ཚེ་རིང་གི་བུ།
ངས་བོད་དོན་འཐབ་རྩོད་ཀྱི་སྐོར་ལ་བསམ་བློ་མང་པོ་ཞིག་བཏང་། ད་དུང་ཡང་གཏོང་བཞིན་ཡོད། སྤྱིར་བོད་འདི་རྒྱལ་རབས་ལོ་རྒྱུས་གང་གི་ཆ་ནས་བལྟས་ཀྱང་། རྒྱ་ནག་གི་ཆ་ཤས་ཤིག་དང་མངའ་ཁོངས་ཤིག་མིན་པ་བསྙོན་མེད་རེད། ཧ་ཅང་གསལ་ཐིང་ཐིང་རེད། འབུ་ཆེ་བས་ཆུང་བ་ཟོས་ཟེར་ནའང་འདྲ། གང་ལྟར། རྒྱ་གཞུང་གིས་བོད་འདི་རྒྱ་ནག་ཆེན་པོའི་མངའ་ཁོངས་ས་ཁུལ་ཞིག་ཏུ་བསྒྱུར་བ་དང་། བོད་མི་མང་རྒྱ་མི་རིགས་ཀྱི་བྲན་གཡོག་ལྟ་བུར་བསྒྱུར་ནས་མི་ལོ་ལྔ་བཅུ་ལྷག་འདས། འདི་ཉུང་ཉུང་ཞིག་མ་རེད། འོན་ཀྱང་། འགྲན་མེད་གཞིས་ལུས་དཔའ་བོ་དཔའ་མོ་རྣམས་ཀྱིས་རང་གི་གནམ་འོག་འདི་རང་ལ་དབང་ཆེད་ལས་འགུལ་རབ་དང་རིམ་པ་སྤེལ་་ཡོད། འདི་རང་བཙན་འཐབ་རྩོད་ཀྱི་སྒུལ་ཤུགས་གཙོ་བོ་རེད། དེ་དང་ཆབས་ཅིག རྒྱལ་བ་རིན་པོ་ཆེ་དང་བཙན་བྱོལ་བོད་གཞུང་གིས་བོད་དོན་ཁྱབ་བསྒྲགས་དང་བོད་ཀྱི་ཤེས་རིག་སྲུང་སྐྱོབ་བྱེད་ཐུབ་པ་བྱུང་བ་འདི་ཡང་ལས་སླ་པོ་ཞིག་ག་ལ་ཡིན་མོད། དྲང་མོར་བཤད་ན། ང་ཚོ་ཕམ་ཉེས་བཏང་ཡོད། ད་དུང་ཡང་ང་ཚོ་རྒྱའི་འོག་ནས་ཕམ་བཞིན་ཡོད་པ་རེད།
ང་དགུ་ལོ་ནས་བཟུང་། ང་ཚོས་བོད་རང་བཙན་གྱི་ལྟ་གྲུབ་སྤྱད་དེ་མི་ལོ་མང་པོ་ཞིག་འགོར། དངོས་གནས་ཡག་པོ་རེད། བོད་རང་བཙན་གྱི་ཆེད་དུ་བོད་གངས་ཅན་པ་མང་པོས་རང་གི་ཚེ་སྲོག་རྒྱལ་ཁབ་ལ་མཆོད་པ་རེད་མ་གཏོགས། བོད་འདིར་རང་སྐྱོང་དགོས་ཞེས་ཚེ་སྲོག་མང་པོ་ཙག་རླུང་ལ་བསྐུར་ཡོད་པ་མ་རེད། བདུན་ཅུ་དོན་གྲངས་ལོར། ཏིན་གྱི་སྲིད་ཇུས་ཀྱི་འོག་ནས་རང་བཙན་གྱི་ལྟ་གྲུབ་དེ་ཐང་ལ་འགྱེལ་བ་རེད། སྡོང་རྒན་བཞིན་འགྱེལ་བཅུག་པ་རེད། དེ་མ་ཐག་ལམ་དབུ་མ་ཟེར་བའི་སྐད་གྲགས་ཅན་གྱི་ལྟ་གྲུབ་འདི་རྒྱལ་བ་རིན་པོ་ཆེའི་ཕོ་བྲང་དང་། བཀའ་ཤག སྤྱི་འཐུས་གྲོས་ཚོགས་སོགས་སུ་བརྡོལ་འགོ་ཚུགས། བཙན་བྱོལ་མི་མང་གིས་ཀྱང་ལམ་དབུ་མར་བརྟེན་ནས་རང་སྲིད་རང་སྐྱོང་ལ་མཁྲེང་། ད་དུང་ཡང་མཁྲེང་བཞིན་ཡོད། འོན་ཀྱང་། དེང་སང་རྒྱ་ནག་ནང་ཁུལ་དུ་འགྱུར་བ་ཞིག་འགྲོ་བཞིན་ཡོད་པ་བདེན་པ་རེད། དེ་དཔལ་འབྱོར་གྱི་འགྱུར་བ་རེད་མ་གཏོགས་སྲིད་ཕྱོགས་ཀྱི་འགྱུར་བ་གང་ཡང་མ་རེད། ཁ་སང་དེ་རིང་གི་རྒྱ་ནག་གིས་བོད་ལ་འཛིན་པའི་སྲིད་ཇུས་དང་རྒྱ་ནག་གི་མགོ་ཁྲིད་ཚོའི་བྱེད་བབ་ཚང་མས་ཤེས་གསལ་ལྟར། རྒྱ་ནག་གཞུང་གིས་བོད་དོན་འདི་སྣང་མེད་དུ་བཞག་ཡོད། བོད་རྒྱ་གཉིས་ཀྱི་གྲོས་མོལ་ཟེར་བ་འདི་ཡང་བྱིས་པའི་རྩེད་མོ་ལྟ་བུ་རེད། རྒྱ་ནག་གི་དཔོན་རིགས་ཚོར་བོད་དོན་འདིར་གྲོས་མོལ་བྱེད་པའི་འདོད་པ་ཡོད་ཚེ། རྒྱལ་བ་རིན་པོ་ཆེ་དང་ལྷན་དུ་ཐད་ཀར་གྲོས་མོལ་བྱེད་ཆོག སྐུ་ཚབ་ཚོགས་པ་འདི་དགོས་མཁོ་རྩ་ནས་མེད།
ངས་འདི་ལྟར་གླེང་ཆོག་གམ།
སྤོབས་པ་མཐའ་ཡས།
སངས་རྒྱས་གཡུང་དྲུང་བོན་གྱི་བསྟན་པ་རིན་པོ་འདི་ཉིད་ཆེས་སྔ་མོའི་དུས་ནས་བོད་དུ་དར་ཞིང་མཁས་གྲུབ་ཀྱིས་སྐྱེས་ཆེན་རྣམས་ཀྱིས་དབུ་ཁྲིད་དེ་དགེ་འདུན་འདུས་པའི་ཚོགས་དང་དད་ལྡན་མང་ཚོགས་ཀྱིས་རྒྱབ་སྐྱོར་ཀྱིས་ད་ལྟའི་བར་དུ་མ་ཉམས་པར་གནས་ཡོད། འོན་ཀྱང་བཙན་པོ་སྲོང་བཙན་གྱི་དུས་སུ་ཞང་ཞུང་གི་སྲིད་དབང་གཡོ་ཐབས་ཀྱིས་བརླགས་ཤིང་ཐུབ་པའི་བསྟན་པ་བོད་དུ་དར་མགོ་ཚུགས་ཚུན་ནས་དངོས་ཤུགས་བརྒྱུད་གསུམ་ནས་བོན་དང་བོན་གྱི་ལུགས་འཛིན་པ་དག་ལ་སྙད་གཙེར་སྡང་ཟུག་གི་ཐབས་ལམ་འདྲ་མིན་བྱས་ཡོད། དཔེར་ན། གདོད་མའི་བོན་དང་གཡུང་དྲུང་བོན་གྱི་ཁྱད་པར་མ་ཕྱེས་པར་གདོན་གཟུགས་བོན་གྱི་བསྟན་པ་ཞེས་བསྣུབ་དགོས་པའི་སྲིད་ཅུས་མི་འདྲ་བ་ལག་བསྟར་བྱས་ཚུལ་གཏེར་མར་གྲགས་པའི་པདྨ་བཀའ་ཐང་དང་མཁའ་འགྲོ་ཡེ་ཤེས་མཚོ་རྒྱལ་གྱི་རྣམ་ཐར་སོགས་སུ་གསལ་བ་ལྟར་ཡིན།
འོན་ཀྱང་ལོ་རྒྱུས་ནི་ལོ་རྒྱུས་རང་རེད། འདས་ཟིན་པ་རེད། དེས་ང་ཚོར་ཕན་གནོད་གང་ཡང་མེད་པར་སྣང་ཡང་ལོ་རྒྱུས་ལ་སློབ་སྦྱོང་དང་རྗེས་དྲན་བྱ་རྒྱུ་ནི་སྤྱི་ཚོགས་ཀྱི་ད་ལྟའི་གནས་སྟངས་དང་མ་འོངས་པའི་མདུན་ལམ་གྱི་སྟེང་གི་ལེགས་ཉེས་བླངས་དོར་ཤེས་པའི་དགོས་པ་ཆེན་པོ་ཡོད། རང་རེ་ཆོས་སྲིད་ཀྱི་ལས་ཀྱི་སྣེ་མོར་གཏོགས་པ་དང་ཤེས་ཡོན་ཅན་གྱི་མདུན་གྲལ་ན་འགྱེངས་བ་ཚོས་མཐུན་འབྲེལ་དང་ཞི་བདེ། མཐོང་རྒྱ་ཅན་དང་དེང་རབས་དང་བསྟུན་དགོས་ཚུལ་སོགས་མ་ཎི་འདོན་འདོན་བྱེད་པའི་དུས་རབས་འདིའི་ནང་ཐབས་བརྒྱ་ཅུས་སྟོང་གིས་རང་རིགས་ནང་ཁུལ་གྱི་མཐུན་ལམ་དང་ཞི་བདེ་ནི་ས་ལམ་ཐམས་ཅད་ཀྱི་གཞི་དང་རྩ་བར་འཇོག་དགོས་པ་ལྟ་ཅི་སྨྲོས། དེའི་ཕྱིར་ང་ཚོས་དད་པ་དག་སྣང་ཟེར་བའི་མཐོ་ཞིང་གཉན་པའི་ཉམས་ལེན་དེ་མ་འཁྱོངས་ཀྱང་བོད་ཅེས་པའི་རིགས་རུས་སྐྱིད་སྡུག་གི་ཆར་གདུགས་གཅིག་གི་འོག་ན་འཚོ་བའི་ཤ་ཞེན་དང་འཇིག་རྟེན་མི་ཆོས་ཀྱི་ཡ་རབ་ལུགས་སྲོལ་ཙམ་དབང་བཙན་པར་བྱས་ནས་ཀྱང་གཡུང་དྲུང་བོན་གྱི་ལུགས་འཛིན་པ་དག་ལ་བརྩི་འཇོག་དང་བོན་གྱི་གནའ་དེང་གི་གནས་སྟངས་སྐོར་ལ་གཟུ་བོའི་དྲང་གཏམ་རེ་འཆད་རྒྱུ་དེ་ཡང་གལ་ཆེན་ཞིག་ལོས་ཡིན།
མཚར་གཏམ།
མཚར་གཏམ། ༼ཕ་ཡུལ་དྲ་རྒྱ་ལས་བདམས་ཏེ་བསྒྱུར།༽ ཉིན་ཞིག་བུད་མེད་ལུས་དམར་ཧྲེང་བ་ཞིག་གིས། བརྡལ་གཏོང་རླངས་འཁོར་ (Taxi) ཞིག་བཀག ཁ་ལོ་བ་དེས་བུད་མེད་དེ་རླངས་འཁོར་ནང་འཛུལ་མ་ཐག་ཧ་ལས་གདོག་ངང་མོའི་ལུས་ཀྱི་མགོ་ནས་རྐང་པའི་བར་ཞིབ་མོར་བལྟས་སྟབས། བུད་མེད་དེ་ཁོང་ཁྲོ་ལངས། བུད་མེད་དེས། “ལྟས་ངན་མཐོང་གི་འདུག་གམ། ཁྱོད་དེ་སྔོན་བུད་མེད་དམར་ཧྲེང་མ་མཐོང་མ་མྱོང་ངམ།” ཁ་ལོ་བ་ན་རེ། “ལྕམ་ཁྱེད་རང་ལུས་ལ་གོས་གཅིག་ཀྱང་མེད་པ་དེར་ང་ཧ་ལས་མ་སོང་། ཁྱེད་ཀྱིས་ང་ལ་སྤྲོད་རྒྱུའི་རླངས་འཁོར་གྱི་གླ་ཆ་དེ་ག་པར་བཅུག་ཡོད་མེད་ལྟ་གི་ཡོད་ཟེར།”
ཛ་དྲག་དང་འགྱུར་བ།
དགེ་འདུན་རབ་གསལ། ཁ་སང་དེ་རིང་གི་བོད་ཀྱི་གསར་འགྱུར་ཆེ་ཤོས་ནི་ ལོ་འདིའི་ཟླ་ ༡༡ ནང་འཚོགས་འཆར་གྱི་དམིགས་བསལ་ཚོགས་འདུ་དེ་རེད། བོད་ཡིག་ནང་འདི་ལ་དམིགས་བསལ་ཚོགས་ཆེན་ཞེས་བྲིས་འདུག དབྱིན་ཡིག་ནང་ཛ་དྲག་ཚོགས་འདུ་ཞེས་བྲིས་འདུག “དམིགས་བསལ་”ཚོགས་འདུ་ཡིན་པ་དེས་ང་ཚོ་ལ་དངངས་འཚབ་དེ་འདྲ་མི་སྤྲོད་ན་ཡང་། “ཛ་དྲག་ཚོགས་འདུ་”ཞེས་པའི་ཚིག་དེས་དངངས་འཚབ་རེ་མ་སླེབས་རང་སླེབས་རེད། ངེད་ཀྱི་གྲོགས་པོ་ཚོས་ཀྱང་ཁ་པར་བཏང་ནས་ཕན་ཚུན་གླེང་མོལ་བྱེད། “དཀོན་མཆོག་མཁྱེན། ཉེ་ཆར་༧སྐྱབས་མགོན་རིན་པོ་ཆེ་བསྙུང་ནས་སྨན་ཁང་ལ་ཕེབས་པ་དེ་འདི་ལ་འབྲེལ་བ་ཡོད་པ་མ་རེད་དམ།” “ཡིན་རྒྱུ་མ་རེད། ༧སྐུ་མདུན་གྱི་བསྙུང་གཞི་དྭངས་སྐྱེད་ཀྱིས་བཞུགས་སྒར་དུ་ཕེབས་ཡོད་པ་རེད། ཡིན་ན་ཡང་། སྐུ་མདུན་རིང་མིན་རྒྱ་ནག་ལ་ཕེབས་འཆར་ཡོད་པ་རེད་ཟེར། གཅིག་བྱས་ན་དེ་ནི་ས་ཡོམ་སྐབས་ཤི་བ་ཚོར་སྨོན་ལམ་ཆེད་རེད་ཟེར། དེའི་སྐོར་ལ་ཡིན་ནམ།” “ད་ལྟའི་རྒྱ་བོད་ཀྱི་གནས་ཚུལ་ལ་བརྟགས་ན་ས་ཡོམ་དེའི་ཆེད་དུ་བོད་དང་རྒྱ་ནག་ལ་ཕེབས་མདོག་ཁ་བོ་མི་འདུག ད་ལོའི་བོད་ནང་གི་གནས་ཚུལ་ཛ་དྲག་བྱུང་བ་དང་། དེ་བཞིན་རྒྱ་མི་ས་ཡ་དང་ས་ཡ་བོད་དུ་གནས་སྤོར་བྱེད་རྒྱུ་རེད་ཟེར་བ་དེ་ཚོ་ལ་ཅི་བྱེད་ཀྱི་ཐད་ཡིན་རྒྱུ་རེད།” བོད་གཞུང་གི་གསང་བ་དང་མི་མང་གི་ཁ་མིག་ཡར་ལྟ་བྱེད་པའི་རེ་བ་གཉིས་ཁ་མ་འཆམ་ནས་འདི་འདྲའི་གླེང་སློང་ཡོང་། ཏན་ཏན་རེད། ང་ཚོའི་གཞུང་འདི་རང་གི་མི་མང་ལ་གསང་བ་བྱེད་རྒྱུར་དགའ་ལ། ཕྱི་རྒྱལ་མི་ལ་གསང་བ་བཤད་རྒྱུར་དགའ། འདི་ནི་ལོ་ལྔ་བཅུའི་རིང་གི་གོམས་གཤིས་ཤིག་རེད། དེ་བས་མི་མང་ལ་མཚོན་ན་གསང་བ་ལ་ཚོད་བགམ་སྣ་ཚོགས་བྱེད་རྒྱུ་ལས་གཞན་ཐབས་ཤེས་གང་ཡོད། དེས་ན་ངས་ཀྱང་ཚོད་བགམ་འགའ་ཞིག་བྱེད། འདི་ནི་ཐོལ་བྱུང་གི་བསམ་བློ་ཞིག་ལས་ཞིབ་དཔྱད་བྱས་པ་ཞིག་མིན། གང་ལྟར་ཡང་ང་ཚོས་བགྲོ་གླེང་བྱེད་ཆོག་གི་རེད། www.phayul.com ནས་གོང་གི་པར་འདི་བཤུས་པ་ཡིན། བོད་གཞུང་འདི་འགྱུར་བ་ལ་ཐུགས་མི་མཉེས་པ་རེད། འདས་པའི་ལོ་བཅུའི་རིང་ལ་མཚོན་ན། རྒྱ་གར་གཞུང་དེ་བྷི་ཇི་པི་ནས་ཀོང་རི་སི་ལ་འགྱུར་བ་རེད། བལ་ཡུལ་གཞུང་དེས་རྒྱལ་པོ་མགོ་རྟིང་སློག་ནས་དམར་པོའི་མགོ་འཁྲིད་སྲིད་བློན་ཆགས་པ་རེད། འབྲུག་གི་རྒྱལ་བརྒྱུད་བརྗེས་ནས་དམངས་གཙོའི་ལམ་ལ་འགྲོ བོད་གཞུང་ནི་དབུ་མའི་ལམ་དང་དབུ་མའི་ལམ་ཡིན། རྒྱ་རི་དང་རྒྱ་རི་ཡིན། འགྱུར་བ་མེད། མ་རེད་དམ། ཉེ་སྔོན་ཡང་བཀའ་བློན་ཁྲི་བ་རྗེས་མའི་འོས་གཞི་རྙེད་དཀའ་ཚུལ་གྱི་སྐད་ཆ་ཞིག་ཡོད་པ་མ་རེད་དམ། ད་དུང་ལོ་ངོ་མང་པོའི་རིང་ལ་དབུ་མའི་ལམ་དང་དབུ་མའི་ལམ། རྒྱ་རི་དང་རྒྱ་རི་བྱས་ནས་སྡོད་གི་རེད། འགྱུར་བ་ཡོང་གི་མ་རེད། གལ་སྲིད་འགྱུར་བ་ཡོང་དགོས་ན། མགོ་རྟིང་སློག་པའི་འགྱུར་བ་ཞིག་ཡོང་དགོས་པ་རེད། ངའི་འདོད་ཐོག་ན་འགྲོ་ན། རྒྱ་རི་ཡང་རྒས་ཡོལ་ལ་སོང་ན་ཆོག རྒྱ་རིའི་ལས་ཁུངས་དེ་ཚོ་ཡང་བོད་གཞུང་ལ་རྩིས་སྤྲོད་བྱས་ན་ཆོག བཀའ་བློན་ཚོ་ཡང་གཞོན་སྐྱེས་ཤ་སྟག་ཡོང་ན་ཆོག རྒྱ་གར་དུ་སྡོད་པའི་བོད་མི་ཡོངས་རྫོགས་རྒྱ་གར་གྱི་མི་སེར་བཟོས་ན་ཆོག བལ་ཡུལ་དང་འབྲུག་ཡུལ་ལ་ཡང་དེ་ལྟར་ཡིན། རྡ་རམ་ས་ལའི་ལས་ཁུངས་མང་པོ་སྒོ་བརྒྱབ་ན་ཆོག ཤེས་རིག་དང་ཆོས་དོན།…
དམིགས་བསལ་ཚོགས་ཚེན་ཐེངས་དང་པོ་བསྐོང་ཚོགས་གནང་རྒྱུ
སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་བཀའ་ཕེབས་བཞིན་བཙན་བྱོལ་བོད་མིའི་བཅའ་ཁྲིམས་དོན་ཚན་ང་དགུ་པའི་འོག་དམིགས་བསལ་ཚོགས་ཚེན་ཐེངས་དང་པོ་བསྐོང་ཚོགས་གནང་རྒྱུ་ཐུགས་གཏན་འཁེལ་བ། ཕྱི་ལོ་ ༢༠༠༨ ཟླ་ ༩ ཚེས་ ༡༧ རེས་གཟའ་མིག་དམར། ༄༅། དཔལ་ལྡན་སྐུ་སྒེར་ཡིག་ཚང་བརྒྱུད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་ཕྱི་ལོ་ ༢༠༠༨ ཟླ་ ༩ ཚེས་ ༡༡ ཉིན་དཔལ་ལྡན་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་བགྲེས་གཞོན་དང་བཀའ་ཤག་ལྷན་རྒྱས་ལ་བོད་ནང་ཛ་དྲག་གི་བྱུང་རྐྱེན་དང་། རྒྱལ་སྤྱིའི་གནས་བབ་བཅས་བོད་ཀྱི་རྩ་དོན་ཐོག་གོ་བསྡུར་བགྲོ་གླེང་ཞིབ་ལྷོད་ཅིག་གནང་ཆེད་བཙན་བྱོལ་བོད་མིའི་བཅའ་ཁྲིམས་དོན་ཚན་ ༥༩ ནང་གསེས་ཁག་གི་ཆ་རྐྱེན་འོག་དམིགས་བསལ་ཚོགས་ཆེན་ཞིག་འདི་ལོའི་ཕྱི་ཟླ་ ༡༡ དང་ ༡༢ གང་རུང་ནང་བསྡུ་བསྐོང་དགོས་རྒྱུ་དང་། ཚོགས་མི་དང་ཚོགས་དུས་གཉིས་ཀྱི་འཆར་གཞི་གང་མྱུང་བཀོད་ནས་སྙན་འབུལ་ཞུ་དགོས་ཞེས་འཁོད་པའི་བཀའ་སྤྱི་ཕེབས་ཡོད་པ་བཞིན། སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དྲུག་པ་ཚོགས་བཞིན་པའི་སྐབས་དང་བསྟུན་བཙན་བྱོལ་བོད་གཞུང་བཀའ་ཤག་ནས་ཚོགས་དུས་ཉིན་བདུན་པ་ཕྱི་ལོ་ ༢༠༠༨ ཟླ་ ༩ ཚེས་ ༡༥ རེས་གཟའ་ཟླ་བ་ཉིན་བཙན་བྱོལ་བོད་མིའི་བཅའ་ཁྲིམས་ ༥༩ འོག་དམིགས་བསལ་ཚོགས་ཆེན་ཐེངས་དང་པོ་ཞེས་པའི་ཚོགས་ཆེན་བསྡུ་བསྐོང་གནང་རྒྱུའི་ལས་རིམ་གྲོས་འཆར་ཞིག་ཕུལ་ཡོད་པ་རེད། ?? ? གྲོས་ཚོགས་ནང་བཀའ་སྤྱི་གཉིས་ནས་ཕུལ་བའི་ཚོགས་འདུའི་ལས་རིམ་གྱི་གྲོས་འཆར་ལ་གོ་བསྡུར་སྦྱང་བཤད་གནང་བའི་མཐར་ཚོགས་འདུའི་མིང་། བཙན་བྱོལ་བོད་མིའི་བཅའ་ཁྲིམས་དོན་ཚན་ང་དགུ་པའི་འོག་དམིགས་བསལ་ཚོགས་ཆེན་ཐེངས་དང་པོ་ཕྱི་ལོ་ ༢༠༠༨ ཅེས་དང་། ཚོགས་དུས། ཕྱི་ལོ་ ༢༠༠༨ ཟླ་ ༡༡ ཚེས་ ༡༧ རེས་གཟའ་ཟླ་བ་ནས་ཚེས་ ༢༢ སྤེན་པའི་བར་ཉིན་དྲུག་རིང་སྔ་དྲོ་ཆུ་ཚོད་ ༩་༣༠ ནས་ཕྱི་དྲོ་ཆུ་ཚོད་ ༥་༠༠ བར། ཚོགས་ཡུལ་རྡ་སྟེང་བོད་ཁྱིམ་སློབ་གྲྭ། ཚོགས་མིའི་ཡོང་ཁུངས།…
དེ་ལས་མང་བ་། “དམིགས་བསལ་ཚོགས་ཚེན་ཐེངས་དང་པོ་བསྐོང་ཚོགས་གནང་རྒྱུ” »