མེ་སྒྱོགས་ནས།
————–
བོད་ཀྱི་རྒྱལ་ས་གཉིས་པ་གངས་སྐྱིད་དུ་སྲོག་རླུང་ཤེལ་དམ་བཟོ་གྲྭ་ཟེར་བའི་ཚོང་རྟགས་(Trademark) ལ་བཀའ་ཁྲི་སྦྱར་བ་ཞིག་བཙུགས་འདུག་ཟེར། དེང་སྐབས་བོད་མི་མང་སྤྱི་འཐུས་ལྷན་ཁང་དུ་སྲོག་རླུང་ཤེལ་དམ་(oxygen bottle) རྣམས་བེད་སྤྱོད་གཏོང་སྟངས་ཀྱི་སྦྱོང་བརྡར་བྱེད་ནས་འཁོལ་སྡོད་འདུག་ཟེར།
སྤྱི་འཐུས་“ཡོད་དོ་ཅོག”་གིས་
‘མ་གྲོས་བསམ་པ་གཅིག་མཐུན་’དང་
‘བྱ་སྤུ་གནོན་’དང་
‘ཕྱར་བ་གྲུ་འདེགས་’དང་
‘ཞལ་གཅིག་གྲག་’གིས་“སྣ་ཁུང་༼དགོངས་དག སྣ་ཁུང་གི་ཞེ་ས་བརྗེད་ངན་གྱིས་འཁྱེར་ཚར་འདུག༽ནས་ཡར་ལ་དབུགས་རྔུབ།”ཟེར་བ་དང་“ཞལ་ནས་མར་ལ་དབུགས་ཐོངས།” ཟེར་བཞིན་སྲོག་རླུང་ཤེལ་དམ་འདི་དག་ནས་དབྱུང་རྔུབ་བྱེད་སྟངས་སྦྱོང་བརྡར་བྱེད་པའི་སྐབས་རེད་ཟེར།
ཐོན་རྫས་གསར་པ་འདི་ཕྱི་ལོ་༢༠༠༩ ཟླ་བ་༦་ཚེས་༢༠་ལ་ཐོག་མ་༼བོད་གཞུང་ཡང་ཟློས་བསྐྱར་ཟློས་ཚོགས་པའི་ཚོགས་ཁང་ ༽དུ་ཁྲོམ་བསྒྲགས་བྱས་(advertised) སོང་ ཟེར། ཚོང་རྫས་འདི་ནི་འཛམ་གླིང་ན་ཁྲོམ་བསྒྲགས་བྱེད་པར་ཐེངས་དང་པོ་རེད་ཟེར། བོད་མི་རིགས་ལ་ཆ་མཚོན་ན་ག་དུས་ཡིན་ནའང་མི་རིགས་གཞན་གྱི་རྗེས་སུ་བསྙེག་མི་ དགོས་པ་འདི་ནི་སྔོན་ཐོན་གྱི་མདུན་བསྐྱོད་ཆེན་པོ་ཞིག་རེད་ཟེར།