གཡུ་དྲུག་དཀར། རྡ་ས།
ནམརྒྱུན་གྱི་རྨི་ལམ་ལས། མུན་ནག་གིས་ཟ་བཞིན་པའི་ངའི་བྲང་ཁོག སྐར་ཚོགས་ལྟ་བུའི་སྣང་བ་རྣམ་རྟོག་གིས་ནོན་ཞིང་། རང་ཉིད་དང་གདོང་ཐུག་རྒྱག་པའི་མཚན་མོ་རེ་རེའི་པང་ལ་བུད་དེ། ཧ་ཅང་སྟུག་པོའི་སྨག་རུམ་གྱི་ཟབ་སར་ལག་སྙོབ་བྱེད་བཞིན། ངས་ཅི་ཡང་བཙལ་མོད།
ནམ་རྒྱུན་ལག་པས་རེག་ས་ཞིག་གདའ་བ་ནི། གཅིག་ལས་གཅིག་ཆེ་ཞིང་། གཅིག་ལས་གཅིག་གྱོང་བའི་མགོ་བོ་རྐྱང་ལས་མ་འདས་ལ། མགོ་བོ་འདི་དག་ལ་རྒྱང་ལྟ་བྱས་ཚེ། དེ་དག་ནི་གཅིག་ལས་གཅིག་ཆེ་ཞིང་། གཅིག་ལས་གཅིག་བརྗིད་པ་ལྟ་བུའི་མགོ་བོ་འགའ་རེད་མོད།