གཡུ་ཞུན
————
༢༠༠༨ལོའི་མཐའ་མཇུག་གི་ཤོག་ལྷེ་ཕར་ལྟེབ་ལ་ཉེ་བའི་དུས་འདིར་མིག་ཟུང་ཕྱིར་ད་ལོའི་སྤྱི་ཟླ་གསུམ་པར་མི་གཏད་རང་གཏད་ཆགས་།་དེ་ནི་བོད་ཀྱི་དེང་རབས་ལོ་རྒྱུས་ཐོག་དམར་པོ་ཁྲག་གིས་ཡང་བསྐྱར་བྲིས་པའི་ལེའུ་གསར་བ་ཞིག་གོ ལྷག་པར་དུ་རྒྱ་ནག་གུང་ཁྲན་གཞུང་གིས་བོད་ལ་དབང་བསྒྱུར་བྱས་ཏེ་།དུས་རབས་ཕྱེད་ཙམ་སོང་པའི་རྗེས་སུ་ནང་སྒོས་ཁོ་ཚོའི་སེམས་སུ་བོད་རིགས་གཞོན་སྐྱེས་རྣམས་དེང་རབས་དཔལ་ཡོན་གྱི་སློབ་གསོ་ཟེར་བ་དང་དཔལ་འབྱོར་ཡར་རྒྱས་ལས་ཚང་མ་རྒྱུ་རྔམ་གི་བྲན་ལ་འཁོད་ནས་བོད་ཀྱི་རིག་གཞུང་དང་ཆོས་ལ་དད་ཞེན་མེད་པར་།གཞུང་ཕྱོགས་ཀྱི་བྲན་བསྒྱུར་སློབ་གསོ་དང་དཔལ་འབྱོར་སླུ་བྲིད་འོག་རྦད་དེ་ཚུད་ཡོད་སྙམ་པའི་དུས་འདིར་།སྤྱི་ལོ་ཉིས་སྟོང་བརྒྱ་མེད་བཅུ་མེད་བརྒྱད་ལོའི་སྤྱི་ཟླ་གསུམ་པའི་ཚེས་བཅུའི་དུས་དྲན་ཡས་མས་ནས་བཟུང་།སྟོད་ཀྱི་ཉི་མ་ལྷ་སའི་སེ་འབྲས་དགའ་གསུམ་ནས་མདོ་སྟོད་སྨད་བོད་ཀྱི་ས་ཆ་ཕལ་མོ་ཆེར་སེར་སྐྱ་ཕོ་མོ་རྒན་དར་གཞོན་གསུམ་གྱིས་མ་གྲོས་བསམ་པ་གཅིག་མཐུན་གྱིས་རྒྱ་ནག་གཞུང་གི་སྲིད་ཇུས་ལ་ཞི་བའི་ངོ་རྒོལ་གྱེན་ལངས་ཀྱི་ལས་འགུལ་ཆེན་མོ་སྤེལ་བ་དང་།་ཕལ་ཆེར་སྤྱི་ཟླ་གསུམ་པའི་ཚེས་བཅུ་བཞི་ནས་ལས་འགུལ་གཞི་རྒྱ་ཆེ་ཤོས་དང་ཛ་དྲག་ཏུ་སོང་ཞིང་།ཚེས་ཉི་ཤུ་ཙམ་ནས་རྒྱ་ནག་གཞུང་གིས་བོད་མི་འཛིན་བཟུང་གི་འགོ་བཙུགས་པ་རེད་། གང་ས་གང་དུ་ཉེན་རྟོག་པ་དང་དམག་མི་འབོར་ཆེན་འགྲེམ་གཏོང་གིས་ངོ་རྒོལ་བྱེད་ཡུལ་ས་ཁུལ་ཁག་ཏུ་ལས་འགུལ་ནང་ཞུགས་དང་མ་ཞུགས་ཀྱི་དབྱེ་བ་མེད་པར་བོད་མི་སེར་སྐྱ་ཕོ་མོ་མང་པོ་ཞིག་འཛིན་བཟུང་བྱས་ཡོད་།་བོད་ཀྱི་བཙོན་ཁང་ཆ་ཚང་ཁ་བཀང་ནས་།གཞུང་གི་ལས་ཁང་དང་སློབ་གྲྭའི་སློབ་ཁང་མང་པོ་ཞིག་ཀྱང་འཕྲལ་སེལ་བཙོན་རར་གྱུར་བའི་གནས་ཚུལ་དང་།ཡང་མང་པོ་ཞིག་རྒྱ་ནག་གི་བཙོན་ར་ཁག་ཏུ་བསྐྱལ་བ་སོགས་གོ་ཐོས་བྱུང་།དེ་བཞིན་མདོ་སྨད་འབོ་ར་ཨ་མཆོག་ཡུལ་གྱི་དཔལ་རྒོད་ཚོས་རྟ་ཕོའི་བང་རྩལ་གྱི་རྨིག་སྒྲས་རྒྱ་མཁར་རྡུལ་གྱིས་བཀང་པའི་ཀི་སྒྲ་རེ་ཞིག་སུའི་ཨཱུན་ཨཱུན་སོགས་རྒྱལ་སྤྱིའི་གསར་འགྱུར་བརྒྱུད་ལམ་ཁག་གི་མཛེས་རིས་དམིགས་བསལ་བ་ཞིག་ཏུ་གྲུབ་།དེ་ནི་སྤྱི་ལོ་༡༩༥༨ལོའི་ཚུད་ཀྱི་བོད་ནང་གི་ངོ་རྒོལ་ལས་འགུལ་ཆེ་ཤོས་དེར་ངོ་འཛིན་བྱེད་བཞིན་ཡོད་།
རྒྱ་བོད་ཀྱི་གསར་འགྱུར་གཉིས།
ཁ་སང་མཉམ་འབྲེལ་རྒྱལ་ཚོགས་ཀྱི་དྲུང་ཆེ་བྷེན་ ཀི་མོན་ ༼Ban Ki-moon༽་གྱིས་རྒྱ་བོད་ཀྱི་ད་ལྟའི་གནས་སྟངས་ཐད་གསར་འགོད་པར་འགྲེལ་བརྗོད་བྱས་ཏེ། “ངའི་རེ་བ་ལ། རྒྱ་ནག་གི་དབང་འཛིན་པ་ཚོས་གནད་དོན་འདི་གྲོས་མོལ་གྱི་ལམ་ནས་སེལ་ཐབས་མུ་མཐུད་བྱེད་པའི་རེ་བ་ཡོད་”ཅེས་གསུངས་འདུག རྒྱལ་ཚོགས་ཀྱི་མིས་བོད་དོན་གླེང་སློང་བྱེད་པ་ནི་སྲིད་མཐའ་ཙམ་གྱིས་དཀོན་པོ་ཡིན་མོད། འདི་འདྲ་མཐོང་སྐབས་འཛམ་གླིང་གིས་རྒྱ་ནག་ལ་བལྟས་བལྟས་བསྡད་ཡོད་པའི་རྣམ་པ་ཇེ་གསལ་དུ་འགྲོ། ཡང་ ཚེས་ བཅུ་གཉིས་ ཉིན་༧རྒྱལ་བ་རིན་པོ་ཆེས་པཱོ་ལན་ཌིའི་གྲོས་ཚོགས་སུ་བཀའ་སློབ་གནང་སྐབས། “རྒྱ་ནག་དེ་འཛམ་གླིང་གི་དམངས་གཙོའི་རྒྱལ་ཁོངས་སུ་ལེན་རྒྱུའི་ཐད་རང་དབང་ཅན་གྱི་དམངས་གཙོའི་རྒྱལ་ཁབ་རྣམས་ཡ་རབས་ཀྱི་འོས་འགན་ཞིག་ཡོད་པ་རེད།” ཅེས་དང་། “རྒྱལ་སྤྱིའི་སྤྱི་ཚོགས་ཀྱིས་ རྒྱ་ནག་ཁེར་རྐྱང་དུ་མ་བཞག་པར་ རྒྱ་ནག་དེ་ངེས་པར་དུ་འཛམ་གླིང་སྤྱི་ཚོགས་ཀྱི་དཀྱིལ་དུ་ལེན་དགོས་པ་རེད། “ཅེས་བཀའ་སློབ་གནང་འདུག