བལ་བོད་ས་མཚམས་སུ་བོད་མི་ལས་འགུལ་བ་འཛིན་བཟུང།
བལ་བོད་ས་མཚམས་སུ་བོད་མི་ལས་འགུལ་བ་འཛིན་བཟུང། ཟླ་འདིའི་སྤྱི་ཚེས་༢༦་ཉིན་གློ་བུར་གསང་སྟབས་གྱིས་སྤྱི་སྤྱོད་རླངས་འཁོར་བརྒྱུད་བལ་བོད་ས་མཚམས་སུ་བོད་རང་དབང་འཐབ་རྩོད་ཆེད་ཞི་བའི་ལས་འགུལ་སྤེལ་བར་བོད་མི་ལས་འགུལ་རུ་ཁག་ཞིག་སོང་ཡོད་པ་དང་། ལས་འགུལ་བ་བོད་མི་སྐྱ་སེར་ཕོ་མོ་མི་གྲངས་༣༦་ཙམ་ཡོད་པ་རྒྱལ་མཚམས་འགྲམ་ལ་སླེབས་རྒྱུར་སྤྱི་ལེ་༢༥་ཙམ་གྱི་ས་ནས་བལ་ཡུལ་གྱི་ཉེན་རྟོག་དམག་མི་བརྒྱ་ལྷག་གིས་བཀག་འགོག་བྱས་ཀྱང་མུ་མཐུད་རླངས་འཁོར་ནས་བབས་ཏེ་སྤྱི་ལེ་ཁ་ཤས་ལ་སྐད་འབོད་གོམས་འགྲོ་བྱས་མཐར་ཚང་མ་ཉེན་རྟོག་པས་གཅེར་རྡུང་བྱེད་བཞིན་འཛིན་བཟུང་བྱས་ཡོད་འདུག་ལ་བོད་མི་ཁག་གཅིག་ལ་རྨས་སྐྱོན་ཀྱང་ཕོག་ཡོད་འདུག།