འཆམ་ར་དྲི་མེད་རྒྱལ་མཚན།
———————
༈ རེས་གཟའ་མིག་དམར་རྟ་སྦྲུལ་གཉིས་ཀྱི་བླ་གཟའ་དར་བའི་ཉིན་མོ་ཏེ། ཕྱི་ལོ་ ༢༠༠༨ ༧ ༨ ཀྱི་ཉིན་མོ་འདིར་རྒན་གསོ་ཁང་གི་མ་རྒན་ཉམ་ཐག་ཞིག་དབུགས་མཐའ་རྫོགས་ཏེེ་ཕྱི་མའི་མངལ་ལམ་དུ་ཆས་སོང་། དེ་ཉིད་བདག་མེད་ཀྱི་ཚེ་འདས་ཞིག་འདུག་པས་ཤི་ཆོག་སོགས་ཆ་ཚང་ཁོ་བོ་དང་འཆམ་མཐུན་ཅན་གྱི་གྲོགས་པོ་ཚོས་དང་བླང་གིས་ལས། མ་ཟད་དུར་ས་སྦས་རྒྱུ་སོགས་རོ་ལས་ཀྱང་བྱས་ནས་རྗེས་ཆོག་རྣམས་ཧུར་ཐག་བྱས་ཡོད། དེར་བརྟེན་རང་ངོས་ནས་ཀྱང་འདིའི་ཉིན་མོ་ནི་དགེ་རྩ་ཅུང་ཐོན་པའི་ཉི་མ་བཟང་པོ་ཞིག་ཡིན་བསམ་ཡོད།
དེ་ཚོ་ཐམས་ཅད་ངའི་སྙིང་ནས་བརྩེ་བའི་གྱེས་སོང་གི་ཨ་མ་ལགས་ཀྱི་དྲིན་ལན་དུ་བསྒོམ་ནས་བྱས་ཡོད་པ་མ་ཟད། བལྟ་སྐྱོང་བྱེད་མཁན་མེད་པའི་འགྲོ་བ་མི་ཞིག་གི་བདེ་སྡུག་ལ་བསམ་ཤེས་ཐེངས་གཅིག་དང་། བཅོས་མིན་ཤ་ཚའི་འདུ་ཤེས་དང་མོ་བ་ཞིག་གིས་ཀྱང་བྱས་ཡོད། ད་ལྟ་ང་རང་མལ་ཆས་ནང་འཛུལ་ཏེ་གཉིད་མ་ཁུག་པ་ཨ་མ་ཡིད་ལ་དྲན་བཞིན་བསྡད་ཡོད།