སྨྱུག་རྒོད་གངས་བུ་དཔལ།
____________________________
༡ མདང་ནུབ་ངས་གློག་ཀླད་ཁ་ཕྱེ་བའི་དུས།
ལྷིང་འཇགས་ཀྱི་འཇིག་རྟེན་དཀྲོག་པར་མི་འདོད་ཅིང་།
ཚིག་ངན་གྱིས་རྣ་བ་དཀྲུག་པར་མི་འདོད།
འོད་སྣང་གིས་ངའི་མིག་གོང་ཧྲིལ་པོར་འགེབས།
དབུགས་རྔུབ་ཀྱི་རྒྱུ་བའི་སྒྲ་ཙམ་རྣ་བས་ཚོར།
དྲ་འདྲེན་གྱི་ལྒེ་ཁུང་ནང་འཚོལ་ཞིབ་ཀྱི ་དྲ་བྱང་བླུག།
“ང་སུ་རེད་དམ”་འདི་ངས་འཚོལ་དགོས་པ་ཡིན།
དྲ་གྲོགས་ཚོ། ཁོ་བོར་གཤེ་ཡང་རུང་། སྨད་ཀྱང་ཆོག
(བསེ་རུ།)
དྲ་གྲོགས་ཚོ།
ང་ཚོས་འགུལ་སྐྱོད་བྱེད་དགོས། ཡར་ལངས་དགོས། ད་དུང་འགྲོ་དགོས། བསམ་བཞིན་དུ་ཡིག་ནོར་འདོར་གྱིན་འགྲོ་དགོས། བག་འཁུམ་མི་ཉན། འགྲོ་དགོས། སྐད་ཡིག་གི་ཚེ་སྲོག་གི་སླད་དུ། མི་རིགས་ཀྱི་བདེན་དོན་ཞིག་གི་ཆེད་དུ། ཇི་སྲིད་འདོད་དོན་མ་འགྲུབ་པ་དེ་སྲིད་དུ་འགྲོ་དགོས།
སྙིང་སྟོབས་དང་། སེམས་ཤུགས། ལྷག་བསམ། དཔྱོད་ཤེས་སོགས་ཡོད་པའི་ཐོག་ནས་འགྲོ་དགོས།།
དེ་ལས་མང་བ་། “དྲ་གྲོགས་ཚོ། ཁོ་བོར་གཤེ་ཡང་རུང་། སྨད་ཀྱང་ཆོག” »
ཀྲུའུ་ཝེན་ཆུན་གྱིས་རྒྱ་རི་རིན་པོ་ཆེར་ལན་བརྒྱབ་འདུག ད་རྒྱ་རི་རིན་པོ་ཆེས་དེ་ལ་ལན་ཞིག་སྐྱོན་དགོས་ཀྱི་འདུག
༄༅།།ཀྲུའུ་ཝེ་ཆུན་གྱིསསྐུ་ཞབས་རྒྱ་རི་བློ་གྲོས་ཀྱིས་རྒྱུ་མཚན་གསལ་འགྲེལ་བྱས་པའི་ཐོག་ནས་ཏཱ་ལའི་ཡིས་རྫུན་གཏམ་ལབ་པ་ར་སྤྲོད་བྱས་འདུག་ཅེས་གསུངས་པ།
ཀྲུང་གོའི་བོད་ལྗོངས་ཆ་འཕྲིན་ལྟེ་གནས་(http://www.tibet.cn)ཀྱི་འཕྲིན་གསར། ཟླ༡༢པའི་ཚེས༡༧ཉིན་ཀྲུང་དབྱང་འཐབ་ཕྱོགས་གཅིག་གྱུར་པུའུ་ཡི་རྒྱུན་ལས་པུའུ་ཀྲང་གཞོན་པ་ཀྲུའུ་ཝེ་ཆུན་གྱིས་ཏཱ་ལའི་བླ་མའི་མི་སྒེར་གྱི་འཐུས་མི་རྒྱ་རི་བློ་གྲོས་ཀྱིས་ཟླ༡༢པའི་ཚེས༡༠ཉིན་བཏོན་པའི་གསལ་བསྒྲགས་ཀྱི་ཐད་ནས་ཀྲུང་གོའི་བོད་ལྗོངས་ཆ་འཕྲིན་ལྟེ་གནས་ཀྱི་གསར་འགོད་པའི་དྲི་བར་ལན་བསྐྱོན་པ་གཤམ་གསལ་ལྟར།
གསར་འགོད་པས། ཟླ༡༢པའི་ཚེས༨ཉིན་ཁྱེད་ཀྱིས་ང་ཚོའི་བཅར་འདྲི་དང་ལེན་གནང་སྐབས་འདི་སྐད། ཏཱ་ལའི་བླ་མས་ཀྲུང་དབྱང་གི་འཐུས་མིས་མཇལ་འཕྲད་གྲོས་མོལ་གནང་བའི་ཐད་དཀྲོག་གཏམ་བཟོས་ཤིང་། ཁྱེད་ཀྱིས་“ཏཱ་ལའི་བླ་མས་བོད་རང་བཙན་བྱེད་པའི་རེ་འདོད་མེད”ཅེས་པའི་སྐད་ཆ་ཞིག་རྩ་བ་ནས་བཤད་མ་མྱོང་བ་དང་། ཏཱ་ལའི་ཡིས་འཛམ་གླིང་ཡོངས་ཀྱི་མི་རྣམས་ལ་རྫུན་གཏམ་བརྗོད་བཞིན་འདུག་ཅེས་བསྟན་པ་རེད། ཁྱེད་ཀྱི་ཐེངས་འདིའི་བཅར་འདྲིའི་གླེང་མོལ་ལ་རྒྱལ་ཁབ་ཕྱི་ནང་གི་མི་རྣམས་ཀྱིས་དོ་སྣང་ཆེན་པོ་བྱེད་ཀྱིན་འདུག ཕྱི་རྒྱལ་གློག་འཕྲིན་ཚན་པས་བསྒྲགས་པ་ལྟར་ན། ཟླ༡༢པའི་ཚེས༡༠ཉིན་ཏཱ་ལའི་མི་སྒེར་གྱི་འཐུས་མི་རྒྱ་རི་བློ་གྲོས་ཀྱིས་ཕྱིའི་ཡུལ་དུ་གསལ་བསྒྲགས་ཤིག་སྤེལ་ཏེ་ཏཱ་ལའི་བླ་མའི་ཕྱོགས་ཀྱི་རྒྱུ་མཚན་གསལ་འགྲེལ་བྱས་ཡོད་པ་རེད། ཁྱེད་ཀྱིས་གསལ་བསྒྲགས་དེ་ལ་ལྟ་ཚུལ་ཅི་ཞིག་འཛིན་ནམ།
འཆི་ཁར་ཕན་པའི་གདམས་ངག་ཉམས་ལེན་གྱི་སྙིང་པོ་ཞེས་བྱ་བ་བཞུགས་སོ།།
གཞོན་ནུ་ཟླ་མེད་ཀྱིས་བསྡུས། ———- བདེ་བ་ཅན་གྱི་མགོན་པོ་འོད་དཔག་མེད།། མཐོན་མཐིང་བརྩེ་བའི་སྤྱན་གྱིས་བདག་ལ་གཟིགས།། དགྱེས་འཛུམ་ཟླ་བའི་ཞལ་རས་བདག་ལ་སྟོན།། བྱིན་རླབས་བདུད་རྩིའི་དགའ་སྟོན་བདག་ལ་སྟོན།། ཚེ་མཇུག་དབུགས་ཐག་ཆད་པར་ཉེ་བའི་ཚེ།། མཚན་དཔེ་རྒྱན་ལྡན་ཁྱོད་སྐུ་བདག་དྲུང་དུ།། མངོན་སུམ་བྱོན་ནས་ཚེ་འདིར་མ་ཆགས་པར།། ང་ཡི་ཞིང་དུ་འགྲོ་ཞེས་གསུང་བར་ཞུ།། རང་ལུས་རྩ་ནས་ལྷོད་ཅིང་སོ་དྲག་ཆགས།། སྨིག་རྒྱུ་འདྲ་བའི་ཉམས་སྣང་འཆར་བ་སོགས།། ས་ཁམས་ཆུ་ལ་ཐིམ་པའི་རྟགས་བྱུང་ཚེ།། མ་སྐྲག་མ་འཇིགས་གསུངས་ཤིག་འོད་དཔག་མེད།། ཁ་སྣ་བརྫེས་ཤིང་ལྕེ་ཐུང་ཤེས་པ་ཚུལ།། དུ་བ་ལྟ་བུའི་ཉམས་སྣང་འཆར་བ་སོགས།། ཆུ་ཁམས་མེ་ལ་ཐིམ་པའི་རྟགས་བྱུང་ཚེ།། ཞལ་སྟོན་སེམས་གསོ་མཛོད་ཅིག་འོད་དཔག་མེད།། དྲོད་སྡུད་མདངས་ཤོར་ཤིག་འབྲོས་རླངས་པ་འཕྲོ།། སྲིན་བུ་མེ་ཁྱེར་ཉམས་སྣང་འཆར་བ་སོགས།། མེ་ཁམས་རླུང་ལ་ཐིམ་པའི་རྟགས་བྱུང་ཚེ།། ཆོས་སྒྲ་ལྷང་ལྷང་གསུངས་ཤིག་འོད་དཔག་མེད།། ལུས་ནི་ཤིགས་སེ་འཐོར་ཞིང་དབུགས་ཐག་ཆད།། མར་མེ་ལྟ་བུའི་ཉམས་སྣང་འཆར་བ་སོགས།། རླུང་ཁམས་རྣམ་ཤེས་ཐིམ་པའི་རྟགས་བྱུང་ཚེ།། དགྱེས་བཞིན་བསུ་མ་མཛོད་ཅིག་འོད་དཔག་མེད།། དེ་ཚེ་ཁྱོད་ཐུགས་འོད་ཟེར་ལྕགས་ཀྱུའི་རྩེ།། སྤྱི་གཙུག་ཚངས་བའི་བུ་གར་རབ་ཟུག་སྟེ།། བདག་སེམས་དབུ་མའི་ལམ་ནས་ཡར་དྲངས་ཏེ།། བདེ་ལྡན་པདྨའི་སྦུབས་སུ་སྐྱིལ་བར་མཛོད།། སྐད་ཅིག་དེ་རུ་ལུས་ཀྱི་སྐྱེ་མཆེད་རྫོགས།། ཐེག་ཆེན་རིགས་ཅན་ལྟ་བུའི་ལུས་བླངས་ཏེ།། ཁྱོད་ཞལ་མཇལ་ཞིང་ཁྱོད་གསུང་ཉམས་བླངས་ཏེ།། ཕྱིར་མི་ལྡོག་པའི་བྱང་ཆུབ་འཐོབ་པར་ཤོག། ཅེས་དམིགས་པ་གསལ་བའི་སྒོ་ནས་འོད་དཔག་མེད་པའི་མཚན་ཐུབ་ཚོད་དུ་བཟླ་ཞིང་བཟང་སྤྱོད་སྨོན་ལམ་གྱིས་རྒྱས་གདབ་པོ།། ཅེས་པ་འདི་ནི་འཁོར་ལོ་སྣ་ཁའི་དགེ་བསྙེན་མ་ཤེས་རབ་སྒྲོལ་མས་ནན་ཆེར་བསྐུལ་ངོར།། དན་ཏིག་ཞབས་དྲུང་འཇིགས་མེད་རིགས་པའི་བློ་གྲོས་ཀྱིས་མདོར་བསྡུས་ཁ་གསལ་དུ་བྲིས་པའོ།། །།
ཚེ་ཏན་ཞབས་དྲུང་ཚང་གི་གསུང་འབུམ་དཀར་ཆག
ཀླུ་སྨྱོན།
མཚོ་སྔོན་པར་མའི་གླེགས་བམ་དང་པོ།
ཁྱབ་བདག་རྡོ་རྗེ་སེམས་དཔའི་ངོ་བོ་བཀའ་དྲིན་མཚུངས་མེད་རྗེ་བཙུན་འཇིགས་མེད་དམ་ཆོས་རྒྱ་མཚོ་དཔལ་བཟང་པོའི་གསང་གསུམ་རྨད་དུ་བྱུང་བའི་རྟོགས་པ་བརྗོད་པ་གདུང་སེལ་སྨན་གྱི་ལྗོན་པ་ཞེས་བྱ་བ།
མཉམ་མེད་ཤྰཀྱའི་དབང་པོའི་རྗེས་ཞུགས་པ་འཇིགས་མེད་རིགས་པའི་བློ་གྲོས་རང་གི་བྱུང་བ་བརྗོད་པ་བདེན་གཏམ་རྣ་བའི་བདུད་རྩ་ཞེས་བྱ་བ།
གླེགས་བམ་གཉིས་པ།
ལམ་རིམ་བརྗེད་བྱང་ཆེན་མོར་གཟིགས་རྟོགས་གནང་མཁན་རྣམས་ཀྱིས་ཐོག་མར་ངེས་དགོས་པའི་སྙན་སྒྲོན་ལེ་ཚན་གསུམ་བཞུགས་སོ།།
ལམ་རིམ་ཆེན་མོའི་བརྗེད་བྱང་སྙིང་པོ་ཀུན་ལས་བཏུས་པ་ལེགས་བཤད་འདོད་འཇོ་ཞེས་བྱ་བ་བཞུགས་སོ།།
རིམ་ཆེན་མོའི་བརྗེད་བྱང་སྙིང་པོ་ཀུན་ལས་བཏུས་པ་ལེགས་བཤད་འདོད་འཇོ་ཞེས་བྱ་བ་ལས་སྐྱེས་བུ་འབྲིང་གི་ཆོས་སྐོར་བཞུགས་སོ།།