ཁ་བརྡ།

ཁ་བརྡ།

Archive for September 24th, 2009


བྷིལ་ཁིལ་ཊིན་གྱིས་༸གོང་ས་མཆོག་གི་ཚན་རིག་གི་ཕྱག་དེབ་ལ་བསྔགས་བརྗོད།

སྒོམ་སྡེ་ལྷ་རམས་པ།

ཨ་རིའི་སྲིད་འཛིན་ཟུར་པ་“བྷིལ་ཁིལ་ཊིན”མཆོག་ནས་༸གོང་ས་མཆོག་གི་ཚན་རིག་གི་དཔེ་དེབ་“རྡུལ་ཕྲན་གཅིག་ཁོ་ནའི་སྟེང་གི་འཇིག་རྟེན”ཞེས་པར་བསྔགས་བརྗོད་གནང་སྟེ། དེབ་འདི་ངོ་མཚར་ཅན་ཞིག་འདུག་གསུངས་སྐོར།

བྷིལ་ཁིལ་ཊིན་གྱིས། “ང་༸གོང་ས་ཏཱུ་ལའི་བླ་མའི་ཕྱག་དེབ་ཐོན་གསར་ཤོས་ཚན་རིག་འབྲེལ་བའི་ངོ་མཚར་ཅན་གྱི་དེབ་ཅིག་ཀློག་གིན་ཡོད”

“I’m reading a fascinating book, the Dalai Lama’s most recent book, about his encounters with science”
-Bill Clinton

དུས་ཚོད་ཀྱིས་མ་ལྡེང་ནས་ཚང་མ་བསྒྱུར་ཐུབ་མ་སོང་། དགོངས་འགལ་མེད་པར་ཞུ། གནས་ཚུལ་ཞིབ་པར་འོག་གི་དྲ་རྒྱའི་ཐོག་གཟིགས།

http://men.style.com/gq/features/full?id=content_6198

བོད་རིགས་སྤུན་ཟླ་ལགས། ཐུགས་རྗེས་གཟིགས་མོ་ཞིག་འདེབས་རོགས།

བོད་རིགས་སྤུན་ཟླ་ལགས། ཐུགས་རྗེས་གཟིགས་མོ་ཞིག་འདེབས་རོགས། ང་ལ་དོན་ཆེན་ཞིག་ཡོད་པས་ཁྱེད་ཀྱི་ཐུགས་དམ་དགོས་ཀྱི་འདུག ང་རང་ཡོན་ཏན་ཡག་པོ་མེད་སྟབས། ཐག་གཅོད་ཐུབ་ཀྱི་མིན་འདུག

ངའི་འདྲི་བ་ནི་འདི་ལྟར།

༡༽ ང་ཚོ་ད་དུང་མུ་མཐུད་ཆོལ་ཁའི་ལམ་ལུགས་འདི་ལ་བརྟེན་ནས་ཆབ་སྲིད་སྐྱོང་ན་དགེ་མཚན་ཡོད་དམ། ཡང་ན་ཐབས་ཤེས་གཞན་འདྲ་ཡོད་དམ། ཐུགས་རྗེས་གཟིགས་ཞོར་ལ་ལམ་སྟོན་འདྲ་ཡོད་ན་གསུངས་རོགས།

༢༽ ངའི་སེམས་ལ་ཆབ་སྲིད་ཀྱི་ཚོགས་པ་འཛུགས་ནས་སྤྱི་འཐུས་དེ་སྐྱོང་ཐུབ་ན་ལེགས་པོ་མེད་འགྲོ་བསམ་ཡང་། བསམ་བློ་དེ་འགྲིག་མིན་ཐག་ཆོད་ཀྱི་མིན་འདུག ཐུགས་རྗེས་གཟིགས་མོ་ཞིག་འདེབས་རོགས།

༣༽  གལ་ཏེ་ཆབ་སྲིད་ཀྱི་ཚོགས་པའི་ཐབས་ཤེས་ལམ་ནས་ངེད་ཚོའི་བོད་དོན་སྐྱོང་ན། དེ་ལ་སྔོན་འགྲོའི་ཞབས་བརྟན་གང་བྱས་ན་ལེགས་སམ།

༤༽ གལ་ཏེ་ཆབ་སྲིད་ཀྱི་ཚོགས་པའི་ལམ་ནས་སྤྱི་འཐུས་རྣམས་འདེམས་ན། ད་ལྟའི་སེམས་ཤུགས་ཅན་གྱི་ཆོལ་ཁའི་སྤྱི་འཐུས་རྣམས་ཨི་རག་ལ་དྲག་སྦྱོང་ལ་བཏང་ན་ཇི་ལྟར་ཡོང་བའི་མོ་ཞིག་ཀྱང་འདེབས་རོགས་གནང་། ཁོང་ཚོ་ནི་ཆོལ་ཁ་མི་གཅིག་པ་ཡིན་སྟབས། ཤོག་ཁག་གཅིག་ནང་གནས་ཐབས་མེད་པས། ཤོག་ཁག་གཅིག་ཏ་ལི་སྤན་གྱི་དྲག་སྦྱོང་དང་ཤོག་ཁག་གཅིག་ཨ་རིའི་དྲག་སྦྱོང་། ཤོག་ཁག་གཅིག་ཨལ་ཁེ་ཌ་ཟེར་བའི་དྲག་སྦྱོང་ལ་གཏོང་ན་ཇི་ལྟར་ཡོང་ངམ།

༥༽ འོ་གལ་ཏེ་བསོད་ནམས་སྟོབས་རྒྱལ་ཨི་རག་ལ་འགྲོ་རྒྱུའི་དངུལ་མེད་ཟེར་ན། ང་རང་སྒེར་གྱིས་འབུལ་གྱི་ཡིན། སྤྱི་འཐུས་ལ་བསུན་པོ་རྩ་བ་ནས་ཞུ་རྩིས་མེད།

ཐུགས་རྗེས་གཟིགས། སྐུ་མཁྱེན།

བསམ་བཙུགས་ནས་གྲོས་ཚོགས་ལ་གཏོར་བརླག་བྱས་པ་འདྲ་བོ་འདུག

ནོར་འཁྲུལ་ཚབས་ཆེན་གཉིས།
ད་རེས་བོད་མི་མང་སྤྱི་འཐུས་ལྷན་ཚོགས་བདེ་བླག་གིས་མཇུག་སྒྲིལ་མ་ཐུབ་པ་དང་། ལས་གཞི་འགའ་རེ་ཅམ་འཇོག་བྱེད་དགོས་བྱུང་བ། འབྱུར་འགྱུར་ངེས་པར་དགོས་པའི་སྒྲིག་གཞི་དང་སྒྲིག་གཞིར་གསལ་ཁ་བཏོད་དགོས་པ་དེ་འདྲའི་ཐོག་གྲོས་ཆོད་འཇོག་མ་ཐུབ་པའི་གནས་ཚུལ་འདི་དག་སེམས་ལ་ཤར་ཐེངས་རེར་མར་ཉལ་ན་གཉིད་མི་ཁུག་ཅིང་ཡར་ལངས་ན་སེམས་མི་སྐྱིད་པ་ཞིག་རེད། དེ་བས་འདིར་བར་སེང་གི་གོ་སྐབས་ཕྲན་བུ་བཟུང་ནས་བྱས་ཉེས་ཀྱི་ཕུང་རྒན་སུ་ལ་ཐུག་མིན་སྐོར་ཅུང་ཟད་གླེང་བར་བྱ་བ་ནི་རང་སེམས་རང་གིས་གསོ་ཐབས་ཙམ་ཡིན།
རང་ཉིད་ལ་དུས་ཚོད་ཡོད་མེད་ལ་མ་ལྟོས་པར་གྲོས་ཚོགས་ཀྱི་གནས་ཚུལ་གང་ཐུབ་ཀྱིས་རྒྱུས་ལོན་བྱས་པ་ལྟར་ན། གྲོས་ཚོགས་ནང་སྔ་ཕྱིར་ནོར་འཁྲུལ་ཚབས་ཆེན་གཉིས་བྱས་ཡོད་པ་ངོ་འཕྲོད་ཀྱི་འདུག
གཅིག སྤྱི་འཐུས་རྒྱུན་ལས་ཀྱི་ནོར་འཁྲུལ་ཏེ། ལམ་ལུགས་སྲོལ་དང་སྒྲིག་གཞི་སྣང་མེད་ལ་བཞག་ནས་ཕྱི་རྒྱལ་དུ་སྡོད་པའི་སྤྱི་འཐུས་སྒེར་བ་ཞིག་གི་ལམ་གྲོན་སྤྱི་འཐུས་རྒྱུན་ལས་ནས་བཏང་བ་དེ་རེད།
གཉིས། ཁྲིམས་བཟོ་ལྷན་ཚོགས་ཀྱི་ལས་འགན་ནི་ཁྲིམས་སྒྲིགས་གསར་བཟོ་དང་ཁྲིམས་སྒྲིགས་ལ་བཟོ་བཅོས། ཁྲིམས་སྒྲིགས་གསལ་ཁ་མེད་ན་དེར་གསལ་ཁ་བཏོད་དགོས་པ་དེ་ཡིན་ཡང་སྤྱི་འཐུས་འགའ་ཤས་ཤིག་དེ་ལས་ལྡོག་ཏེ་ཚོགས་ཁང་ནས་ཕྱི་ལ་ཐོན་ཏེ་དགོས་ཕན་ལྡན་པའི་གྲོད་ཆོད་འཇོག་པར་བར་ཆད་བཟོས་པ་དེ་རེད། Read the rest of this entry »

བོད་མི་མང་གི་སྤྱི་བའི་འཐུས་མིའི་སྐོར་ནས་རྨོངས་འཆར་འགའ་གླེང་བ།

རིག་འབྱུང་དོན་གྲུབ་བཀྲ་ཤིས། ཨ་རི།

ངེད་རང་རྡ་ལམ་ས་ལར་མེད་རུང༌། རང་གི་གཞུང་དང་དེའི་འཛིན་སྐྱོང་གི་བྱེད་ལས་ཁག་ལ་དུས་ནས་དུས་སུ་གཟབ་ནན་སྒོས་རྣ་བ་གླེགས་ཀྱིན་ཡོད་ལ། ཁུ་སིམ་སིམ་ངང་མིག་ལྟ་དང་བསམ་གཞིགས་ཀྱང་བྱེད་བཞིན་ཡོད། ངེད་ཀྱིས་འདི་རུ། ཐེངས་འདིའི་སྤྱི་འཐུས་གྲོས་ཚོགས་ཚོགས་དུས་བརྒྱད་པ་མཇུག་འཁྱོངས་ཡོང་མེད་པའི་གནད་དོན་དང་གནད་དོན་དེའི་བྱུང་རིམ། གནད་དོན་དེའི་འཐུས་ཤོར་གྱི་ངོས། འཐུས་ཤོར་ཀྱི་འགོ་ཁུངས་འཚོལ་སྟངས། འཐུས་ཤོར་ལ་ཕྱོགས་ངོས་མང་པོ་ནས་བལྟ་སྟངས།མ་འོངས་བར་འཐུས་ཤོར་འདི་འདྲའི་རིགས་མ་ཡོང་བའི་སླད་དུ་བོད་རིགས་མི་མང་གི་འཁུར་དུ་བབས་པའི་འོས་འགན་སོགས་ཀྱི་སྐོར་ནས་སྒེར་གྱི་རྨོངས་འཆར་འགའ་བོད་རིགས་ཀློག་པ་པོ་ཚོའི་མདུན་ལ་འཇོག་གི་ཡིན། Read the rest of this entry »

གནའ་བོའི་མེ་ཏོག

ཆུ་ཐིགས་སྔོན་མོ།

སྙན་ངག་སྤྲིན་གྱི་ཕོ་ཉ་བཀླགས་རྗེས་ཀྱི་འཆར་སྣང་དྲན་ཐོར་བཀོད་པ།
གནོད་སྦྱིན་བཀའ་ཡི་འཐོར་རླུང་དྲག་པོས་ ལང་ ཚོའི་ འདབ་ མ་ ལྷོ་ རུ་ དེད།།
འདོད་ ལྷའི་ ཉག་ ཕྲན་ ལུས་ ལ་ ཕོག་ པས་ ཟུག་ རྔུའི་ གདུང་ བ་ སྙིང་ ལ་ འཕོས།།
རཱ་ མའི་ རི་ བོར་ རྒྱུ་ བའི་ སྤྲིན་ ཕུང་ དགའ་ མའི་ ལང་ ཚོར་ རབ་ འཁྲུལ་ ནས།།
བསིལ་ འཇམ་ ཆབ་ ཀྱི་ ཟེགས་ མ་ རེ་ ཡང་ བདེ་ བ་ སྟེར་ བའི་ བྱེད་ པོར་ བསྟེན།།
ལྷོ་ རོང་ དབེན་ བའི་ རི་ སུལ་ བསྙེགས་ ནས་ དྲི་ བཞོན་ བུ་ མོ་ གྲོགས་ སུ་ བསྟེན།།
གྱེས་ བྲལ་ གདུང་ བའི་ སྨྲེ་ སྔགས་ ཕྲེང་ ཚོགས་ སྤྲིན་ ཕུང་ སྐྱོད་ པའི་ ཀླུང་ དུ་ གཏོར།།
མཁའ་ ཡི་ རྡུལ་ ཚོགས་ འབར་ བའི་ ལང་ ཚོ་ མཐོ་ རིས་ ཐེམ་ སྐས་ ལ་ འཛེགས་ ཀྱང་ །།
ཆུ་ ཁུར་ བུ་ མོ་ དུབ་ པའི་ ཉམས་ ཀྱིས་ ཟུར་ མིག་ གློག་ ཐག་ ས་ ལ་ ལྷུང་ །། Read the rest of this entry »