གསེར་མདོག་གི་གྲུ་ཆུང་།
གསེར་མདོག་གི་གྲུ་ཆུང་། རྩ་ཕྲན་དང་སྡོང་བོའི་ལོ་འདབ་ཚང་མ་སེར་པོར་གྱུར་སོང་། ངས་སྐྱི་བསེར་རླུང་གིས་རྡོག་པས་བརྫིས་པའི་ལོ་འདབ་ཀྱིས་ཤག་ཤག་གི་སྒྲ་འབྱིན་པ་ཐོས། གསེར་མདོག་གི་ལོ་མ་ནི་ཧ་ཅང་མཛེས་བའི་ཕྱེ་མ་ལེབ་ཅིག་བར་སྣང་དུ་ཕར་འཕུར་ཚུར་འཕུར་བྱེད་པ་དང་འདྲ། ལོ་མ་སེར་པོ་ཆུང་ཆུང་ཞིག་ངའི་ཕྲག་སྟེང་དུ་བབས་ཏེ་ང་ལ་ཁ་རོག་གེར།ང་སླེབས་བྱུང་ཟེར། ངས་ལོ་མ་སེར་པོ་ཆུང་ཆུང་དེ་ལག་མཐིལ་དུ་བཏེགས་ནས་སེམས་ཆུང་ངང་ཆུ་ཕྲན་ཞིག་གི་ནང་དུ་བསྐྱུར་བ་ན། ལོ་མ་སེར་པོ་ཆུང་ཆུང་དེ་གསེར་མདོག་གི་གྲུ་ཆུང་ཞིག་ཏུ་གྱུར། སྟོན་རླུང་བསིལ་བསིལ་དུ་རྒྱུ་བས། གསེར་མདོག་གི་གྲུ་ཆུང་ཡོམ་ཡོམ་དུ་འགུལ་ཞིང་། དལ་གྱིས་རྒྱང་རིང་གི་ཕྱོགས་སུ་བསྐྱོད་སོང་།