ཀརྨ་དགེ་ལེགས།
སྔོན་ཚེ་སངས་རྒྱས་ཤཱཀྱ་ཐུབ་པ་ཡིས། །
ཡོད་མེད་གཉིས་སུ་ཐམས་ཅད་ཐག་བཅད་ནས། །
ནང་བའི་ལྟ་བ་གཏན་ལ་ཕབ་ཡོད་ན། །
ཐ་སྙད་ཚད་མས་གྲུབ་པ་ཅིའི་མི་འདོད། །
ཡོད་པ་མིན་པས་མེད་པ་ཡིན་པར་འགྲུབ། །
མེད་པ་མིན་ན་ཡོད་པ་ཡིན་དགོས་ཞེས། །
ཡོད་མེད་བར་ནས་ཆོས་ཞིག་གསུངས་མེད་ན། །
ཐ་སྙད་ཚད་མས་གྲུབ་པ་ཅིའི་མི་འདོད། །
འགྲོ་བ་ཀུན་ལ་ཡོད་པའི་འདུ་ཤེས་རྣམས། །
སངས་རྒྱས་ཟིན་ཡང་ད་དུང་ཇི་བཞིན་དུ། །
ཐམས་ཅད་གཏན་ནས་འགྱུར་པ་མེད་གྱུར་ན། །
ཐ་སྙད་ཚད་མས་གྲུབ་པ་ཅིའི་མི་འདོད། །
མིག་དང་སྣ་བ་རྣ་ཤེས་ཚད་མ་ཡིན། །
དབང་བོ་འདི་ལས་ལྷག་པའི་ཚད་མ་ཞིག །
འཕགས་པའི་ས་ནའང་ཡོད་པར་མ་གསུངས་ན། །
ཐ་སྙད་ཚད་མས་གྲུབ་པ་ཅིའི་མི་འདོད། །
རྒྱལ་བ་ཀུན་གྱི་ཐུགས་ཀྱི་ཡེ་ཤེས་ནི། །
དབང་བོ་དྲུག་གི་ནུས་པ་ལ་བརྟེན་ནས། །
ཐུན་མོངས་འགྲོ་བ་དག་གིས་གཞལ་ནུས་ན། །
ཐ་སྙད་ཚད་མས་གྲུབ་པ་ཅིའི་མི་འདོད། །