ང་ཡི་བོད ང་ཡི་མི་རིགས
བོད་ནས་རོང་བོ་དགེ་འདུན་ལྷུན་གྲུབ
་་་་་་་་་་་་་་་་ཀྲུང་མེ་གཉིས་ཀྱི་སྲིད་འཛིན་ཐུག་འཕྲད་རྗེས་ཀྱི་གཏམ་གླེང་གིས་བསླངས་པའི་ཚོར་བ་ཞིག་ལ་གཞི་བཅོལ་ནས་བྲིས་སོ།།
རྩྭ་ཟིལ་ཞིག་ནས་འགྱེད་ཅིང་ཐོར་བའི་སྨུག་པ་དེ
ང་ཡི་པོ་ཏྰ་ལ་ཡིན་ན
རས་ཡོལ་དམར་པོ་ཞིག་གིས་བསྒྲིབས་ཤིང་སྒྲོག་ཏུ་བཅུག་པ་དེ་ང་ཡི་ལོ་རྒྱུས་ཡིན་ན
དེ་རིང་ང་ནི་རྒྱ་མཚོ་ཆེན་པོ་ཞིག་དང་འདྲེས་འདོད
ཆུ་སྲིན་ཆེན་པོ་ཞིག་གི་ཁ་གཏད་དུ་ཆས་འདོད
སྐྱོ་ཞིང་སྐྱོ་བའི་ལོ་ཟླ་འདི་དག་མུན་ནག་གིས་ཟོས་པས
ཨ་རི་འམ ཡང་ན་ཧྥ་རིན་སི རྒྱལ་ཁབ་ཆེན་པོ་དག་གིས
ང་ནི་གཡས་ནས་གཡོན་དུ་བསྐྱུར་ཅིང
ང་ནི་ས་སྒང་འདིའི་སྟེང་གི་སྤོ་ལོ་ཆུང་ཆུང་ཞིག་ཏུ་བརྩིས་དུས
ང་ཡི་དཀོན་མཆོག ང་ཡི་མེས་པོ
ཡང་ན་ལག་པ་གནམ་དུ་སྒྲེང་བའི་ང་ཡི་གཞོན་ནུ་དག
ང་ནི་ངོ་མ་རིན་ཐང་ཤིན་ཏུ་ཆུང་བའི་ཕྱེ་མ་ལེབ་ཅིག་ཡིན་ནམ
ཀྲུང་གོའི་ཁྱད་ཆོས་ལྡན་པའི་རེབ་གོང་གི་དགེ་སློང་།
རྩོམ་པ་པོས་བསྐུར་བ་ལྟར་བཀོད་ཡིན་
རེབ་གོང་ནས་ནང་ཁུལ་ལ་གཞུང་འབྲེལ་ལྗོངས་རྒྱུར་ཕེབས་པའི་དགེ་སློང་ཞིག་དང་ཁ་བརྡ་བྱས་འཕྲལ་བྲིས་་་་་་
བོད་ནས་ལྷམ་ཀོག་གིས་་་
རྒྱལ་ཁབ་དྲིན་ཆེན་པོས
བསྟན་པ་དང་མི་རིགས་འཆམ་མཐུན་གྱི་ཕྱིར་དུ
ཉ་འདྲ་བའི་རླངས་འཁོར་ལས་བསྐྱལ་ཅིང
ནང་ལོག་གི་ཡུལ་གྲུ་ཁ་ཤོས་ལ་གདན་འདྲེན་བྱས་པ་དེ་དྲན་ན
ངའི་ཤ་དང་རུས་པའི་གསེབ་ན་མྱུག་མྱུག་ཏུ་འགྲོ་བའི་རྣམ་ཤེས་འདི
རྒྱལ་ས་པེ་ཅན་དུ་ཡོད་ན་ཅི་མ་རུང
དེ་ལས་མང་བ་། “ཀྲུང་གོའི་ཁྱད་ཆོས་ལྡན་པའི་རེབ་གོང་གི་དགེ་སློང་།” »