རྔ་བ་རྒྱལ་ཁམས་པ།
———————-
སེམས། དག་སྣང་གི་ཞིང་ཁམས་རབ་འབྱམས་འབྱུང་བའི་གནས།
སེམས། བདེ་སྡུག་གི་ཚོར་བ་སྣ་ཚོགས་འཇོག་སའི་གཞི།
སེམས། རྣམ་རྟོག་འགྱུ་བ་མཚོ་ལྟར་འཕྱུར་བའི་ཁུངས།
སེམས། སྣང་སྲིད་ཀྱི་ཆོས་ལ་ཐོགས་མེད་འཇུག་པའི་མདའ།
སེམས། བདེན་རྫུན་གྱི་རྣམ་བཞག་རི་ལྟར་བརྩེགས་པའི་རྫོང་
སེམས། ཡག་བཙོག་གི་འདྲ་འབག་ངེས་མེད་གྱོན་པའི་གར།
སེམས། ཤེས་རིག་བང་མཛོད་གཅལ་དུ་བཀྲམས་པའི་མཛོད།
སེམས། མུན་ནག་གི་ནང་ན་གློག་ལྟར་འཚེར་བའི་འོད།
སེམས། འཇིག་རྟེན་གྱི་རྣམ་བཞག་རྒྱས་པར་རྩོམ་པའི་གཞུང༌།
སེམས། ཁྱོད་ཡོད་སྟབས། འཇིག་རྟེན་དང་འཇིག་རྟེན་ལས་འདས་པའང་ཡོད།
མཚར་གཏམ་གོ་རྒྱུ་ཅན་ཞིག
གོང་གསལ་གྱི་རི་མོ་འདིའི་ནང་། གལ་ཏེ་ཁྱེད་ལ་རྒྱ་ནག་ཏུ་ཉེན་རྟོག་་པ་དགོས་མཁོ་བྱུང་ཚེ། གང་མགྱོགས་སམ། ༩༡༡ ལ་ཁ་པར་གཏོང་བའམ། ཡང་ན། དྲ་རྒྱའི་ཐོག་༧གོང་ས་མཆོག་ཅེས་འཚོལ་བ། ཞེས་འདམ་ཁའི་དྲི་བ་ཞིག་བཀོད་འདུག