བསེ་རུ།
ང་རང་ལས་དོན་ཞིག་གི་རྐྱེན་པས་ལྡི་ལིར་འགྲོ་དགོས་བྱུང་བའི་ཕྱི་དྲོ་དེར་སྤྱི་སྤྱོད་རླངས་འཁོར་དུ་ཞུགས་ཏེ། རང་ཉིད་འདུག་སྟེགས་འཚོལ་སྐབས།
ངའི་སྡོད་སའི་མདུན་ངོས་སུ་བུད་མེད་སྐྲ་དེ་ཙམ་རིང་པོ་མེད་པའི་གཞོན་ཤ་ཅན་ཞིག་མཐོང་བྱུང་། ངས་ཁོང་ཕྱི་སོག་གི་བུད་མེད་ཅིག་རེད་བསམས་ཏེ་ངས་དེ་ཙམ་དོ་སྣང་བྱས་མེད། དེ་ནས་རླངས་འཁོར་ཐོན་གྲབས་བྱེད་སྐབས། བུད་མེད་དེ་ངའི་འགྲམ་དུ་རྐུབ་སྟེགས་སྟོང་པ་ཞིག་ཡོད་སྟབས་དེར་སྣང་མེད་ངང་བསྡད་སོང་།
ཏོག་ཙམ་སྒུག་རྗེས་ངས་དབྱིན་སྐད་ཐོག་ནས་ཁྱེད་རང་གང་ནས་ཡོང་བ་ཡིན་ནམ་ཞེས་དྲིས། ཁོང་གིས་ང་རྒྱ་ནག་ནས་ཡོང་བ་ཡིན་ཞེས་བཤད་མ་ཐག་ངས་འཛུམ་མདངས་དང་བཅས། ཁྱེད་རང་རྒྱ་སྐད་ཤེས་ཀྱི་ཡོད་པ་མ་རེད་དམ་ཞེས་བཤད། ཁོང་གིས་ཡིན་དང་ཡིན་ཞེས་བཤད་བྱུང་། ངས་ཀྱང་དབྱིན་སྐད་དེ་ཙམ་ཤེས་ཀྱི་མེད་སྟབས། སྟབས་ལེགས་པ་ལ་ཨང་སྙམ་བྱུང་། ངས་ཀྱང་རྒྱ་སྐད་ཀྱི་ཐོག་ནས་ཁོང་ལ་འཚམས་འདྲི་བྱས་ཏེ་གཤམ་གྱི་གླེང་མོལ་ཡོད་ཚད་རྒྱ་སྐད་ཀྱི་ཐོག་ནས་བྱས་པ་ཡིན།
ངས་ཁོང་ལ། ཁྱེད་རང་རྒྱ་ནག་ས་ཆ་གང་ནས་ཡིན་ནམ་ཞེས་དྲིས་པས། ཁོང་གིས་ང་རྒྱ་ནག་ཧུའུ་ནན་ནས་ཡིན།