ཁ་བརྡ།

ཁ་བརྡ།

Archive for March 14th, 2009


༸རྒྱལ་བ་རིན་པོ་ཆེ་ཡང་ཐང་སིན་བླ་མ་ནང་བཞིན་བཞུགས་ན་ལེགས་པར་མ་མཐོང་།

ཚེ་རིང་གི་བུ།
——–
ངས་གྲོགས་པོ་ཞིག་ལ་ཁ་པར་ཞིག་བཏང་བ་ཡིན། ཁོས་‘‘ཁ་སང་དེ་རིང་གི་རེབ་གོང་ནི་ཛ་དྲག་ཅན་དུ་འགྱུར་བཞིན་འདུག ས་ཕྱོགས་གཞན་པར་དེ་ལྟར་ཡིན་ལས་ཆེ། དྲིན་ཆེན་པོ། རྒྱ་གཞུང་གིས་རེབ་གོང་ཡུལ་དུ་ཚོགས་འདུ་སྣ་ཚོགས་བསྡུ་གིན་འདུག དཔེར་ན། སློབ་གྲ་ཁག་ཏུ་དགེ་རྒན་དང་སློབ་མ་ཚོར་ཚོགས་འདུ་བསྐོང་གི་ཡོད་པར་མ་ཟད། མི་རིང་བར་གྲོང་གསེབ་དང་འབྲོག་ཕྱོགས་སོགས་སུའང་ཚོགས་འདུ་བསྐོང་རྩིས་ཡོད་པ་འདྲ། ད་དུང་དགོན་སྒེ་ཁག་ཏུ་མཆོད་མཇལ་དུ་འགྲོ་བར་ལམ་ཁ་རྟ་རྔ་ཙམ་ཡང་མེད། ཕྱོགས་བཞི་ནས་རེབ་གོང་ཡུལ་དུ་ཡོང་བའི་མགྲོན་པོ་ཚོ་ལའང་ལྟ་རྟོག་ནན་མོ་བྱེད་ཀྱི་འདུག འདི་ལྟར་བལྟས་ན་རྒྱ་གཞུང་གིས་ཡང་བསྐྱར་སྲིད་ཇུས་འཇིགས་པོ་ཞིག་སྤེལ་གྱི་ཡོད་འདུག ཨ་རོ། ཁ་སང་དེ་རིང་གི་བོད་ཀྱི་གནས་སྟངས་འདིར་༸རྒྱལ་བ་རིན་པོ་ཆེས་དབུ་ཁྲིད་པའི་བཙན་བྱོལ་བོད་གཞུང་གིས་རོགས་འདེགས་ག་རེ་གནང་རྩིས་ཡོད་དམ། ད་ནི་༸རྒྱལ་བ་རིན་པོ་ཆེ་ཡང་ཐང་སིན་བླ་མ་ནང་བཞིན་བཞུགས་ན་ལེགས་པར་མ་མཐོང་། ཁྱེད་ཀྱིས་ད་སོ་མར་བདག་གིས་བཤད་པའི་སྐད་ཆ་འདི་དག་དེ་གའི་གྲོགས་པོ་ཚོར་བཤད་རོགས་’’ཞེས་འདི་འདྲ་ཞིག་བཤད་བྱུང་། ངས་ཐ་མག་འཐེན་ཞོར་དུ་ཁོང་གི་སྐད་ཆ་འདི་ལྟར་བྲིས་པ་ཡིན། ཡིན་ན་ཡང་། ཚོགས་འདུ་ཁག་གི་གཏམ་བཤད་དང་དེ་དག་གི་ནང་དོན་སོགས་ཅི་ཡིན་མ་བྲིས། གཞི་ནས་ངོས་རང་ལ་འགྱོད་པ་ཞིག་འདུག