(དུས་བབ་དྲ་ཐོག་གི་བསྟན་འཛིན་ཚེ་དཔག་གི་ཟིན་བྲིས་ནས་བླངས།)
གཅིག བོད་ཡུལ་ནས་སྐྱེས་ཤིང་རྒྱ་ཡུལ་ནས་འདས་པ།
ང་ཕོད་ངག་དབང་འཇིགས་མེད་ནི། བོད་ཀྱི་ཆོས་རྒྱལ་སྲོང་བཙན་སྒམ་པོ་འཁྲུངས་ཡུལ་རྒྱ་མ་ཞེས་པའི་ཡུལ་དེའི་ནང༌། ཕྱི་ལོ་ ༡༩༡༠ ་ལོའི་ཟླ་ ༢ པའི་ནང་སྐྱེས་ཤིང༌། དེ་རིང་བཟང་པོ་བཅུ་འཛོམས་ཀྱི་ཉིན་སྟེ། ཕྱི་ལོ་ ༢༠༠༩ ཟླ་ ༡༢ ཚེས་ ༢༣ ཉིན་པེ་ཅིན་ནས་འདས་གྲོངས་སུ་གྱུར།
ང་ཕོད་ནི་ཁོང་རང་མག་པར་འགྲོ་ཡུལ་གྱི་ཁྱིམ་གཞིའི་མིང་ཡིན། ཁྱིམ་མིང་དེའི་སྟེང་ནས་ཁོང་ཉིད་གཞུང་ཞབས་ཁོངས་སུ་ཞུགས་ཤིང༌། དམའ་རིམ་གཞུང་ཞབས་ནས་བཀའ་བློན་གྱི་གོ་གནས་སུ་ཐེམ་པ་རིམ་འཛེགས་བྱས། ཤོད་ཚུལ་ལ། བོད་ཀྱི་ལོ་རྒྱུས་སྟེང་ལོ་ན་ཆུང་ཤོས་ཀྱི་བཀའ་བློན་ཡིན་པར་ཡང་བཤད།