༼༡༽ བོད་ཀྱི་རྒྱལ་ས་ལྷ་སའི་ལྷོ་ཁ་དམག་སྒར་ལྟེ་བའི་ལས་ཁུངས་ཁག་དང་འགན་འཛིན་ལྷན་ཚོགས་ཀྱི་ངོ་སྤྲོད་མདོར་བསྡུས།
བེ་རི་འཇིགས་མེད།
ཉེ་རབས་ཀྱི་ལོ་རྒྱུས་ཁྲོད། ནམ་ཡང་བསུབ་ཐབས་མེད་པའི་མཚན་སྙན་གྱི་བ་དན། འཛམ་གླིང་ཕྱོགས་མཐའ་ཀུན་ཏུ་གཡོ་བའི་བོད་ཤར་ཕྱོགས་མདོ་ཁམས་ཆུ་བཞི་སྒང་དྲུག་གི་བོད་ཀྱི་བསྟན་སྲུང་དྭངས་བླང་དམག་གི་སྒྲིག་འཛུགས་ལོ་རྒྱུས་ཀྱི་སྐོར་ལ། རང་རེ་བོད་ནང་ཁུལ་ཙམ་དུ་མ་ཟད། ཨ་རིས་གཙོས་པའི་ཕྱི་རྒྱལ་ཡུལ་གྲུ་དུ་མར་ཡོངས་སུ་གྲགས་ཤིང༌། ལྷག་དོན་ཉེ་སྔོན་ཨ་རིའི་གསང་བའི་ལས་ཁུངས་ནས་བོད་འབྲེལ་སྡེ་ཚན་འགན་ཁུར་ལས་བྱེད་རྙིང་པ་ཁག་གིས་བཏོན་པའི་དེབ་དང༌། རྒྱ་ནག་ནས་ཉམས་ཞིབ་པ་དང་རྩོམ་པ་པོ་མང་པོས་ངོ་ལོག་ཇག་པ་ཞོད་འཇགས་དང༌། ངོ་ལོག་ཇག་པའི་གཏོར་བཤིག ཁམས་པའི་ཇག་པ་སོགས། མིང་ངན་འདྲ་མིན་བེད་སྤྱོད་བྱས་ནས་རྩོམ་པའི་དེབ་ཕྲེང་དུ་མའི་ནང་དུ་འཇིག་རྟེན་གྱི་གཏམ་དཔེར། བུ་ཕ་ཡིས་མི་བསྟོད་དགྲ་ཡིས་བསྟོད།