སྐར་ཆེན།
ཉིན་འདི་དག་གི་རིང་ལ་ངས་བོད་ནང་གི་བོད་མིའི་གྱེན་ལངས་ཆེན་མོའི་སྔ་ཕྱིའི་བྱུང་རིམ་དང་གཞིས་ལུས་བོད་མི་ཚོའི་སེམས་འདུན༌། བོད་ནང་གི་བོད་མི་ཚོའི་ལྷག་བསམ་དང་ཞུམ་མེད་ཀྱི་སྙིང་སྟོབས་ལ་གདུང་སེམས་མཉམ་བསྐྱེད་ཀྱི་སླད་དུ་བཙན་བྱོལ་བོད་མི་ཚོའི་ངོས་ནས་་ལས་འགུལ་སྤེལ་སྟངས། བཙན་བྱོལ་བོད་གཞུང་གི་སྲིད་ཇུས་ཀྱི་ཁ་ཕྱོགས། ༧གོང་ས་མཆོག་གི་ཐུགས་རེ་དང་ཁོང་གིས་རྒྱལ་སྤྱིའི་སྤྱི་ཚོགས་ལ་གསལ་འདེབས་གནང་སྟངས། རྒྱ་ནག་གཞུང་གིས་མུ་མཐུད་དུ་བོད་མིར་དྲག་གནོན་བྱེད་སྟངས་དང་བོད་དོན་ཐད་སྲིད་ཇུས་འཛིན་སྟངས། རྒྱའི་ཤེས་ལྡན་མི་སྣ་ཁག་གི་བོད་དོན་ཐད་ཀྱི་བསམ་ཚུལ་དང་དེའི་རྒྱབ་ལྗོངས། རྒྱ་ནག་སྐམ་ས་ཆེན་མོའི་མི་མང་དང་ཕྱི་སྡོད་རྒྱ་མི་དག་གིས་བོད་དོན་ལ་རྣམ་འགྱུར་སྟོན་སྟངས། བོད་ཕྱི་ནང་གི་བརྒྱུད་ལམ་ཁག་གི་བསམ་ཚུལ་དང་ཁ་ཕྱོགས༌། རྒྱལ་སྤྱིའི་ཐོག་གི་ཤེས་ལྡན་མི་སྣ་ཁག་དང་སྲིད་གཞུང་ཁག་གིས་བོད་དོན་ལ་རྣམ་འགྱུར་སྟོན་སྟངས། རྒྱལ་སྤྱིའི་སྤྱི་ཚོགས་ཀྱིས་བོད་དོན་ལ་ངོས་འཛིན་གནང་སྟངས་དང་བོད་དོན་བརྒྱུད་རང་གི་ཕུགས་རེ་དང་གོ་སྐབས་འཚོལ་སྟངས་སོགས་ཕྱོགས་ཚང་མར་ཉན་ཤེས་དང་བསྡུ་ལེན་བྱེད་བཞིན་ཡོད།