ཁ་བརྡ།

ཁ་བརྡ།

Archive for November, 2009


ཁ་བརྡ་ཚང་ལ་བསྐུར་བའི་ཁ་བརྡ།

འདྲེ་རིག་ལྡན་གྱིས།

ཁྱེད་དྲ་བ་འདི་ཉིད་འགོ་ཚུགས་པ་ནས་བཟུང་། བོད་སྐད་ཡིག་ལ་དུང་བའི་མི་མང་པོ་ཞིག་གིས་བར་སྐབས་ཡོད་ཚད་བཙལ་ནས་ཁྱེད་ཚང་ལ་འོང་ཞིང་།
འཁྲུག་ཆ་དོད་པའི་ཆ་འཕྲིན་དུས་རབས་ཀྱི་སྟེགས་བུའི་ཟ་ཟུར་འདི་ནས་རང་རང་གི་སེམས་པ་བརླན་ས་རེ་བཙལ་བ་རེད།
ངོ་མ།
ཁ་བརྡས་མཚོན་པའི་བོད་ཡིག་དྲ་ཚིགས་གང་མང་ཞིག་ཡོད་པ་དག་གིས་དུས་རབས་འདིའི་ང་ཚོའི་སྐོམ་གདུང་བསལ་དང་སེལ་བཞིན་པ་དེར་གུས་བཀུར་བསྔགས་བརྗོད་ཞུ་འོས།

ཡིན་ན་ཡང་།
ཁ་བརྡ་ཚང་ལ་འོང་མཁན་ཚང་མ་ནི་ཆབ་སྲིད་དང་རིག་གནས་སོགས་ཀྱིས་མཚོན་པའི་ཤེས་བྱས་གནས་ཀུན་ལ་མཁས་ཤིང་རང་ཚུགས་དང་ངང་རྒྱུད་རིང་བ་ཞེ་གཅིག་མིན་པར་མ་ཟད།
ད་དུང་ཁྱེད་ཚང་གི་སྐུ་མགྲོན་དག་གི་ཁྲོད་དུ་དམིགས་ཡུལ་སྣ་ཚོགས་ཡོད་པའི་སྐབས་འཚོལ་བ་ཡང་མེད་ཅེས་ང་ཚོ་སུས་ཀྱང་ཁྲུན་ཐག་ཆོད་རྒྱུ་མ་རེད།
དེ་བས། ཁ་བརྡ་རྒད་པོས་ཀྱང་དེའི་ཚོད་ཀྱི་སྐད་ཆ་རེ་བཤད་རྒྱུ་ནི་གནད་ཀྱི་དམ་པ་རེད།
Read the rest of this entry »

ཡང་ན་ངའི་youtube ལ་ཁྲིམས་གཏུགས་བྱེད་རྒྱུ་ཡིན།

གྲོགས་པོ་རྣམས་པ་། འདས་ལོ་2008ཀྱི་ལོར་། བདག་གིས་འདིར་བྱང་ཀེ་ལི་ཕོ་ནའི་གྲོང་ཁྱེར་སན་ཕ་རན་སེ་སུ་ཁོ་ནང་། རྒྱ་ནག་ཨོ་ལུས་རྩལ་འགྲན་ཚོགས་ཀྱི་དཔལ་འབར་ཡོང་བ་དང་འབྲེལ་བོད་དོན་སྐོར་གྱི་གློག་བརྙམ་དུམ་གང་མང་ཞིག་། youtube ཐོག་བཀོད་པ་ཡིན་། youtube སྤྱོད མིང་ལ་ Danaktsang ཡིན།

དེས་ནང་བོད་ཀྱི་རྒྱལ་གླུ་ཞིག་བཀོད་པ་དེར་ལྟ་མཁན་གྲངས་འབོར་5,878ལས་རྒལ་ཡོད་ལ་། གློག་བརྙམ་ཐུང་དེར་བསྟེན་མི་གང་མང་ཞིག་བོད་ཀྱི་རྒྱལ་གླུ་སྦྱང་རྒྱུར་སྟབས་ཤིན་དུ་བདེ་བོ་ཡོད་པ་། ་སོགས་ཀྱི་བསྟོད་བསྔགས་ཀྱང་གང་མཚམས་འབྱོར་། ཡིན་ན་ཡང་། དེ་རིང་བདག་ལ་འཕྲིན་ཐུང་ཞིག་གི་འབྱོར་བའི་ནང་་སྡུག་མོད་དང་བཅས་དང་མཉམ་དུ་བདག་གི་གློག་བརྙན་ཐུང་བུ་དེ་ཚུར་སྐུར་ཡོད་པ་། ང་ཡང་མགོ་འཐོམ་སོང་། youtube ཐོག་བཀོད་པའི་བརྙན་ཐོག་མི་གཞན་པའི་སྣོན་སྦྱོར་དང་ངམ་ཡང་ན་། བསྐྱར་བསྒྲིགས་བྱེད་ཐུབ་གི་རེད་དམ་། གྲོགས་པོ་ཚོས་གནས་ཚུལ་འདི་ལ་ཞིབ་འཇུགས་རེ་གནང་ནས་ལན་རེ་གནང་རྒྱུར་བསྒུགས་བསྡད་ཡོད་། བྱང་ཀེ་ལེ་ཕོ་ཉ་ནས་སྦྲ་ནག་གིས་།

འདིར་སྡབས་ནས་གནས་ཚུལ་དེ་གཟིགས་རོགས་གནང་།
http://www.youtube.com/watch?v=b6RI2HbGQJU

བཀྲ་ཤིས་དོན་འགྲུབ་ཀྱི་གཞས་འགའ།

www.youtube.com/བོད་ཀྱི་རོལ་དབྱངས། Tashi Dondup&Gonpotso-Tibetan song
མཆོད་པ།
གངས་རིའ་ཁ་མདོག་དུང་ཡིན།། དུང་ལ་དྲི་མས་གོས་མེད།། གངས་སེང་ཕྱིར་ལ་ཕེབས་དང་།། དུང་གི་མཆོད་པ་བཤམས་ཡོད།།
སྤང་ལྗོངས་ཁ་མདོག་གཡུ་ཡིན།། གཡུ་ལ་གོད་ཆག་བྱུང་མེད།། གཡུ་སྦྲང་ཕྱིར་ལ་ཕེབས་དང་།། གཡུ་ཡི་མེ་ཏོག་བཤམས་ཡོད།།
གྲོགས་པོའི་སེམས་པ་མཚོ་ཡིན།། མཚོ་ལ་གཡོ་བ་བྱུང་མེད།། སྙིང་གྲོགས་ཕྱིར་ལ་ཕེབས་དང་།། མཚོ་མོས་ཡོན་ཆབ་བཤམས་ཡོད།
youtube/བོད་ཀྱི་རོལ་དབྱངས། Tashi Dondup-tibetan song
གངས་སེང་ཕྱིར་ལ་ཕེབས་དུས།། ཏི་སེའི་གཟི་བྱིན་རྒྱས་སོང་།། ང་ནི་གངས་དཀར་ཏི་སེའི།། གངས་ཕྲུག་ཡིན་ན་བསམ་སྱུང་།།
བླ་མ་ཕྱིར་ལ་ཕེབས་དུས།། ཕོ་བྲང་དམར་པོ་མཛེས་བྱུང་།། ང་ནི་ལྷ་སའི་གྲོང་གི།། མཇལ་བ་ཡིན་ན་བསམ་བྱུང་།།
དཔྱིད་ཀྱི་དཔལ་མོ་སླེབས་དུས།། སྨད་ཀྱི་མཚོ་མོ་རྒྱས་བྱུང་།། ང་ནི་སྨད་ཀྱི་མཚོ་མོའི།། གསེར་མིག་ཡིན་ན་བསམ་བྱུང་།།
བུ་མོ་ཕྱིར་ལ་ཕེབས་དུས།། བར་གྱི་རི་གྲོང་མཛེས་བྱུང་།། ང་ནི་བར་གྱི་གྲོང་གི།། ན་རྫ་ཡིན་ན་བསམ་བྱུང་།
youtube/བོད་ཀྱི་རོལ་དབྱངས། Tibetan song by Tashi Dondup
རྫ་ཁྲ་ཡག་རྫ་ལུང་ཁུག་པ་ན།། འབྲི་བཞོ་རྒྱུ་མེད་ནི་མ་རེད་དྲ།། རྫ་སྨུག་པོའི་ཟུར་ཁའི་འབྲོང་མོ་ཁྱོད།།གཅིག་བཞོ་གི་བསམ་པ་ང་ཡོད་གི།
སྡེ་ཡག་པ་རང་སྡེ་ཕྱུག་མོ་ན།། ང་རྩེད་རོགས་མེད་ནི་མ་རེད་དྲ།། ང་ཕྱི་སྡེ་བཞིན་བཟང་བུ་མོ་ཁྱོད།། གཅིག་འགྲོགས་གི་བསམ་པ་ང་ཡོད་གི
youtube/Tibetan song by Tashi Dondup བོད་ཀྱི་རོལ་དབྱངས།
སྟོད་དབུས་གཙང་ཇོ་ཁང་ནང་ན།། སྐུ་མ་མཇལ་ས་ཟིག་མེད་དྲ།། གཅིག་མ་མཇལ་ཇོ་སྐུ་ཁྱོད་ཡིན།། མཇལ་ཐུབ་ན་ད་ཐེངས་མཇལ་རྒྱུ།། མཇལ་མ་ཐུབ་ཕྱི་སྐོར་རྒྱག་རྒྱུ།།
ས་སྡེ་ཆེན་རྩེད་རའི་ནང་ན།། རོགས་མ་འགྲོགས་ས་ཟིག་མེད་དྲ།། འགྲོགས་མ་ཐུབ་བུ་མོ་ཁྱོད་ཡིན།། འགྲོགས་ཐུབ་ན་ད་ཐེངས་འགྲོགས་རྒྱུ།། འགྲོགས་མ་ཐུབ་ཚིག་གསུམ་བཤད་རྒྱུ།།

བོད་ལྗོངས་བདེ་འཇགས་དགོས་ན་བཙན་བྱོལ་བོད་གཞུང་གི་དགོས་འདུན་ལ་མྱུར་དུ་དང་ལེན་བྱེད་དགོས།

གཅན་བཟོད་རྒྱམ་པས་
༡༽ དེང་སྐབས་རྒྱ་རིགས་ཚོས་བོད་ཐོག་ལྟ་སྟངས།
ང་རང་རྒྱུན་དུ་དྲ་ཁང་དུ་སོང་སྟེ་རྒྱལ་ཁབ་དང་མི་རིགས་འདྲ་མིན་ལ་ལབ་གླེང་སྣ་ཚོགས་བྱེད་པར་ཧ་ཅང་དགའ་ཞིང༌། ལྷག་པར་དུ་ད་ལོའི་གསུམ་པའི་བཅུ་བཞིའི་དོན་རྐྱེན་བྱུང་བ་ནས་བཟུང་དུས་ཚོད་སྟོང་པ་ནམ་ཡོད་ལ་དྲ་ཁང་དུ་འགྲོ་བཞིན་ཡོད། ཉིན་གཅིག་ལ་དྲ་ཁང་དུ་མ་སོང་ཚེ་སེམས་མི་བདེ་བའམ་ལས་དོན་ཆེན་པོ་ཞིག་བརྗེད་བསྡད་པའི་སྣང་བ་ཞིག་འདུག དྲ་ ལམ་ཁག་ནས་བོད་མི་དམར་གསད་བྱས་པའི་འདྲ་པར་དང་བོད་ས་སྟོད་སྨད་བར་གསུམ་ནས་རྒྱ་ གཞུང་ལ་ངོ་རྒོལ་བྱེད་བཞིན་པའི་པར་རིས་འདྲ་མིན་དང་འཛམ་གླིང་གང་ས་ནས་རྒྱའི་ གཞུང་ཚབ་ཁང་གི་མདུན་དུ་ངོ་རྒོལ་སྐད་འབོད་བྱེད་པའི་གནས་ཚུལ་དང་འབྲེལ་བའི་ གསར་འགྱུར་སོགས་མཐོང་ཚེ་མིག་ཆུ་དབང་མེད་དུ་ཤོར་བ་དང༌། རྒྱ་ ནག་གཞུང་གིས་རྫུན་བཟོ་བྱས་པའི་གསར་འགྱུར་དང་པར་རིས་སོགས་ཀྱང་འཚང་ཁ་ཤིག་ཤིག་ གིས་གཅིག་ཐོན་གཉིས་ཐོན་བྱེད་ཀྱིན་པ་ལས་ཆེས་ཡ་མཚན་དགོས་པ་ཞིག་ནི་ད་ལོའི་བོད་ ནང་རྒྱ་གཞུང་ལ་རྒོལ་བའི་ལས་འགུལ་དེའི་རྒྱབ་ན་ཏཱ་ལའི་བླ་མ་ཡོད་ཚུལ་དང༌། ལྷ་སར་བོད་མིས་དྲག་པོའི་བྱ་སྤྱོད་སྤེལ་ཏེ་རྒྱ་མིར་གསོད་རྡུང་དང་བཅོམ་འཕྲོག་སྟོར་གསུམ་བྱས་པ། བོད་ པ་ཚོ་ཨལ་ཁེ་ཌ་འཇིགས་སྐུལ་བར་འབྲེལ་བ་ཡོད་སྐོར་སོགས་ཤིན་ཧྭ་བརྙན་འཕྲིན་དང་ གསར་འགྱུར་སོགས་སུ་སེམས་ལ་མ་དྲན་པའི་མ་བྱས་རྫུན་བཟོ་གསལ་བསྒྲགས་བྱེད་བཞིན་ པ་དང༌། དེས་ རྐྱེན་བྱས་ཏེ་རྒྱ་ནག་ནང་སྡོད་རྒྱ་རིགས་གཙོས་ཕྱི་སྡོད་རྒྱ་རིགས་སློབ་མ་སྟོང་ ཕྲག་མང་པོས་རྒྱ་གཞུང་གིས་ཟེར་རྗེས་འབྲངས་ཏེ་བོད་མི་དང་བོད་དོན་རྒྱབ་སྐྱོར་ ཚོགས་པ་ཁག་དང༌། ལྷག་ པར་དུ་ཏཱ་ལར་ངོ་རྒོལ་སྐད་འབོད་དང་དགག་རྒྱག་རྩོམ་འཆལ་བརྒྱ་ཕྲག་མང་པོ་སྤེལ་ བཞིན་པ་ནི་རྒྱ་ནག་དམར་པོའི་གཞུང་གིས་ནམ་མཁར་མི་ཤོང་བའི་ནག་ཉེས་ཆེན་པོ་ཞིག་ བཟོས་པ་མ་ཟད། རྩོམ་པ་པོ་དེ་དག་གི་ངོ་ཚ་ཞིག་ཀྱང་ཅི་ལ་མིན་ཏེ། རྒྱ་རིགས་སློབ་མ་དང་ཤེས་ཡོན་པ་ཡིན་ཟེར་བ་དེ་ཚོས་ཤེས་བཞིན་དུ་རྒྱ་གཞུང་གི་ངོ་ཚ་བྲལ་བའི་རྫུན་རྗེས་འབྲངས་དོན་ཅི་ཡིན་ནམ། Read the rest of this entry »

བསད་བཏང་རུང་འགྱོད་པ་ང་མེད་གི་་་་སོག་ཕྲུག་བཀྲིས་དོན་གྲུབ་གྱི་རྡུང་ལེན།

གནས་ཚུལ་ལྟར་ན་སོག་ཕྲུག་བཀྲ་ཤིས་དོན་གྲུབ་ཁོང་མུ་མཐུད་ཉེན་རྟོག་པས་འཚོལ་ཞིབ་བྱེད་བཞིན་པའི་སྒང་ཡིན་པ་དང་། འོད་སྡེར་ཚང་མ་ཁྲོམ་ར་དང་ཟ་ཁང་ཁག་ནས་གཞུང་བཞེས་བཏང་ཡོད་འདུག                                      གཤམ་གྱི་འབྲེལ་ཐག་གནོན་དང་རྡུང་ལེན་གསན་ཐུབ་པ་མ་ཟད་ཕབ་ལེན་བྱས་ཆོག་་་་་་   

༡༽   བསད་བཏང་རུང་འགྱོད་པ་ང་མེད་གི tashidundupintibet

༢༽    དེའི་དོན་ལ་མིག་ཆུ་ངས་འཐོར་སོང་།

༣༽     བཙན་བྱོལ་གྲོས་ཚོགས།

 

མི་ལ་ལས་བུ་ང་ངན་གི་ཟེར།
མི་ལ་ལས་བུ་ང་བཟང་གི་ཟེར།
ང་བཟང་ན་ཆོག་ར་ངན་ན་ཆོག
ངས་བླ་མ་དྲན་པའི་སྡུག་བསྔལ་འདི།
ངའི་གངས་ཅན་བོད་ལ་སྒྲོག་རྒྱུ་ཡིན།
བསད་བཏང་རུང་འགྱོད་པ་ང་མེད་གི Read the rest of this entry »

གྲོས་ཚོགས་ཀྱི་ཟུར་ཞིག

ང་ཡི་བོད ང་ཡི་མི་རིགས

obama_china_hkg1806872_m1བོད་ནས་རོང་བོ་དགེ་འདུན་ལྷུན་གྲུབ
་་་་་་་་་་་་་་་་ཀྲུང་མེ་གཉིས་ཀྱི་སྲིད་འཛིན་ཐུག་འཕྲད་རྗེས་ཀྱི་གཏམ་གླེང་གིས་བསླངས་པའི་ཚོར་བ་ཞིག་ལ་གཞི་བཅོལ་ནས་བྲིས་སོ།།
རྩྭ་ཟིལ་ཞིག་ནས་འགྱེད་ཅིང་ཐོར་བའི་སྨུག་པ་དེ
ང་ཡི་པོ་ཏྰ་ལ་ཡིན་ན
རས་ཡོལ་དམར་པོ་ཞིག་གིས་བསྒྲིབས་ཤིང་སྒྲོག་ཏུ་བཅུག་པ་དེ་ང་ཡི་ལོ་རྒྱུས་ཡིན་ན
དེ་རིང་ང་ནི་རྒྱ་མཚོ་ཆེན་པོ་ཞིག་དང་འདྲེས་འདོད
ཆུ་སྲིན་ཆེན་པོ་ཞིག་གི་ཁ་གཏད་དུ་ཆས་འདོད

སྐྱོ་ཞིང་སྐྱོ་བའི་ལོ་ཟླ་འདི་དག་མུན་ནག་གིས་ཟོས་པས
ཨ་རི་འམ ཡང་ན་ཧྥ་རིན་སི རྒྱལ་ཁབ་ཆེན་པོ་དག་གིས
ང་ནི་གཡས་ནས་གཡོན་དུ་བསྐྱུར་ཅིང
ང་ནི་ས་སྒང་འདིའི་སྟེང་གི་སྤོ་ལོ་ཆུང་ཆུང་ཞིག་ཏུ་བརྩིས་དུས
ང་ཡི་དཀོན་མཆོག ང་ཡི་མེས་པོ
ཡང་ན་ལག་པ་གནམ་དུ་སྒྲེང་བའི་ང་ཡི་གཞོན་ནུ་དག
ང་ནི་ངོ་མ་རིན་ཐང་ཤིན་ཏུ་ཆུང་བའི་ཕྱེ་མ་ལེབ་ཅིག་ཡིན་ནམ Read the rest of this entry »

ཀྲུང་གོའི་ཁྱད་ཆོས་ལྡན་པའི་རེབ་གོང་གི་དགེ་སློང་།

d1

རྩོམ་པ་པོས་བསྐུར་བ་ལྟར་བཀོད་ཡིན་

རེབ་གོང་ནས་ནང་ཁུལ་ལ་གཞུང་འབྲེལ་ལྗོངས་རྒྱུར་ཕེབས་པའི་དགེ་སློང་ཞིག་དང་ཁ་བརྡ་བྱས་འཕྲལ་བྲིས་་་་་་

བོད་ནས་ལྷམ་ཀོག་གིས་་་
རྒྱལ་ཁབ་དྲིན་ཆེན་པོས
བསྟན་པ་དང་མི་རིགས་འཆམ་མཐུན་གྱི་ཕྱིར་དུ
ཉ་འདྲ་བའི་རླངས་འཁོར་ལས་བསྐྱལ་ཅིང
ནང་ལོག་གི་ཡུལ་གྲུ་ཁ་ཤོས་ལ་གདན་འདྲེན་བྱས་པ་དེ་དྲན་ན
ངའི་ཤ་དང་རུས་པའི་གསེབ་ན་མྱུག་མྱུག་ཏུ་འགྲོ་བའི་རྣམ་ཤེས་འདི
རྒྱལ་ས་པེ་ཅན་དུ་ཡོད་ན་ཅི་མ་རུང Read the rest of this entry »

གཞས་པ་བཀྲ་ཤིས་དོན་གྲུབ་འཛིན་ལ་ཉེ།

གོ་ཚུལ་ཡིན་ན། རྨ་ཆུའི་ལྷོ་རྒྱུད་ཀྱི་སོག་པོ་མདའ་ཚན་ཐུ་མེད་ནས་ཡིན་པའི་གཞས་པ་བཀྲིས་དོན་གྲུབ་ཀྱིས་ཉེ་ཆར་ཡང་གཞས་གསར་བའི་འོད་སྡེར་ཞིག་བཏོན་ཡོད་འདུག འོད་སྡེར་གསར་བ་དེའི་ནང་གི་གཞས་ཚང་མ་བོད་དོན་དང་འབྲེལ་བ་ཡོད་པ་རྐྱང་རྐྱང་ཡིན་འདུག་པས་དལྟ་སྤྱི་བདེ་ལས་ཁུངས་ནས་གཞས་དེ་ཕྱིར་བསྡུ་བྱེད་བཞིན་པའི་སྒང་རེད་ཟེར། ཁོང་ནས་བརྗོད་ཚུལ་ལྟར་ན། ད་ནས་བཟུང་ངས་རང་དབང་ཁོ་ནའི་ཆེད་དུ་གཞས་གཏོང་གི་ཡིན་ཟེར་ནས་དམ་བཅས་པ་རེད་ཟེར། གནས་ཚུལ་མཁོ་སྤྲོད་གནང་མཁན་གྱིས་མུ་མཐུད་བརྗོད་དོན། སྤྱི་བདེ་མི་སྣས་བརྗོད་གསལ་ལྟར་ན། ད་ཐེངས་ཁོང་ལ་ཁྲིམས་ཆད་ཀྱང་གཅོད་གི་རེད་ཅེས་དང་། གཞས་པ་ད་རུང་སྤྱི་བདེ་མི་སྣའི་ལག་ཏུ་ཚུད་མེད་པར་གནས་ག་ཤེད་ཅིག་ཏུ་ཡིབ་བསྡད་ཡོད་པ་རེད་ཟེར།

གཞས་པ་བཀྲ་ཤིས་དོན་འགྲུབ་ལགས་ནི་་དེ་སྔོན་ ་་སྤྱི་ལོ་གཅིག་སྟོང་དགུ་བརྒྱ་ལྔ་བཅུ་ང་དགུའི་ལོ་་ ཞེས་པའི་བོད་ཕྱི་ནང་ཀུན་ཏུ་དར་ཤུགས་ཆེན་པོ་བྱུང་བའི་གཞས་དེ་གཏོང་མཁན་ཡང་རེད་འདུག སྔོན་མ་ཁོངབཀག་ཉར་གྱིས་འདྲི་གཅོད་བྱས་རྗེས་བཏང་ཡོད་འདུག དེ་སྔོན་ གོང་གི་གཞས་འདི་གཏོང་མཁན་བཀྲ་ཤིས་དོན་འགྲུབ་ཡིན་པ་ལས་སོག་ཕྲུག་ཤེས་རབ་མིན་པ་ཡང་ཞོར་འཕྲོས་ཀྱི་གསལ་བཤད་ཙམ་ཡིན།

མཁས་པས་བཤད་ན་ཅི་ཡང་བདེན། དོར་ཞིའི་གསུང་བཤད།

དེ་རིང་འདི་ནས་ཞིབ་འཇུག་སློབ་མ་དང་དངོས་གཞི་འཛིན་གྲྭའི་སློབ་མ་རྣམས་ལ་གཏམ་བཤད་ཅིག་གནང་དགོས་པར་བཤད་བྱུང་། ཞིབ་མོར་བཤད་དགོས་ཚེ། དུས་ཚོད་ཀྱིས་མི་འདང་བས་རགས་ཙམ་བཤད་པར་བྱ། རྩ་བ་ཅི་ཞིག་བཤད་ཅེ་ན། འུ་ཅག་རྣམས་སློབ་གྲྭ་ཆེན་མོའི་ཞིབ་འཇུག་སློབ་མ་སྟེ། བོད་ཀྱི་རིག་གནས་ཀྱི་གཞི་རྩ་འཛིན་མཁན་དང་སློབ་གཉེར་གནང་མཁན་སྐོར་ཡིན་པས། གཅིག་ནས་རང་གི་ལོ་རྒྱུས་ཤེས་དགོས་ཏེ། ད་ལྟ་རང་གི་ལོ་རྒྱུས་ཤེས་མཁན་མེད་པའི་ཁར། ལོ་རྒྱུས་ཡིག་ཚང་ཀློག་པའི་ཚེ། ད་ལྟའི་མིས་བྲིས་པའི་ལོ་རྒྱུས་ཐར་ཐོར་རེ་མ་གཏོགས་ཡིག་ཚང་ཆེན་མོ་སྟེ། བོད་རང་ལ་ཡོད་པའི་ཡིག་ཚང་དག་མོ་རྣམས་སློབ་གཉེར་དང་ཞིབ་འཇུག་བྱེད་མཁན་ཉུང་། སློབ་གྲྭ་འདིར་མཚོན་ནའང་། ལོ་ རྒྱུས་མིང་ཙམ་འཁྲིད་བཞིན་ཡོད་ཀྱང་གོ་ཆེན་པོ་ཆོད་མི་འདུག དེའི་སྟབས་ཀྱིས་རང་གི་མི་རིགས་ཡིན་ན་རང་གི་མི་རིགས་ཀྱི་ལོ་རྒྱུས་ཤེས་དགོས་ ཏེ། རང་གི་ལོ་རྒྱུས་མ་ཤེས་ན་ནགས་ཀྱི་སྤྲེའུ་དག་དང་མཚུངས་པར་གསུངས་ཡོད། གཉིས་ནས་རང་གི་སྲོལ་རྒྱུན་རིག་གནས་ལ་ལྟ་ཚུལ་ཡང་དག་པ་ཞིག་ཡོད་དགོས་ཏེ། འདིའི་ནང་དུ་རྒྱལ་ཁབ་ལ་ཤ་ཞེན་མི་ཆེ་བ་མེད་པས། རྒྱལ་ཁབ་ལ་ཤ་ཞེན་ཆེ་བའི་གཞི་རྩའང་མི་རིགས་ལ་ཤ་ཞེན་ཆེ་དགོས་ཤིང་། རང་གི་མི་རིགས་ལ་ཤ་ཚ་བ་ཞིག་གིས་རང་གི་སྲོལ་རྒྱུན་རིག་གནས་མི་ཤེས་ཞེས་བརྗོད་དཀའ་བ་ཞིག་གོ། Read the rest of this entry »

ཨ་རིའི་དངུལ་གྱི་འཛའ་ཐང་ལས་འཕྲོས་བའི་གཏམ།

རིག་འབྱུང་དོན་གྲུབ་བཀྲ་ཤིས། ཨ་རི།

1)གླེང་སློང་བ།

ཉེ་བའི་བདུན་ཕྲག་འགའི་སྔོན་ནས་བཟུང་། གསར་འགྱུར་བརྒྱུད་ལམ་ཁག་དང་ཚགས་པར་ཁག བརྙན་འཕྲིན་ཁག་བཅས་ན་ཨ་རིའི་སྒྲོ་ལོར་གྱི་འཛའ་ཐང་མར་ཆགས་བཞིན་པའི་གནས་ཚུལ་ཡོང་གིན་འདུག དེ་ཡང་སྤྱི་ཟླ་བཅུ་གཅིག་གི་ཚེས་བཅུ་ཉིན་ཐོན་པའི་རྒྱལ་སྤྱིའི་དུས་བབ་ཚགས་དེབ་ཀྱི་ཤོག་ངོས་སོ་བདུན་གྱི་མདུན་དུ་ཡང་ཨ་རིའི་སྒྲོ་ལོར་གྱི་རིན་ཐང་བརྒྱ་ཆ་༡༥མར་ཆགས་པའི་གནས་ཚུལ་ཐོན་འདུག དེར་བརྟེན། ངེད་ཀྱིས་དངུལ་གྱི་འཛའ་ཐང་དང་འབྲེལ་ནས་རྨོངས་འཆར་ཐུང་ཐུང་ཞིག་འབྲི་རྒྱུའི་འགོ་བསླངས་བ་ཡིན།
འོན་ཀྱང་། རྩོམ་ཐུང་འདི་འབྲི་ཡུན་ཏུ་སོང་བའི་རྩོམ་ཞིག་མིན། རྩོམ་ཐུང་འདི་དཔལ་འབྱོར་རིག་པའི་རྨང་གཞིའི་ཤེས་བྱ་འགའ་རྒྱབ་རྟེན་ལ་བཟུང་ནས་བྲིས་བ་ཞིག་ཡིན། རྩོམ་ཐུང་འདིའི་ནང་དུ། རྒྱལ་ཁབ་ཞིག་གི་དངུལ་གྱི་འཛའ་ཐང་འཕར་ཆགས་ཇི་ལྟར་ཡོང་གི་ཡོད་མེད་དང་དེ་ཡོང་རྐྱེན་ཅི་ཡིན་མིན། དངུལ་གྱི་འཛའ་ཐང་འཕར་ཆགས་ཀྱིས་རྒྱལ་ཁབ་གང་དེའི་དཔལ་འབྱོར་ལ་ཤུགས་རྐྱེན་ཇི་སྤྲོད་སོགས་ཀྱི་སྐོར་ནས་ཡིན། Read the rest of this entry »

མཆོད་མེ་དྲ་རྒྱ་གཙོ་གཉེར་བ་དཀོན་མཆོག་ཚེ་འཕེལ་ལ་ལོ་༡༥ ཁྲིམས་ཆད།

(སྒྲོལ་དཀར་སྐྱབས་ཀྱི་དུས་བབ་ཟིན་བྲིས་ནས་བླངས་ཏེ་འདིར་བཀོད། )

ཕྱི་ལོ་༢༠༠༩ ཟླ་༡༡ ཚེས་༡༠ ཉིན་ནང་མིར་བརྡ་སྦྱོར་བཏང་སྟེ་ཕྱི་ཚེས་༡༢ ཉིན་དཀོན་མཆོག་ཚེ་འཕེལ་ལ་ཁྲིམས་གཅོད་ཀྱི་ཉིན་མོ་ཡིན་པས་ནང་མི་ཡོང་དགོས་ཚུལ་བརྗོད་འདུག ཁྲིམས་ར་རུ་ལས་ཁུངས་ཀྱི་ལས་རོགས་དང་ནང་མི་གཉིས་སྐད་བཏང་ཡོད། འཛིན་བཟུང་སྐབས་འཕྲོགས་འཁྱེར་བྱས་པའི་ཅ་དངོས་ལས་གློག་ཀླད་དང་པར་ཆས་གཉིས་གཞུང་བཞེས་བཏང་པ་ལས་ཅ་དངོས་གཞན་ནང་མིར་་རྩིས་སྤྲོད་བྱས་འདུག ཁྲིམས་གཅོད་ཀྱི་སྔ་ཕྱིའི་རྒྱུད་རིམ་ཁྲོད་ནང་མི་ཐུག་འཕྲད་བྱེད་བཅུག་མེད་ཀྱང་ཉིན་བཅུའི་ནང་མཐོ་རིམ་མི་མང་ཁྲིམས་ཁང་ལ་ཞུ་གཏུག་བྱེད་ཆོག་ཚུལ་བརྗོད་ཡོད་འདུག Read the rest of this entry »

དགྱ་ནག་མི་དམངས་ཀྱི་སྐྱབས་འཇུག

obamasnub-copy2གུས་ཤིང་བརྩེ་བའི་སྲིད་འཛིན་ཨོ་བྷ་མ་ལགས།
སྐུ་ཁམས་བཟང་།
མི་འགྱངས་པར་ཁྱེད་རང་དགྱ་ནག་ཏུ་འཚམས་གཟིགས་ལ་ཕེབས་རྒྱུ་ཡིན་པ་གློ་བུར་ཏུ་གོ་ཐོས་བྱུང་པས།
ང་ཚོའི་ངོས་ནས་ཀྱང་དགྱ་ནག་སྲིད་གཞུང་དང་གཅིག་མཚུངས་གི་སྒོ་ནས་དགའ་ཚོར་ཆེན་པོས་ཁྱེད་རང་ཕེབས་པར་དགའ་བསུ་ཞུ་བཞིན་ཡོད།
ང་ཚོ་ནི་ཉམ་ཆུང་མི་སེར་ཁྲོད་ཀྱི་གཏུག་བཤེར་པ་དག་ཡིན།
ཡིན་ནའང་།
ང་ཚོ་ནི་སྤྱི་སྒེར་གང་རུང་གི་ཁེ་ཕན་ལ་གནོད་པའི་ནག་ཉེས་ཀྱི་བྱ་སྤྱོད་ཅི་ཡང་བཟོས་མེད་པའི་ཀྲུང་གོའི་ཁྲིམས་མཐུན་གྱི་སྤྱི་དམངས་ཡིན།
དེ་བཞིན་ང་ཚོ་ནི་ས་གནས་སྲིད་གཞུང་ལ་ཡིད་ཆེས་བརྩི་མཐོང་མེད་པའི་ཧྲང་ཧེ་གྲོང་ཁྱེར་གྱི་གྲོང་མིའང་ཡིན།

གུས་ཤིང་བརྩེ་བའི་སྲིད་འཛིན་ཨོ་བྷ་མ་ལགས།
ཁྱེད་རང་ནི་ཁི་ནེ་ཡའི་གདུང་རྒྱུད་དང་།
མི་སེར་དཀྱུས་མའི་ཁྱིམ་ཚང་དུ་སྐྱེས་ཤིང་དམངས་ཀྱིས་བདམས་ཐོན་བྱུང་བའི་སྲིད་འཛིན་རེད།
ང་ཚོའི་ངོས་ནས་ཀྱང་ཁྱེད་རང་ཐེངས་འདིར་རྒྱ་ནག་དུ་འཚམས་གཟིགས་ཀྱི་སྐབས་དང་བསྟུན་ནས།
ང་ཚོར་གདུང་སེམས་མཉམ་བསྐྱེད་དང་དཀའ་སྡུག་མཉམ་མྱོང་གི་འདུ་ཤེས་ཀྱི་ཐོག་ནས།
དཀའ་སྡུག་ཁྲོད་གནས་པའི་ང་ཚོ་མི་སེར་དཀྱུས་མ་རྣམས་ལ་ཐུགས་སྣང་ཡོང་བ་དང་།
དེ་བཞིན་ཧའོ་ཅིན་ཐའོ་སྲིད་འཛིན་དང་ཝུན་ཇ་པའོ་སྲིད་བློན་གཉིས་ལ་ང་ཚོའི་དཀའ་སྡུག་འདི་བརྒྱུད་སྒྲོག་ཡོང་བའི་རེ་བ་ཞུ། Read the rest of this entry »

གངས་ཉི་སོགས་གསར་བུ་ཚོ་ཅིའི་ཀྱང་ཕྱིར་སྤྲོད་རོགས།

0037c564f2bdc22a247751fa58c7af57ངས་གློ་བུར་དུ་གངས་ཉི་དྲན་སོང་། བལྟས་ངན་གྱི་རྨི་ལམ་དེས་གཉིད་དཀྲོག་པ་དང་ངས་གངས་ཉི་དྲན་སོང་། མཚན་གང་ལ་དྲན་སོང་། གཉིད་དཀྲོལ་བའི་རྨི་ལམ་དེས་དབང་གིས་་་་་་་་་་་གྲོགས་པོ་ཚོ་ང་ཚོས་ཁོ་མུན་ནག་ཏུ་འཇོག་མི་རུང་ཡ་་་་་་་་་་་་་་་་་་
གངས་ཉི་སོགས་གསར་བུ་ཚོ་ཅིའི་ཀྱང་ཕྱིར་སྤྲོད་རོགས།
བོད་གཞུག་སྐྱིད། ]
གསལ་འབྱེད་དང་ལག་རྟགས་གང་ཡང་མེད་པར་ཚོད་ཚོད་དུ་བོད་མི་རྣམས་རི་བོང་གླག་གིས་འཁྱེར་བ་དང་། ཉི་ཟླ་གཟའ་ཡིས་བཟུང་བ་ལྟར་བྱས་ན་གྲ་སྒྲིག་དང་དཔུང་རྡང་མེད་པའི་ང་ཚོའི་བསམ་བློ་ཉམ་ཆུང་དེར་རྨ་ཁ་ཅི་འདྲ་ཞིག་བཟོས་ཡོད་པ་ཁྱོད་ཚོས་ལོས་རྟོགས་ཀྱང་མ་ཤེས་ཤེས་ཁུལ་བྱས་ནས་ད་དུང་འདི་ལྟར་འཇམ་ནི་ཐལ་བའི་འཇམ་ཞིག་མེད། མིག་རྩུབ་ནི་དེ་ཡི་ཐུ་ཞིག་མེད་པས་དཔེ་ལྟར་སོང་ན་ང་ཚོའི་བསམ་པའི་གོད་ཆག་ལ་ཁ་ཡ་བྱེད་པ་ཕར་ཞོག གོད་ཆག་འདི་འདྲ་མྱོང་འོས་འོས་ཡིན་པར་སྣང་བ་ནི་དོན་དམ་པའི་སུ་ཞིག་གིས་རྩ་ཁྲིམས་ལ་གུས་མེད་ལུགས་མེད་བྱེད་བཞིན་ཡོད ། སུ་ཞིག་གིས་མི་རིགས་ཀྱི་མཐུན་སྒྲིལ་བར་ལ་འགལ་བ་སློང་བཞིན་ཡོད། Read the rest of this entry »

བཙན་བྱོལ་བའི་ཡར་ྐླུང་ས་ཆར་བསྐྱོད་པའི་ཟིན་ཐོ།

གཡུ་དྲུག་དཀར། རྡ་ལམ་ས་ལ།

༡ རེ་སྙེག་ཁྲོད་ཀྱི་འགྲུལ་བཞུད།
ཟླ་གཅིག་ལྷག་གི་གོང་ནས་དགེ་འོས་འཛིན་གྲྭའི་སློབ་མ་བདག་ཚོ་རྡེ་ར་རྡེན་(Dehradun) མངའ་སྡེའི་ཁུལ་གྱི་བོད་གཞུང་སམ་བྷོ་ཌའི་སློབ་གྲྭ་ཁག་དང་མ་སུ་རི་བོད་ཁྱིམ་བཅས་སུ་སློབ་ཁྲིད་དངོས་སྦྱོང་དང་སློབ་ཁྲིད་རྟོག་ཞིབ་ཆེད་དུ་གཏང་རྒྱུ་གཏན་འཁེལ་ཟིན་པ་གོ་ཐོས་བྱུང་བ་ནས། སེམས་ཀྱི་གཏིང་མཐའ་ཞིག་ནས་རང་ཉིད་མ་སུ་རི་བོད་ཁྱིམ་དུ་གཏང་ཆོག་ཨང་སྙམ་པའི་རེ་བ་ཞིག་ཆེས་ཆེར་བརྟས་པས། ཉི་མ་དེ་ནས་ངས་གྲོགས་པོ་ཚོར་རྩེ་མོ་དང་སྦྲགས་ནས་“ང་མ་སུ་རི་བོད་ཁྱིམ་ལ་གཏང་ན་འགྲིག་ས་རེད་”ཅེས་བརྗོད་ཀྱིན་སེམས་བསམ་པའི་གཏིང་གི་རེ་བ་དེ་ཕྱིར་འདོན་ཐབས་བྱས་པ་ཡིན།
རྒྱུ་མཚན་ནི་མ་སུ་རི་ཟེར་པའི་ས་འདི་ནི་བོད་མི་ཐོག་མར་བཙན་བྱོལ་དུ་ཆགས་སའི་ཡར་ྐླུང་ས་ཆ་རུ་སོང་། ང་ཚོས་ནམ་རྒྱུན་ས་མཐའི་སྐྱིད་སྡུག་གི་ལོ་རྒྱུས་གླེང་དུས་ས་འདི་ནས་འགོ་བཟུང་སྟེ་གླེང་དགོས་ལ། བོད་མི་བཙན་བྱོལ་བ་སུ་འདྲ་ཞིག་ཡིན་རུང་ཕལ་ཆེར་ས་འདིའི་མིང་ཐོས་མ་མྱོང་མཁན་ཞིག་མི་སྲིད་མོད། ས་འདིར་དངོས་སུ་སླེབས་མྱོང་མཁན་ཧ་ཅང་དཀོན། Read the rest of this entry »

དམར་པོ་ཁྲག་གི་ལེའུ།

ཨ་ལགས་ཙ་ཡུས་བསྟན་འཛིན་དཔལ་འབར་།

ཁིས་ཟིན་དམར་གསོད་ཆེན་མོ།

༡༩༥༨ལོའི་ཟླ༤བར་ཨ་མདོའི་འབྲོག་ཕྱོགས་ཚང་མར་རྒྱ་དམར་གྱི་དབང་སྒྱུར་ལ་ངོ་རྒོལ་བྱེད་པའི་དྲག་པོའི་གྱེན་ལངས་ཀྱི་མེ་ལྕེ་ཕྱོགས་ཀུན་ཏུ་འབར་བའི་སྐབས། སོག་པོའི་ཐོར་གོད་ཀྱི་སའི་ཆར་གཏོགས་ཁིས་ཟིན་ཐོད་ལོག་ཅེས་པའི་ས་ཆར་ཐོད་གོད་དང༌། མདའ་ཚན། བེ་ཟི། ཁག་གསུམ། ཚོ་ཧོར། སུ་ཧྲུག་ཆུང་བ། ཨ་རིག ཨེ་མག མགོ་ལོག་སོགས་ནས་རང་འདུས་བྱས་པའི་འབྲོག་པ་མི་ཚང་སུམ་སྟོང་ལྷག་མི་གྲངས་ཆིག་ཁྲི་བརྒལ་བ་དང༌། ནོར་ལུག་ཁྲི་ཕྲག་མང་པོ་བཅས་རྒྱ་དམར་གྱི་དྲག་གནོན་ལ་བྱོལ་ཆེད་བྲོས་བྱོལ་དུ་འགྲོ་བའི་ལམ་ནས་རྨ་ཆུས་བཅད་པའི་ས་ཁུག་ཅིག་ཏུ་རུ་འདུས་བྱས་ནས་བསྡད་ཡོད། རྨ་ཆུའི་ཕར་ཕྱོགས་སུ་རྒྱ་དམར་གྱི་དམག་དཔུང་གིས་གུར་ཉིས་སྟོང་ལྷག་བརྒྱབ་ནས་བསྡད་འདུག ཟླ༤ཚེས༡༣དང༡༤ཡས་མས་ཤིག་ལ་དགོང་མོ་མུན་རུབ་པ་དང་རྒྱ་དམག་རྨ་ཆུར་བརྒལ་བའི་གྲ་སྒྲིག་བྱས། འགྱིག་གི་གྲུ་ཆུང་བརྒྱ་ལྷག་ལྕགས་ཐག་གིས་སྦྲེལ་དེ་རྟའི་མཇུག་མར་བཏགས་ནས་ཆུའི་ཕ་རིར་བསྐྱལ། འགྱིག་གྲུའི་ཁར་པང་ལེབ་མང་པོ་བཏིང་ནས་གྲུའི་ཟམ་པ་ཞིག་བཟོས། Read the rest of this entry »

ཕྱི་སྡོད་དོན་གཅོད་ཁག་གིས་ནུས་པ་འདོན་རན་རེད།

ཕྱི་སྡོད་དོན་གཅོད་ཁག་གིས་ནུས་པ་འདོན་རན་རེད།
སྐར་ཁྲི་བཙན།

འདས་ཟིན་པའི་ཁ་རྩང་ལ་ཕྱིར་མིག་དང་འགྲོ་བཞིན་པའི་དེ་རིང་ལ་བསམ་གཞིག བྱེད་དགོས་པའི་སང་ཉིན་ལ་རྗེས་དཔག་ཅིག་བྱ་བ་ལགས་ན། ད་ལྟ་བོད་ཕྱི་ནང་ཡོངས་ཀྱི་མཁས་དབང་རྣམ་པ་གཞིར་བཞག་གཞོན་སྐྱེས་གང་མང་མང་ཞིག་གིས་བོད་ཀྱི་སྐད་དང་ཡི་གེར་དོ་སྣང་དང་སེམས་འཚབ་ལང་བཞིན་པའི་གོ་སྐབས་འདི་དམ་འཛིན་བྱས་ནས། ཕྱི་སྡོད་དོན་གཅོད་ཁག་གིས་བོད་ཀྱི་སྐད་དང་རིགས་གཞུང་སྐྱོབས་ཐབས་ལ་མཛད་རྗེས་འཇོག་རན་རེད་འདོད་བྱུང་། ལམ་ཁ་ག་འདྲ་གདམ་པའམ་བྱེད་ཐབས་ག་འདྲ་ཞིག་དགོས་རེད་ཅེས་ན། གུས་པས་གཞིག་ན། Read the rest of this entry »

པདྨ་ཚེ་བརྟན་ལ་གློག་བརྙན་བྱ་དགའ་ཡང་སྐྱར་ཐོབ་འདུག

pema

ཉེ་ལམ། སྐབས་བཞི་བའི་རྒྱ་སྐད་ཀྱི་གཞོན་སྐྱེས་བརྙན་པར་གླེང་སྟེགས་པེ་ཅིང་དུ་མཇུག་བསྡུས་ཡོད་ལ། བོད་ ཀྱི་གློག་བརྙན་འཁྲབ་ཁྲིད་པ་པདྨ་ཚེ་བརྟན་ལགས་དང་ཐའེ་ཝན་གྱི་འཁྲབ་ཁྲིད་པ་ཏའེ་ ལི་རེན་ལགས་གཉིས་ལ་མཉམ་དུ་པེ་ཅིང་འཆར་གཞི་ཞེས་པའི་མ་དངུལ་བསྡུ་བའི་ཚོགས་ འདུའི་ཕུལ་བྱུང་ལས་གཞིའི་བྱ་དགའ་ཐོབ་པ་རེད།

ཤེས་གསལ་བྱུང་བ་ལྟར་ན། སྐབས་བཞི་པའི་རྒྱ་སྐད་ཀྱི་གཞོན་སྐྱེས་བརྙན་པར་གླེང་སྟེགས་ཀྱི་བྱེད་སྒོ་གཙོ་བོ་གསུམ་སྟེ་མཐོ་རིམ་ཚོགས་འདུ་དང་། པེ་ཅིང་འཆར་གཞི་ཞེས་པའི་མ་དངུལ་བསྡུ་བའི་ཚོགས་འདུ། གཞོན་སྐྱེས་བརྙན་པར་བ་བཅས་ལ་གཟིགས་མཁན་ཧ་ཅང་མང་པོ་ཡོད་པ་རེད། ཐོག་མའི་འགྲན་བསྡུར་དུ་ཞུགས་པའི་གློག་བརྙན་༨༠ལྷག་ཡོད་པའི་ནང་། མཐའ་ མཇུག་རྒྱལ་ནང་དང་། ཞང་ཀང་།ཐའེ་ཝན་བཅས་པའི་གློག་བརྙན་༡༢་ཆེས་མཐའ་མཇུག་གི་གློག་བརྙན་ལས་གཞིའི་ ནང་དུ་བདམས་པ་རེད། རྒྱལ་ནང་གི་བོད་ཀྱི་འཁྲབ་ཁྲིད་པ་པདྨ་ཚེ་བརྟན་ལགས་ཀྱི་གློག་བརྙན 《རྟག་བརྟན་གྱི་ཉིན་མོ》ཞེས་པ་དང་ཐའེ་ཝན་གྱི་འཁྲབ་ཁྲིད་པ་ཏའི་ལི་རེན་ལགས་ཀྱི་གློག་བརྙན《ཙོག་པུར་སྡོད་པ》ཞེས་པ་གཉིས་ལ་ཆེས་མཐའ་མཇུག་གི་ཕུལ་བྱུང་ལས་གཞིའི་བྱ་དགའ་ཐོབ་ཅིང་། དཔྱད་འདེམས་པ་ལི་ཀང་ལགས་ཀྱིས་དེའི་སྐོར་ལ་འདི་ལྟར། ལས་གཞིའི་བྱ་དགའ་ཐོབ་པའི་གློག་བརྙན་༡༢ནང་། དེ་གཉིས་ནི་ཚོང་ལས་གློག་བརྙན་དང་ཐག་ཉེ་ཞིང་སྣ་འཛོམས་རང་བཞིན་གྱི་རིན་ཐང་ཡང་ཆེས་མཐོ་བའི་གློག་བརྙན་གཉིས་རེད་ཅེས་ལབ་བྱུང་།

ཀུན་གླེང་ལ་འདི་ནས་བལྟ་ཐུབ་པ་འདུག

kunleng

འཛམ་གླིང་ཤར་ནུབ་དུ་གནས་བཅའ་བའི་བོད་རིགས་ཚོའི་ཁྲོད་ན། ལས་བྲེལ་གྱི་དབང་གིས་ཀུན་གླེང་ལེ་ཚན་དུས་ཐོག་ལ་བལྟ་ཁོམ་མེད་མཁན་དག་དང་ཡང་ན་ཀུན་གླེང་ལེ་ཚན་སྔ་མ་རྣམས་བལྟ་འདོད་ཡོད་མཁན་ཚོས།
གཤམ་གྱི་སྦྲེལ་ཐག་འདི་བརྒྱུད་ནས་ཀུན་གླེང་ལེ་ཚན་རྣམས་བལྟ་ཐུབ་པ་འདུག

www.kunleng.wordpress.com

རྒྱ་ནག་མི་མང་གིས་ལན་ཚ་བོ་ཞིག་བརྒྱབ་འདུག

obama

 

གཤམ་དུ་རྡེག་གནོན་ནམ་ཡང་ན་དྲ་ཚིགས་ཁ་བྱང་ཀླད་ཀྱི་རེའུ་མིག་ཏུ་བླུགས་ནས་ཀློགས།
http://zt.tibet.cn/zw/zqr/2009diaocha/diaocha09zw/diaocha_aobama.htm