སྐད་ཡིག་རྒྱུན་འཛིན་གཟེངས་རྟཊ།
བོད་ཀྱི་དུས་བབ་ནས་བཏུས།
འདོན་སྤེལ། ༢༠༡༠/༡༡/༠༤
ཟླ་སྔོན་མའི་ཕྱི་ཚེས་ ༢༨ ཉིན། ཨ་རིའི་ཝི་སི་ཀོན་སིན་མངའ་སྡེ་དྲང་བདེན་སྲི་ཞུ་ལྷན་ཚོགས་དང་མངའ་སྡེ་ལས་བྱེད་འབྲེལ་ལམ་ལས་ཁུངས་ (State Council on Affirmative Action and Office of State Employment Relations) ཐུན་མོང་ཐོག་ནས་ཕྱི་ལོ་ ༢༠༡༠ ལོའི་རིས་མེད་སྲི་ཞུའི་ལས་འཆར་གཟེངས་ཐོན་རྟགས་མ་ (2010 Program Achievement Diversity Award) ཟེར་བ་དེ་འབུལ་སྤྲོད་ཀྱི་མཛད་སྒོ་ཞིག་ཝི་སི་ཀོན་སིན་མངའ་སྡེའི་གྲོས་ཚོགས་ཁང་དུ་ཚོགས་ཏེ། མལ་ཌི་སིན་དུ་ཡོད་པའི་ཝི་སི་ཀོན་སིན་གཙུག་ལག་སློབ་གྲྭ་ཆེན་མོའི་རིག་གཞུང་སྐད་ཡིག་
ཞབས་ཞུ་ཁང་དང་ཝེ་ཊི་ཝ་ཊིར་ཡོད་པའི་ཝི་སི་ཀོན་སིན་གཙུག་ལག་སློབ་གྲྭ་ཆེན་མོའི་དབྱར་དུས་ཚོང་ལས་སློབ་གཉེར་ལས་རིམ། རང་བྱུང་ཐོན་ཁུངས་ལས་ཁང་བཅས་ལ་གཟེངས་རྟགས་དེ་
འབུལ་སྤྲོད་བྱས་ཡོད་པ་རེད།
བཙན་བྱོལ་ནང་དུ་རང་སྣང་གང་ཤར་རེད་དམ།
སོག་ཤོད་དར་རྒྱས།
ཉེ་ཆར་བོད་ནང་དུ་སློབ་ཕྲུག་ཚོས་རྒྱ་ནག་གཞུང་ལ་ཞུ་འབོད་ཁྲོམ་སྐོར་གཞི་རྒྱ་ཆེན་པོ་ཞིག་བྱས་ནས། མཐོ་རྒྱ་མིའི་ཞིང་ཆེན་གྱི་དཔོན་པོ་ཡང་ས་གནས་རང་ལ་ཡོང་དགོས་པ་ཞིག་བཟོས་ནས་སྐད་ཡིག་གི་ཐོབ་ཐང་བརྩད་པ་རེད། བཙན་བྱོལ་ནང་དུའང་དེ་ལ་རྒྱབ་སྐྱོར་གྱི་རྣམ་པ་མཚོན་ཆེད་དུ་མར་མེའི་ཁྲོམ་སྐོར་ལྟ་བུ་ཐེངས་ཁ་ཤས་བྱས་པ་རེད། དེ་དག་ནི་རྣམ་འགྱུར་སྟོན་ཆེད་ཙམ་རེད།དོན་ངོ་མའི་རྒྱབ་སྐྱོར་ཞིག་ཆགས་ཀྱི་ཡོད་མེད་བཤད་ཁག་པོ་རེད།གང་ཡིན་ཟེར་ན།བཙན་བྱོལ་ནང་དུ་རང་དབང་ཡོད་སྟབས།སྐད་ཡིག་དང་རིག་གཞུང་སོགས་ཀྱི་ཐོག་ལ་མི་འབོར་ལ་དཔག་པའི་ཚད་གཞི་ཞིག་ལ་སླེབས་དགོས་ངེས་ཡིན་ཡང་ད་ལྟ་གང་ཞིག་ལ་སླེབས་ཡོད་མེད་དང་། གང་ཞིག་ཏུ་ཁ་ཕྱོགས་འགྱུར་བཞིན་པ་སྒེར་སོ་སོ་ལ་མཛུབ་མོ་འཛུགས་རྒྱུ་རེད།
སྙན་ཞུ་བོད་འགྱུར་རྗེས་ཀྱི་སྐད་ཆ་འདི་དག་གོ།
རྟ་ནག་སྐལ་བཟང་ལུང་རིགས།
མཚོ་སྔོན་གྱི་བོད་རིགས་རྒན་ཡོལ་བས་མཚོ་སྔོན་སློབ་གསོ་ཐེན་སོགས་ལ་ཕུལ་བའི་སྙན་ཞུ་ཡོངས་སུ་བོད་ཡིག་ལ་བསྒྱུར་ཚར། བལ་ ཡུལ་གྱི་གློག་ཀྱང་ཤིན་ཏུ་ནས་མི་བརྟན་པའི་རང་བཞིན་ཅན་ཡིན་པ་དང་། དུས་ཚོད་ཀྱང་སྟབས་བསྟུན་བགྱིས་ཏེ་ཆུ་ཚོད་གཅིག་རེ་ཅན་གྱི་འཛིན་གྲྭ་ལྔའི་ལས་ ཞོར་དུ་བསྒྱུར་བ་ཡིན་གཤིས། མ་ཤེས་པ་དང་མ་མཐོང་ས་རེ་འགའ་ཡོད་པ་ནི་ངེས་པ་ཅན་ཡིན་ཕྱིར། དེ་དག་ལ་ཀློག་པ་བོ་ཀུན་གྱིས་དགོངས་བཞེས་གནང་རོགས། བོད་དུ་བསྒྱུར་སྐབས་དོན་བསྒྱུར་གཞི་ལ་བཞག་ནས་ཆབ་སྲིད་དང་སློབ་གསོའི་བརྡ་ཆད་གང་ག་བོད་ནང་གི་འགྱུར་སྟངས་ལྟར་སྟབས་བདེ་བྱས་ཡོད་པའོ།།