རས་པ།
ཁྱོད་ཀྱི་མིག་ཟུང་གིས་སྡུག་བསྔལ་གྱི་ངོ་གདོང་གཅིག་པུར་གཟིགས།
སྐྱོ་སྡུག་གི་འཚོ་བས་འཁོན་པའི་བོད་ཡུལ་ལ།
ཁྱོད་ཀྱི་དངན་པ་རིང་མོས་གཡས་སྐོར་གཡོན་སྐོར་བྱས།
ཏི་སི་གངས་འདབས་ནས་ཆད་ཟིན་པའི་རྨུ་ཐག་མཐུད་པར་བརྩོན།
རྩྭ་ཐང་གི་རླུང་འཚུབ་ཀྱིས་དཔར་བའི།
ཁྱོད་ཀྱི་མིག་ཁའི་གཉེར་མ་གློག་བརྙན་གྱི་བསམ་གཞིག་ལ་འཕོས་ཤིང་།
སྙིང་རྗེ་མེད་པའི་གངས་རི་དཀར་པོའང་།
ལོ་ཤས་སྔོན་ནས་ཁྱོད་ཀྱི་མགོ་ལ་སྤོས།
ཁྱོད་ཀྱིས་དངན་པ་འཐེན་ཞོར་མུ་མཐུད་དུ་འཁུར།
ཏན་ཏན་ཁྱོད་རང་ཐང་ཆད་ཡོད་ངེས།