བོད ལྷ་ཀླུ་གཉན་གསུམ།
བལྟས་བལྟས་དུས ད་གཟོད་ཤུན་པགས་ཤིག་རེད
ཡིན་ཡང་ དེ་ལ་གཅེས་པའི་སྣང་བ་འདི
དེ་འདྲའི་ལྕི་མོ་ཞིག རྒས་ན་ཡང་
ཚོར་བ་ནི་འགྱུར་སླ་བའི་ངང་ཚུལ་མེད་པར
མདུན་ནས་རྒྱབ རྒྱབ་ནས་གཞུག
བར་དང་གཏིང་འོག་མེད་པར་ནུར་བཞིན་འདུག
ནིའུ་ཡོག་གི་ལ་རྩེ་དཔེ་མཛོད་ཁང་གིས་བོད་ཀྱི་རི་མོའི་བགྲོ་གླེང་ཞིག་སྤེལ་རྒྱུའི་གསལ་བསྒྲགས་བཏོན་འདུག བགྲོ་གླེང་དང་འབྲེལ་བའི་གསལ་བསྒྲགས་ཡི་གེ་གཤམ་གྱི་པར་རིས་ལྟར་ལགས་ཤིང་། དེར་བོད་ཀྱི་རི་མོ་བ་གྲགས་ཅན་སྐོར་ཞིག་འཛོམས་བཞིན་འདུག ཞིབ་གསལ་གཤམ་གྱི་འབྲེལ་ཐག་ལ་གཟིགས་རོགས། http://www.trace.org/announcements/T003_event_email.html
བོད ལྷ་ཀླུ་གཉན་གསུམ།
བལྟས་བལྟས་དུས ད་གཟོད་ཤུན་པགས་ཤིག་རེད
ཡིན་ཡང་ དེ་ལ་གཅེས་པའི་སྣང་བ་འདི
དེ་འདྲའི་ལྕི་མོ་ཞིག རྒས་ན་ཡང་
ཚོར་བ་ནི་འགྱུར་སླ་བའི་ངང་ཚུལ་མེད་པར
མདུན་ནས་རྒྱབ རྒྱབ་ནས་གཞུག
བར་དང་གཏིང་འོག་མེད་པར་ནུར་བཞིན་འདུག
བསྟན་འཛིན་ཤེས་རབ།
མྱུ་གུ་ཕོན་པོ་ཞིག་ལྗང་མདོག་འཁྱིལ་ལེར་སྐྱེས་སོང་།
གཤོག་པ་སྡེབ་བཞིན་པའི་བྱེའུ་ཆུང་དེས་མགྲིན་པ་སངས་བཞིན།
རི་བོའི་ཕ་རོལ་ཏུ་འགྲོ་འདོད་ཟེར།
རི་བོའི་ཕ་རོལ་ན་ཅི་ཞིག་ཡོད་དམ།
ནམ་ཡང་ཡིད་ཆེས་ཀྱིས་འདྲོངས་པའི་མི་ཨང་།
སྐྱོ་བ་དེ་སེམས་ཀྱི་ཕྱི་རོལ་ཏུ་འདེད་རོགས།
ཕུགས་བསམ་ལ་མཚོན་རྩིས་ཤན་ནམ།
ཁྱོད་ལ་མངོན་གྱིན་པའི་ཁང་མིག་གསོར་མོ་དང་།
མེ་དྲོད་ཀྱི་སོས་བཞིན་པའི་སེམས་ཁམས་དྭངས་མོ་དེ་དག
ནུབ་ཕྱོགས་ན་ལྡང་བའི་དྲི་ངད་དང་སྦྲེལ་ཐབས་མི་འདུག
རྟ་ནག་སྐལ་བཟང་ལུང་རིགས།
བོད་འགྱུར་མ་འདིའི་གསལ་བཤད།
(藏区十大骗子)”བོད་ཁམས་ཀྱི་ཁྲམ་པ་བཅུ”ཞེས་པའི་བྲིས་རྩོམ་འདི་ ཉེ་ལམ་བོད་མིའི་རིག་གནས་དྲ་བའི་པོད་ཁུག་ཏུ་༼སྙན་ངག་པའི་ལྷ་ཡུལ༽ཞེས་པར་རྒྱ་ ཡིག་གི་ལམ་ནས་བཀོད་ཡོད་ཅིང་། དཔྱད་རིན་ཞིག་དང་བསམ་རིན་ཞིག་འདུག་བསམས་ཏེ་འདིར་བོད་འགྱུར་བགྱིས་པ་ཡིན། རིག་གནས་ཀྱི་ལྟ་ཚུལ་དང་།
མི་གཤིས་ཀྱི་མཛེས་པ་སོགས་ཡོད་ཚད་འགྱུར་བ་ལ་ཕྱོགས་པའི་དུས་འདིར་བྲིས་རྩོམ་ འདི་ལྟ་བུ་ཡང་མཐའ་གཅིག་ཏུ་ཕྱོགས་སྔར་བཟུང་ནས་དགག་རྒྱག་མི་བྱ་བར་བསམ་རྒྱུ་ ཅུང་འདུག་གོ།
བོད་ཁམས་ཀྱི་ཁྲམ་པ་བཅུ།
༡ དང་བོ་བོད་ཀྱི་སྙན་ངག་པ། བོད་ཀྱི་སྙན་ངག་པ་ནི་དེང་དུས་བོད་ཀྱི་རིག་གནས་པའི་བསྡུས་གཟུགས་ཤིག་ཏུ་གྲུབ་ཡོད་ཅིང་། བོད་ཀྱི་ཤེས་ལྡན་པའི་དཔུང་ཁག་ཅིག་ཏུ་འཚོལ་སྙེག་བྱེད་བཞིན་ཡོད། ཁོ་ཚོས་རྒྱལ་ནང་གི་ཤེས་ཡོན་པ་དག་གིས་སྔོན་ནས་དོར་ཚར་བའི་རིག་གནས་ཀྱི་གད་སྙིགས་དག་འཚོལ་སྙེག་གི་ཡུལ་དུ་བྱེད་བཞིན་ཡོད་དེ། དཔེར་ན། མི་རབས་གསུམ་པའི་སྙན་ངག་གི་གྲུབ་མཐའ་བ་དག་གིས་ནུབ་ཕྱོགས་པའི་སྙན་ངག་གང་ཡང་ རུང་བ་ཞིག་གི་ལུགས་ལ་རྗེས་ཟློས་བྱེད་པ་ལྟ་བུའོ།། ཁོ་ཚོས་དེང་རབས་ཀྱི་རིག་གནས་ཀྱི་རྗེས་ཟིན་གྱིན་མེད་པའི་ཁར། སྔར་མེད་གསར་གཏོད་ཀྱི་རྣམ་པར་གནས་པའི་འོད་སྟོང་འབར་བའི་སྲོལ་རྒྱུན་སྙན་ གཞུང་དག་གི་སྲོག་རྩའང་ཆད་ལ་ཉེ། ཁོ་ཚོས་གང་འདོད་ཀྱིས་མིང་ཚིག་ཁ་ཤས་ཤིག་འཐེན་སྣོན་བགྱིས་ཏེ་གྱ་ཚོམ་དུ་བྲིས་ པའི་སྙན་ངག་དག་ལ་འབྲི་བ་བོ་རང་ཉིད་ཀྱིས་ཀྱང་གོ་བ་ལོན་མི་སྲིད་དོ།།