ཆབ་བྲག་ལྷ་མོ་སྐྱབས།
(བོད་ཀྱི་དུས་བབ)འདོན་ཐེངས་༣༤༧ ཐོག་ལ་བཅར་འདྲིར་ལན་འདེབས་གནང་མཁན་སྐུ་ཞབས་ཨེལིཊ་སྤེར་ལིང་གིས་རང་གི་བསམ་ཚུལ་རྣམས་དྲང་མོར་ཞུས་འདུག་པར་ཐུགས་རྗེ་ཆེ་ཞུ། ཡིན་ཡང་ཁོང་གི་ལན་འདེབས་ཁ་ཤས་ཤིག་ཐལ་ཆ་ཤོར་འདུག་པར་གསལ་བཤད་གླེང་མོལ་ཞིག་བྱེད་འདོད་བྱུང༌།
གཅིག ཁོང་གིས། “ད་ལྟ་སྐྱབས་བཅོལ་བོད་གཞུང་གི་སྲིད་བྱུས་དེ་གཅིག་གྱུར་ཡོད་པ་མ་རེད། དེ་སྣ་ཚོགས་པ་ཡིན་་་”ཟེར་བ་མི་བདེན། སྐྱབས་བཅོལ་བོད་གཞུང་གི་སྲིད་བྱུས་དེ་ལམ་དབུ་མ་རང་ཡིན་ལ། སྲིད་བྱུས་འདི་སྔར་ནས་ཡོད་པའི་ྋགོང་ས་མཆོག་གི་དགོངས་གཞི་དེར། ༡༩༩༧ ལོར་མི་དམངས་ཀྱི་མང་མོས་དང་གྲོས་ཚོགས་ཀྱིས་སྤྱི་མོས་ཐག་གཅོད་ཀྱིས་གཏན་འབེབས་བྱས་པ་ནས་འགྱུར་བ་གཏན་ནས་སོང་མེད་པར་ལྷག་པར་ཕྱི་གསལ་ནང་གསལ་གྱིས་ཁྱབ་བསྒྲགས་དང་ལག་ལེན་བྱེད་ཀྱིན་ཡོད་པ་མ་མཐོང་ངམ།