིའི་དམག་དཔུང་གིས་གསོད་སྲེག་འཕྲོག་གསུམ་བགྱིས་པས། ཧྥ་རན་སིའི་མི་དམངས་དག་སྡང་སེམས་མཉམ་སྐྱེས་དང་། དགྲ་འགོག་ཕར་རྒོལ་ཀྱི་ལས་ལ་བརྩོན་བཞིན་ཡོད། ༼མཇུག་མཐའི་སློབ་ཐུན་གཅིག་༽གི་སྒྲུང་ཐུང་འདིས་འདི་ལྟར་བཤད་བཞིན་ཡོད་དེ། དགྲ་ལག་ཏུ་ཤོར་བའི་ཨ་ཨར་སིའི་ས་ཁུལ་གྱི་སློབ་གྲྭ་ཞིག་ལ་ཧྥ་རན་སིའི་སྐད་ཡིག་ གཏན་འགོག་དང་དེའི་ཚབ་ཏུ་འཇར་མན་གྱི་སྐད་ཡིག་མ་གཏོགས་བཀོལ་མི་ཆོག་པ་བཟོས་ པའི་བརྗོད་བྱ་བརྒྱུད་ནས། ཧྥ་རན་སིའི་སྐད་ཡིག་གི་མཇུག་མཐའི་སློབ་ཚན་གཅིག་གི་སྣང་ཚུལ་དང་། སློབ་ཕྲུག་ཧྥོ་ལང་ཧྲི་དང་། ཧྥ་རན་སིའི་སྐད་ཡིག་གི་དགེ་རྒན་སྐུ་ཞབས་ཧན་མེར་གྱི་སྣང་བརྙན་དང་ཉམས་འགྱུར་ མངོན་པར་མཚོན་ཡོད་ལ། ཧྥ་རན་སིའི་མི་དམངས་ཀྱིས་རང་གི་རྒྱལ་ཁབ་ལ་བཅངས་པའི་རྒྱལ་ཞེན་གྱི་བསམ་བློ་དང་བརྩེ་བ་ཟབ་མོའང་མངོན་པར་མཚོན་ཡོད་པ་ཡིན་ནོ།།
དེ་ལས་མང་བ་། “༼མཇུག་མཐའི་སློབ་ཐུན་གཅིག ༽ གླེང་བ། བོད་འགྱུར་མ།” »