༼གཤམ་གསལ་གྱི་རྩོམ་འདི་ ཨ་རིག་འགྱུར་མེད་ཀྱི་ཟིན་བྲིས་དང་སྨིན་དྲུག་གི་ཟིན་བྲིས་གཉིས་ཀར་འཁོད་འདུག དེ་དག་ནས་འདིར་དྲངས་པ་ཡིན།༽
མནར་གཅོད་ཀྱི་གོ་རིམ་ཞིག་
(8)
དེ་ནས་མི་ཞིག་གིས་ང་ལ། ཁྱོད་ཀྱིས་ལོ་བཅུའི་གོད་ཆག་མཇུག་འགྲིལ་བའི་བར་རྒྱུན་ལྡན་མ་ཡིན་པར་ཤི་བའི་བོད་མིའི་གྲངས་ཀ་ཁྲི120ཡིན་ཞེས་པ་དེ་གང་དུ་བཤུས་པ་ཡིན་ཞེས་དྲིས། ངས་དེ་ང་བལ་པོ་ནས་ཡོད་དུས་དཔེ་ཆ་ཞིག་གི་སྟེང་མཐོང་ལ། རྩོམ་ཡིག་དེ་ནི་ཕལ་ཆེར་ཚའོ་ཁྲང་ཆིན་གྱི་ཡིན་པ་འདྲ། ཡིན་ནའང་གྲངས་ཀ་དེ་བཙན་བྱོལ་བོད་གཞུང་གི་བཤད་སྲོལ་རེད། མ་ཟད་ཕྱི་རྒྱལ་དུ་སྡོད་པའི་རྒྱ་མི་མཁས་པ་སྐོར་ཞིག་གིས་ཀྱང་བོད་མི་ཤི་གྲངས་ཁྲི90ལ་སླེབས་པར་ཁས་ལེན་བྱེད་ཀྱི་འདུག་ཅེས་བཤད་པ་ན། ཁྱོད་ཀྱིས་དེ་ལ་ཡིད་ཆེས་སམ་ཞེས་མིག་སྒོར་སྒོར་གྱིས་དྲིས་ཤིང་། ང་དྲང་པོར་བཤད་རྒྱུར་ཧ་ཅང་སྐྲག ངས་ང་ནི་ཚན་རིག་གི་གཞི་གྲངས་ལ་ཡིད་ཆེས་ཞེས་བཤད་པ་ཡིན།