ཀླུ་སྨྱོན་ཧེ་རུ་ཀའི་རང་མོས་སྙན་ངག་མུ་འགོད།
༡
འོ་དྲི་འཐུལ་བའི་རྨི་ལམ་ཞིག་གི་སྔོན་འགྲོར་བརྟེན་ནས།
སྲིང་ཆུང་མ་ཁྱོད་སྙན་ངག་གི་གནས་ཡུལ་བརྒྱུད།
མེ་ཏོག་དང་ཟླ་འོད་བཞུར་བའི་མཚན་ལྗོངས་སུ།
ཁྱེད་ཀྱི་ཟུར་མིག་ལ་གདུངས་དབྱངས་འཁྱིལ།
གཡང་སྐྱབས་རྒྱལ་གྱིས། ཁ་སང་དེ་རིང་གི་གསར་འགྱུར་ནང་ཨོ་ལིམ་པིག་དང་མཉམ་པའམ་ཡང་ན་ཆེ་བའི་གསར་འགྱུར་ཅིག་ཡོད་པ་ནི་ཇཱོར་ཇི་ཡ་རྒྱལ་ཁབ་ཏུ་ར་ཤི་ཡའི་དམག་དཔུང་སླེབས་པ་དེ་རེད། ཨ་ཁ། ངས་བརྙན་འཕྲིན་ནང་ཇཱོར་ཇི་ཡའི་སྲིད་འཛིན་གྱིས་ཛ་དྲག་གི་གནས་སྟངས་འདིའི་སྐོར་རྒྱལ་སྤྱིའི་སྤྱི་ཚོགས་ལ་འབོད་སྐུལ་བྱེད་བཞིན་འདུག ང་མིག་བཙུམས་པ་ཡིན་ན། ཁོའི་རེ་སྐུལ་དེ་ཚོ་ནི་བོད་མིའི་དབུ་འཁྲིད་ཅིག་གི་ཁ་ནས་ཡོང་བ་དང་གཅིག་པ་གཅིག་རྐྱང་རེད་འདུག འབུ་ཆེས་འབུ་ཆུང་ཟ་བའི་གཏམ་རྒྱུད་འདི་ནི་ང་ཚོ་ལ་གསར་པ་ཞིག་ག་ལ་ཡིན། ༡༩༥༨ ལོར་ང་ཚོ་ཨ་ཆད་ཨུ་ཐུག་གི་སྐབས་དེར་ང་ཚོས་ཀྱང་འདི་འདྲའི་སྡུག་སྐད་བཏོན་ཡོད་པ་རེད། “ང་ཚོ་ནི་ལུང་པ་ཆུང་ཆུང་ཞིག་ཡིན། རཱ་ཤི་ཡ་ནི་དམག་སྟོབས་ཆེན་པོ་ངོམ་གི་འདུག ང་ཚོའི་དམག་གི་སྟོབས་ཤུགས་ཀྱིས་འདང་གི་མི་འདུག ང་ཚོའི་མི་མང་གིས་སྡུག་བསྔལ་མྱངས་གི་འདུག” སྐད་ཆ་འདི་ཚོ་གསར་པ་ཞིག་ཨེ་རེད། ཇཱོར་ཇི་ཡ་རྒྱལ་ཁབ་འདི་ལ་ནི་མི་འབོར་ས་ཡ་ ༤.༤ ཙམ་ཡོད་པ་དང་། ༡༩༢༢ ལོར་ཨུ་རུ་སུ་མཉམ་འབྲེལ་གྱི་ཁོངས་སུ་བཙུད། ༡༩༩༡ ལོར་སླར་ཡང་རང་བཙན་ཐོབ་ཡོད་པ་རེད། ཉེ་ཆར་རཱ་ཤི་ཡའི་དམག་དང་འཛིང་རེས་ཀྱིས་ད་ཆ་བཙན་འཛུལ་བའི་དམག་རྣམས་རང་གི་རྒྱལ་ས་ལ་ཉེ་བཞིན་ཡོད་ཟེར། འཛམ་གླིང་གིས་ཁ་གདངས་ཤིང་མིག་གཅེར་ཏེ་བལྟས། ཨ་རིའི་ཕྱི་སྲིད་དྲུང་ཆེ་དེ་རིང་དེར་སོང་ནས་དམག་མཚམས་འཇོག་པའི་གྲོས་མཐུན་ཞིག་ལ་ས་རྟགས་བརྒྱབ་བཅུག་འདུག་མོད་གང་ཤེས། རྙོག་ཁྲ་འདི་འདྲ་ལ་སུན་པ་ལ། ས་ཁྲའི་ནང་གི་སེར་རྟགས་ཅན་དེ་ཇཱོར་ཇི་ཡའི་རྒྱལ་ཁབ་ཡིན་པ་དང་། ཝི་ཀེ་པི་ཌཱི་ཡ་ནས་བཤུས་པ་ཡིན།
སྤོབས་པ་མཐའ་ཡས། ད་ཡིན་ན་བཤད་རྒྱུ་མང་པོ་ཞིག་འདུག་ཀྱང་ཐོག་མར་གང་གླེང་དགོས་སམ། ཉེ་སྔོན་དྲྭ་གྲོགས་ཡེ་ཤེས་ཡིན་ནམ་གཅིག་གིས་གློག་བརྙན་མཛུབ་དཀྲིས་རྒྱལ་པོའི་Lord of ringsསྐོར་ཅུང་ཙམ་ཞིག་གླེང་འདུག ངས་གློག་བརྙན་དེ་ཐེང་གཅིག་བལྟས་མྱོང༌། གློག་བརྙན་དེས་ངའི་སེམས་པ་ཡོངས་སུ་འཕྲོག་སོང༌། གློག་བརྙན་དེ་འཁྲབ་ཡུལ་ནེའུ་རྫི་ལིན་ཌི་ཡིན་པ་འདྲ། རི་བྲག་གངས་རི། གཙང་པོ་དང་མཚེའུ་ཁོར་ཡུག་གི་བཀོད་པ་ཁོ་ནས་ཀྱང་ཡིད་དབང་འདྲེན་ལ། རང་རེས་རྒྱུད་སྡེའི་ནང་གི་བྱང་ཕྱོགས་ཤམ་བྷ་ལ་དེ་ཡང་དེ་དང་ཆ་འདྲ་བ་རེ་མིན་ནམ་སྙམ་པ་བྱེད། འཆར་ཡན་རྟོག་བཟོའི་སྒྲུང་གི་ནང་དོན་ཡང་ཧ་ཅང་རྒྱ་ཆེན་པོ་ཉམས་འགྱུར་ལྡན་སྟབས་རང་རེའི་གེ་སར་སྒྲུང་གི་གྲུ་གུ་གོ་རྫོང་དང་བདུད་འདུལ་སོགས་ཀྱི་བརྗོད་བྱ་རེ་ཡང་ཡིད་ལམ་དུ་འཆར་བར་བྱེད། དྲྭ་གྲོགས་ཚོའི་ཁྲོད་གློག་བརྙན་འདི་གཟིགས་མྱོང་མཁན་ཡོད་ན་མྱོང་ཚོར་གང་བྱུང་གླེང་རོགས་དང༌།
དེ་རིང་ཡང་པེ་ཅིན་གྱི་བརྙན་འཕྲིན་ལས་ཁུངས་ CCTV ཟེར་བ་དེའི་མདུན་གྱི་ཨོ་ལིམ་པིག་རྩེད་འགྲན་གྱི་སྦྱར་བྱང་ཆེན་པོ་ཞིག་གི་མདུན་དེར། བོད་དོན་རྒྱབ་སྐྱོར་བས་བོད་རང་བཙན་གྱི་འཕྲེད་དར་བསྣར་འདུག ཁོང་ཚོའི་གྲས་ཀྱི་གཉིས་ཁེ་ན་ཌ་ནས་ཡིན་པ་དང་གསུམ་ཨ་མི་རི་ཀ་ནས་རེད་ཟེར། གནས་ཚུལ་ཞིབ་གསལ་གཤམ་གྱི་འབྲེལ་ཐག་ན་འདུག http://www.studentsforafreetibet.org/
ཀླུ་སྨྱོན་ཧེ་རུ་ཀའི་རང་མོས་སྙན་ངག་མུ་འགོད།
༡
འོ་དྲི་འཐུལ་བའི་རྨི་ལམ་ཞིག་གི་སྔོན་འགྲོར་བརྟེན་ནས།
སྲིང་ཆུང་མ་ཁྱོད་སྙན་ངག་གི་གནས་ཡུལ་བརྒྱུད།
མེ་ཏོག་དང་ཟླ་འོད་བཞུར་བའི་མཚན་ལྗོངས་སུ།
ཁྱེད་ཀྱི་ཟུར་མིག་ལ་གདུངས་དབྱངས་འཁྱིལ།