Archive for the ‘བསམ་ཚུལ།’


རྒྱལ་བ་རིན་པོ་ཆེའི་བོད་ཡིག་དྲ་བ། རིགས་པ་འཚོལ་བ་རྣམས་ཀྱི་འདོད་འཇོ་ཅ་ནེ།

ཤེད་བུ།

ཁ་སང་རིན་པོ་ཆེའི་བོད་ཡིག་དྲ་བ་གསར་བ་བཀྲམས་ཤིང་བརྒྱུད་ལམ་ཚང་མར་དེ་ལུགས་ཀྱི་གནས་ཚུལ་སྒྲོག་གིན་འདུག འདི་ནི་བཀྲ་ཤིས་པའི་གཏམ་ཞིག་རེད། ཡུན་རིང་རེ་སྒུག་གི་གཏམ་ཞིག་ཀྱང་རེད། དོ་སྣང་མེད་པ་དག་གིས་དོ་སྣང་མི་བྱེད་ཀྱང་། དོ་སྣང་མཁན་ཞིག་གི་ངོས་ནས་དྲ་བ་འདིའི་མྱུར་ཚད་དང་བདེ་འཇགས་ཀྱི་ཆ་དེ་ངོས་ཟིན་ཐུབ་པར་མ་ཟད། དྲ་བ་འདི་ཅི་ཞིག་ཡིན་མིན་ལའང་ངེས་ཤེས་ཡོད་པ་ཡིན། སྤྱིར་ན་དྲ་བའི་དུས་རབས་སུ་དྲ་རྒྱ་ཞིག་གི་ལེགས་འགྲུབ་ལ་དེ་ཙམ་གླེང་རིན་མེད་ཀྱང་། དྲ་བ་འདི་ནི་བོད་དང་ཞི་བདེའི་མཚོན་རྟགས་སུ་གྱུར་པའི་རིན་པོ་ཆེའི་གསུང་གི་སྡིངས་ཆ་རེད། བཙན་བྱོལ་བ་ཚོའི་ཆེས་ཆེ་བའི་ (more…)

སྲིད་སྐྱོང་གི་འོས་མི་མདོར་གླེང་།

ཁང་གསར་རྡོ་རྗེ།
 
བཙན་བྱོལ་སྤྱི་ཚོགས་ནང་། ད་ལོ་སྲིད་སྐྱོང་འོས་བསྡུའི་ཐད་དཔྱད་གླེང་བྱེད་མཁན་ཉུང་། ཅུང་ཟད་ཡོད་པ་དག་ཀྱང་སྤུས་ཀ་ཞན། ཁོ་བོ་དྲ་ལམ་དུ་ཐོན་ན། ཚིག་རྩས་གཞན་སྙིང་གཙེ་བས་དྲ་དམག་ཞར་དུ་འབྱུང་། དེ་ལ་འཛེམས་ནས་ད་བར་ཅི་ཡང་མ་བྲིས། ད་ནི་མ་བྲིས་ན། སྟོང་ཆ་ཆགས་འགྲོ་ལ་འགན་མ་ཁུར་བ་ཞིག་ཏུའང་སྣང་བས་ན། འདི་ན་མདོར་ཙམ་ཞིག་གླེང་བར་བྱའོ།།

བཙན་བྱོལ་བོད་མིའི་སྲིད་སྐྱོང་གི་འོས་བསྡུ་འདི་སྤྱི་ཡོངས་ནས་བཤད་ན་ཡག ཡག་པོ་རེད་ཟེར་དོན་ནི། གནད་དོན་གསུམ་གྱི་ཐད་ནས་ཡིན། དང་པོ་ནི་བོད་པ་ (more…)

སྲིད་སྐྱོང་༢༠༢༡ ནི་ཇི་འདྲ་ཞིག་ཡིན་དགོས་སམ།

རྡོ་སྦིས་ཀླུ་རྒྱལ་དོན་འགྲུབ།
 
བཙན་བྱོལ་བོད་གཞུང་ནས་དབུས་བོད་མིའི་སྒྲིག་འཛུགས་བར་གྱི་ལངས་ཕྱོགས་དང་བསམ་བློ། ཆབ་སྲིད་ཀྱི་གོ་རྟོགས། མི་མང་གིས་འགན་ལེན་སྟངས་སོགས་ནི་བོད་ཀྱི་སྤྱི་ཚོགས་དམངས་གཙོ་ལམ་དུ་སོང་བའི་སློབ་གསོ་དང་ཉམས་མྱོང་ཡིན། ང་ཚོས་འདི་ལྟར་བཙལ་བྱོལ་བའི་སྒྲིག་འཛུགས་དང་དེའི་སྒྲོམ་གཞི། ཁྱབ་ཚད་སོགས་ལ་ཕྱི་མིག་ཅིག་ལྟ་དུས། ༧གོང་ས་ལྷ་མིའི་རྣམ་འདྲེན་རྒྱལ་དབང་ཐམས་ཅད་མཁྱེན་པ་མཆོག་གིས་བགྲང་བྱ་དྲུག་བཅུ་ལྷག་ཅིག་ལ་བྱམས་ཞིང་བརྩེ་བས་སྐྱོང་བའི་བཙན་བྱོལ་བོད་མིའི་སྒྲིག་འཛུགས་ནི་ས་སྒང་འདིའི་སྒང་གི་ཟིན་ཐོ་གསར་བ་ཞིག་ཡིན་པ་སྨོས་མེད་རེད། (more…)

རྗེས་ལོ་ ༢༠༢༡ ལོའི་སྲིད་སྐྱོང་ལ་བུད་མེད་སླེབ་དགོས་པའི་རྒྱབ་ལྗོངས་ཚན་པ་གཉིས་པ།

གཞུང་པ་ཚེ་དབང་བསོད་ནམས་།
 
དང་པོ་ དུས་ཀྱི་འཕོ་འགྱུར་དང་ སྤྱི་ཚོགས་ཀྱི་འཕེལ་རིམ་ རྒྱལ་སྤྱིའི་གནས་བབ་ བོད་རྒྱའི་འབྲེལ་ལམ་ དབུ་མའི་ལམ་གྱི་དགོས་འདུན་ བཙན་བྱོལ་བོད་མིའི་ཆིག་སྒྲིལ་ ཕོ་མོ་འདྲ་མཉམ་གྱི་འགན་ཁུར་སོགས་ལ་ང་ཚོའི་འགན་ཁུར་ནས་བུད་མེད་སྲིད་སྐྱོང་ལ་སླེབ་དགོས་པ།

གཉིས་པ་ འདས་པའི་བཙན་བྱོལ་སྤྱི་ཚོགས་ནང་བཀའ་ཁྲི་འམ་སྲིད་སྐྱོང་ལ་སྐྱ་སེར་གཉིས་ནས་འགན་ཁུར་བཞེས་ནས་བཙན་བྱོལ་བོད་མིའི་ཆིག་སྒྲིལ་དང་སྒྲིག་འཛུགས་ཀྱི་ལས་དོན་ཁག་ལ་བཟང་ངན་གྱི་སྒྲུབ་འབྲས་གང་བྱུང་བ་དེ་བཙན་བྱོལ་ (more…)

སྐུ་ངོ་འབྲོང་ཆུང་ལ་རྒྱབ་སྐྱོར་བའི་ཁོངས་ནས་ཕྱིར་འཐེན། ད་དུང་འབོད་སྐུལ།

དམུ་དར་རྒྱས།
 
ཁ་སང་ང་དང་འཐབ་གྲོགས་ཁག་ཅིག་གིས་གླེང་མོལ་མང་ཙམ་བྱས། དེ་དུས་ངས་རང་ཉིད་སྐུ་ངོ་འབྲོང་ཆུང་ལ་འོས་ཤོག་གི་རྒྱབ་སྐྱོར་བའི་གྲས་ནས་ཕྱིར་འཐེན་བྱེད་ཀི་ཡིན་ལབ་ཡིན། ཁག་ཅིག་གིས་བསམ་ཤེས་བྱེད་ཀི་འདུག འགས་ཁྱེད་རང་ལ་རང་ཚུགས་མི་འདུག བྱབ་སྐྱེལ་མཁན་རེད་ཟེར་གི་འདུག དེ་རིང་ངས་ཁོང་ཚོ་ལ། ངའི་རང་ཚུགས་ཤོར་སྟངས་དང་བྱབ་སྐྱེལ་སྟངས་ཞུ་གི་ཡིན། རྩོམ་ཡིག་འདི་ཀློག་མཁན་གཞན་ཚོ་དབུགས་རླུང་སྟོད་ལ་འཚང་བ་སོགས་མ་གནང་ཨ།

འཐབ་གྲོགས་ཚོ། ཁ་སང་བཤད་པ་བཞིན་ཡིན། རིང་ཙམ་ (more…)

སེར་མོ་བ་ཚོ་ཆོལ་ཁའི་སྤྱི་འཐུས་སུ་མ་བཞེངས་རོགས།

ནམ་མཁའ།
 
ཁ་སང་དེ་རིང་སྲིད་སྤྱིའི་འོས་བསྡུ་སླེབས་ལ་ཉེ་པས། སྤྱི་འཐུས་བཞེངས་མཁན་ནི་སེར་སྐྱ་གཉིས་ཀ་གྲོག་མ་དམར་ནག་གི་ཚང་བརྡོལ་བ་ལྟ་བུ་ཞིག་རེད། སྤྱིར་བཏང་བཤད་ན་དགའ་འོས་བའི་གནས་ཞིག་རེད་ཟེར་ན་ཆོག་མོད། འོན་ཀྱང་སེར་མོ་འདི་འདྲའི་མང་པོ་ཞིག་ཆོལ་ཁའི་སྤྱི་འཐུས་སུ་བཞེངས་མཁན་སླེབས་དུས། འདས་མ་ད་གསུམ་ལ་བསམ་བློ་བཏང་སྟེ་ཡིག་འབྲུ་འགའི་དྲ་གྲོགས་མང་པོ་ཞིག་གི་རྣ་དབང་མི་རྡུང་ཐབས་མེད་རེད། སྤྱིར་བཏང་སེར་མོ་ཚོ་ཆབ་སྲིད་ཀྱི་ཕྱོགས་ལ་དོ་སྣང་བྱེད་པ་འདི་ཡག་པོ་མ་རེད་ཟེར་གྱི་མེད་ལ། ཁྱེད་རང་ཚོ་ཆབ་སྲིད་ཀྱི་གཞུང་ལམ་སྟེང་བསྐྱོད་ཆོག་གི་མ་རེད་ཅེས་བཤད་པའི་ཐོབ་ཐང་ཡང་ང་ལ་མེད་ལ་ (more…)

ང་དང་། བཀའ་ཟུར་འབྲོང་ཆུང་དངོས་གྲུབ་ལགས་མཉམ་གཤིབས་ཀྱི་ལོ་ངོ་༥༧

བོད་མིའི་སྒྲིག་འཛུགས་ཀྱི་ཁྲིམས་ཞིབ་པ་ཟུར་པ་འབུམ་རམས་པ་ངག་དབང་རབ་རྒྱས་ལགས་ཀྱིས་གསུངས། བདེ་སྐྱིད་ཀྱིས་ཡིག་ཐོག་ལ་ཕབ།

(ཁྱད་ཡོན་དྲུག་དང་ལྡན་པའི་སྲིད་སྐྱོང་འོས་མི་བཀའ་ཟུར་འབྲོང་ཆུང་དངོས་གྲུབ་ལ་རྒྱབ་སྐྱོར་ཞུ།)

དེང་སྐབས་ང་ཚོའི་སྤྱི་ཚོགས་ནང་ལ་ ༢༠༢༡ ལོའི་སྲིད་སྐྱོང་དང་། སྤྱི་འཐུས་འོས་བསྡུའི་བགྲོ་གླེང་དང་། ཁྱབ་བསྒྲགས། གཏམ་བཤད་ལ་སོགས་པའི་ལས་འགུལ་སྣ་ཚོགས་ཤིག་ཚ་ཚ་འུར་འུར་ཐོག་སྤེལ་བཞིན་འདུག ཚང་མས་མཁྱེན་གསལ་ལྟར་ (more…)

དེ་རིང་ཨ་རིའི་མང་གཙོ་དབུཊ་ལྒང་སྟེང་ན་ཡོད།

བཞག་ལྡོམ་ལྗང་ལོ། 
 
ཨ་རི་ཞེས་བའི་མངའ་སྡེ་སྤྱི་མཐུན་རྒྱལ་ཁབ་དེ་ནི་སྤྱི་ལོ་༡༧༧༦ལོའི་ཟླ་བ་༧་ཚེས་༤་ལ་དབྱིན་ཇིའི་འོག་ནས་རང་བཙན་རྩ་ཚིག་བསྒྲགས་པ་ནས་དེ་རིང་བར་ལོ་ངོ་༢༤༤ སོང་ཡོད་ལ། ལོ་ངོ་དེ་རྣམས་ཀྱི་རིང་ལ་དབུས་གཞུང་ལས་དམངས་གཙོ་བ་ཡང་། དམངས་ལས་མང་བ་གཙོ་བོ་བཟུང་སྟེ་མང་གཙོའི་ལམ་ལུགས་སུ་སོང་ཡོད་པ་ཡང་། མང་གཙོའི་ལམ་ལུགས་ལ་བརྟེན་ནས་མི་མང་ལ་སྨྲ་བརྗོད་རང་དབང་ཡང་། གསར་འགོད་རང་དབང་། སེམས་ཀྱི་དད་མོས་རང་དབང་། ཆབ་སྲིད་འོས་བསྡུ་རང་དབང་སོགས་ཀྱི་ཐོབ་ཐང་ཐུན་མོང་གིས་ལོངས་སྤྱོད་ཡུལ་བྱས་ཤིང། ཐུན་མོང་ལ་བདག་པའི་རང་དབང་ལ་བརྟེན་ནས། མི་མང་གིས་འོས་ཤོག་ལམ་ནས (more…)

འོས་ཤོག་བརྒྱ་ཆ་༦༠ ལྷག་ཐོབ་པ་ཡིན་ཚེ་དངོས་གཞི་འོས་བསྡུ་བྱ་མི་དགོས་པར་སྲིད་སྐྱོང་ཀྱི་རྒྱལ་ཁ་ཐོབ་པའི་གསལ་བསྒྲགས་བྱ་རྒྱུ།

བསོད་ནམས་སྟོབས་རྒྱལ།
 
དེ་ཡང་སྤྱི་ཟླ་༩་བའི་ཚེས་༢༧་ཉིན་བཞུགས་སྒར་རྡ་རམ་ས་ལར་ཚོགས་བཞིན་པའི་བོད་མི་དམངས་སྤྱི་འཐུས་སྐབས་༡༦ པའི་ཚོགས་འདུའི་ཐོག་མ་འོངས་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་གི་སྔོན་འགྲོའི་འོས་བསྡུའི་སྐབས་སྲིད་སྐྱོང་འོས་མི་གང་ཞིག་ལ་འོས་ཤོག་བརྒྱ་ཆ་༦༠ ལྷག་ཐོབ་པ་ཡིན་ཚེ་དངོས་གཞི་འོས་བསྡུ་བྱ་མི་དགོས་པར་སྲིད་སྐྱོང་ཀྱི་རྒྱལ་ཁ་ཐོབ་པའི་གསལ་བསྒྲགས་བྱ་རྒྱུའི་འོས་བསྡུའི་སྒྲིག་གཞི་གཏན་འབེབས་གནང་ཡོད་པ་རེད་ཅེས། སྒྲིག་གཞི་འདིའི་ལམ་ནས་༢༠༢༡ སྲིད་སྐྱོང་འོས་བསྡུའི་ཐོག་བསམ་བསྡུར་ཞུ་བྱ་ཞིག་འདུག་པ་ནི་ (more…)

འབྲོང་ཆུང་གི་རྒྱབ་སྐྱོར་བ་ཞིག་གི་རྒྱབ་མདུན།

ཨ་དགའ་ཁྲོ་ཐུང་།
 
མདོ་སྨད་སྤྱི་ཟུར་ལྷ་མོ་སྐྱབས་ལགས་ནས་འབྲོང་ཆུང་ལ་རྒྱབ་སྐྱོར་གྱི་གཏམ་བཤད་བརྙན་ཐུང་ཞིག་མཐོང་སོང་། སྲིད་སྐྱོང་འོས་མི་སུ་ལ་རྒྱབ་སྐྱོར་བྱེད་མིན་སོ་སོའི་འདོད་པ་རེད། རྒྱབ་སྐྱོར་སུ་ལ་བྱེད་འདོད་ན་དེའི་ཐུན་མིན་ཁྱད་ཆོས་གླེང་ཆོག་གི་རེད། མི་རེ་རེ་ལ་སྲིད་སྐྱོང་འོས་མི་བྱེ་བྲག་པ་རེ་རེ་ལ་རྒྱབ་སྐྱོར་བྱེད་དགོས་པའི་དམིགས་ཡུལ་མི་འདྲ་བ་རེ་ཡང་ཡོད་ཆོག་གི་རེད། མདོ་སྨད་པ་ཞིག་ཡིན་ན་སྤེན་ཚེའི་ཕྱོགས་སུ་ལངས་དགོས་པའི་རྒྱུ་མཚན་གང་ཡང་མེད། ཡིན་ན་ཡང་། མདོ་སྨད་སྤྱི་ཟུར་ཞིག་གིས་མདོ་སྨད་མི་མང་ལ་མགོ་སྐོར་བཏང་ན་ངས་བཟོད་སྒོམ་བྱེད་མི་ཐུབ། མགོ་སྐོར་གཏོང་བ་ནི་སྤྱིར་བཏང་གི་མི་ཞིག་གི་རྩ་བའི་ཡ་རབས་བཟང་སྤྱོད་དང་ (more…)

སྲིད་འཛིན་ཊོམ་ཕི་ད་དུང་ཕམ་མེད་ལ། དུས་ནམ་ཡང་ཕམ་མི་སྲིད།

རྭ་འཕྲིན། ༼ ཨ་རི། ༽
 
དེ་རིང་ཁ་སང་ཨ་རིའི་སྲིད་འཛིན་ལ་མི་འོས་པའི་འོས་མི་ཇོ་བྷེ་ཌིན་ཐོབ་སོང་ཞེས་སྐད་ངན་ཞིག་ས་ཁྱབ་གནམ་ཁྱབ་བྱེད་བཞིན་པའི་སྐབས་ཤིག་རེད། སྤྱིར་ཡིན་ན་ཐེངས་འདིའི་ཨ་རིའི་སྲིད་འཛིན་སྐོར་ལ་རྩོམ་ཡིག་གསུམ་འབྲི་ཁུལ་བྱས་ཟིན་མོད། ཡང་ཁ་སང་རྒྱ་ནག་གི་མག་པ་བཟང་པོ Mitch McConnell ལགས་ཀྱིས་གསལ་བསྒྲགས་དང་འབྲེལ་བའི་སྐད་ཆ་ཁ་ཤས་ཤིག་བཤད་ན་འདོད།

Mitch McConnell ཟེར་བའི་རྒད་པོ་འདིའི་ལུང་ལོ་རྒྱུས་མདོར་བསྡུས་ཤིག་གླེང་ན། སྤྱིར་རྒད་པོ་འདི་ཨ་རིའི་སྤྱི་མཐུན་རིང་ལུགས་པའི་ཕྱོགས་ཁག་རེད། (more…)

འུ་ག་ཚོད་ཐུག་ཀྱང་། རྫུན་བཤད་ན་ཡོང་ཡ་མེད།

བསྟན་འཛིན།
 
ལྡི་ལི་སྐུ་ཚབ་དོན་གཅོད་བཀའ་ཟུར་འབྲོང་ཆུང་དངོས་གྲུབ་མཆོག བཅའ་ཁྲིམས་དང་སྒྲིག་གཞི་ཁག་སྤྱན་གྱི་འབྲས་བུ་ལྟར་སྲུང་མཁན་ཞིག་ཡིན་པས། ང་ཚོའི་འོས་བསྡུའི་ཐུན་མིན་རིང་ལུགས་དང་མཐུན་པར་ཕེབས་ཀྱི་ཡོད་པ་ལས། འོས་བསྡུའི་ལམ་སྲོལ་ནང་གཞན་གྱི་ངན་གོམས་ཚུར་བླངས་པ་ལས་མ་དག་རྒྱུན་འབྱམས་ལྟ་བུས་དྭང་བླངས་པ་ཚོར་”སྔོན་འགྲོའི་འོས་མི་”ཞེས་བོས་ཏེ། མདོ་དོན་དྭང་བླངས་ཐོན་ལུགས་མེད་པ། དྭང་བླངས་ཐོན་ན་དགེ་ཕན་མེད་པ། དྭང་བླངས་ཐོན་མི་དགོས་པ། སྔོན་འགྲོ་ནི་མི་མང་རང་གི་ཕྱག་ཏུ་འཇོག་དགོས་པ་ཞིག་ཡིན་པ་སྒྲིག་གཞིའི་ཟིན་བྲིས་འདེབས་སྐབས་ནས་༸རླབས་ཆེན་དགོངས་གཞི་ཇི་བཞིན་ (more…)

ཕྱོགས་གཏོགས་དང་། འགོ་འདྲེན། སྐབས་ཚོལ། གྲལ་རིམ་དམངས་གཙོ་ལ་འགན་ཁུར་ནས་ཆོལ་གསུམ་བོད་མིའི་ཆིག་སྒྲིལ་ལ་ཉམས་ཆགས་ནམ་ཡང་གཏོང་མི་ཉན།

གཞུང་པ་ཚེ་དབང་བསོད་ནམས།
 
དེང་སྐབས་རང་རེ་བཙན་བྱོལ་སྤྱི་ཚོགས་ནང་སྲིད་སྤྱིའི་འོས་བསྡུ་སླེབ་ལ་ཉེ་བའི་སྐབས་འདིར་སྔོན་འགྲོའི་འོས་བསྡུ་མི་མང་ནས་མ་གནང་སྔོན་དུ་གཞུང་ཞབས་ཟུར་པ་ཡིན་ཟེར་མཁན་དང་། སྤྱི་ཟུར་ཡིན་ཟེར་མཁན། ཆབ་སྲིད་བརྩོན་ཟུར་ཡིན་ཟེར་མཁན་སོགས་མི་སྣ་ཁག་གཅིག་ནས་ཕྱོགས་གཏོགས་དང་། འགོ་འདྲེན། སྐབས་ཚོལ། གྲལ་རིམ་དམངས་གཙོ་ལ་འགན་ཁུར་ནས་རང་གི་འདོད་ཕྱོགས་ཀྱི་མི་སྣ་སྲིད་སྐྱོང་གི་འོས་མིར་གསལ་བསྒྲགས་དང་རྒྱབ་སྐྱོར་སོགས་ངོ་དེབ་དང་དྲ་ལམ་ནང་ཁྱབ་སྤེལ་བྱེད་བཞིན་པ་དེ་དག་གཞི་རིམ་འོས་འཕེན་རྒྱ་ཆེ་ (more…)

སྐུ་ངོ་ཐུབ་བསྟན་ལུང་རིགས་ཀྱིས་ག་རེ་གསུང་གི་ཡོད་ལེ་རེད།

ཨུ་རྒྱན་སྟོབས་རྒྱས་ནས།
 
དེ་རུང་སྤྱི་ཚོགས་དྲ་ལམ་ཁག་ཏུ། བོད་མིའི་སྒྲིག་འཛུགས་ཀྱི་བཀའ་ཟུར་དང་།  སྤྱི་འཐུས་ཚོགས་གཙོ་གཞོན་ཟུར་པ་ཐུབ་བསྟན་ལུང་རིགས་མཆོག་གིས།  བཀའ་ཟུར་འབྲོང་ཆུང་དངོས་གྲུབ་ལགས་ ༢༠༢༡ ལོའི་སྲིད་སྐྱོང་དུ་རྒྱབ་སྐྱོར་གནང་དགོས་པའི་གནས་ལུགས་རྒྱུ་མཚན་གང་ཡིན་པ་དང་།  འབྲོང་ཆུང་དངོས་གྲུབ་ལགས་ཀྱིས་ ༢༠༡༦ ལོར་བདེ་སྲུང་བཀའ་བློན་ནས་དགོངས་ཞུ་གནང་བ་དང་འབྲེལ་བའི་སྐོར་གསུང་པའི་སྒྲ་སྒམ་ཟེར་བ་ཞིག་བཀྲམ་གདའ། 

དེའི་ནང་། ཐུབ་བསྟན་ལུང་རིགས་ཀྱིས་སྐུ་ངོ་འབྲོང་ཆུང་ (more…)

ཤེས་ཡོན་པས་འོས་མི་ལས་མི་མང་ལ་འགན་ཁུར་ན་འགྲིག

ཁ་བའི་སྒྲོལ་མ་དཀར་མོ།
 

༡༽ རྣམ་ཀུན་གྱི་བསམ་བློ་འཛིན་སྟངས་ཤིག

མི་ཚད་ལྡན་ཞིག་བྱ་ན། ཤེས་ཡོན་པ་ལ་ཚད་བརྒལ་གྱི་སྡིགས་དམོད་བྱ་མི་རུང་། ཆབ་སྲིད་པར་ཚད་བརྒལ་གྱི་བསྟོད་པ་བྱེད་མི་རུང་། དེ་གཉིས་ཀྱི་རྗེས་སུ་འགྱོད་པ་ཡོང་བ་མ་ཟད། རང་ཚིག་བླ་རྩ་མེད་པར་འགྱུར་སྲིད། ཤེས་ཡོན་པའི་ཐལ་སྤྱོད་ཀྱི་རྒྱབ་ཏུ་བདེན་དོན་གྱི་ཞལ་རས་ཡོད་ལ། ཆབ་སྲིད་པའི་བཟང་སྤྱོད་ཀྱི་རྒྱབ་ཏུ་ལྐོག་ཇུས་ཀྱི་ངོ་གདོང་ཡོད་པས་སོ། །ཆབ་སྲིད་པས་ལས་ཀ་བཟང་པོ་བརྒྱ་ཡི་རྒྱབ་ཏུ་གནག་ལས་སྟོང་གི་བང་རིམ་བསྒྲིགས་ཡོད་ལ། (more…)

“གཞུང་གི་ཞབས་ཕྱིའི་ས་མིག”ནང་གི་སྲིད་སྐྱོང་འོས་མི།

ཨ་དགའ་ཁྲོ་ཐུང་།
 

1 སྤྱི་བཤད།

སྤྱིར་ན་བོད་པ་ཟེར་བ་འདི་མིག་རྒྱང་ཐུང་ཐུང་རེད། བློ་རྒྱ་ཆུང་ཆུང་ཡིན། ཆབ་དཔལ་རིག་གསུམ་གང་གི་ཆ་ནས་ཡིན་ཡང་ཤེས་བྱ་ཡོན་ཏན་གྱིས་བློ་མ་བསྒྱུར་བའི་གང་ཟག་མང་དྲགས་པས་ནང་ཁུལ་ཕན་ཚུན་ཧ་ཅང་ཕྲག་དོག་ཆེ་ཞིང་དབྱེན་དཀྲུག་རྙོག་འཛིང་གིས་དུས་ཚོད་ཆུད་ཟོས་གཏོང་བཞིན་པའི་མི་རིགས་ཐབས་རྡུགས་ཤིག་ལས་གཞན་ཅི་ཡང་མིན། མི་མང་ལ་སློབ་སྦྱོང་གི་འདུན་པ་ཧ་ཅང་ཞན་ལ། གོ་རྟོགས་དམན་ཞིང་ཕུགས་བསམ་ཆུང་བ་ལ་སོགས་པའི་རྒྱུ་རྐྱེན་དུ་མའི་དབང་གིས། (more…)

གཞུང་ཞབས་ཟུར་པ་བཀྲ་ཤིས་མིང་འཛིན་པས་བཀྲ་ཤིས་རྣམ་རྒྱལ་མིང་ཅན་ལ་བསྡོ་བ།

གཞུང་ཞབས་ཟུར་པ་བཀྲ་ཤིས་མིང་འཛིན་པས།
 
བཀྲ་ཤིས་རྣམ་རྒྱལ་ཟེར་མཁན་ཞིག་གིས། གཞུང་ཞབས་ཟུར་པའི་མིང་འཛིན་བཀྲ་ཤིས་གང་དེའི་དྲུང་དུ་ཞེས་བདག་ལ་ཀླན་འཚོལ་བྱེད་ཁུལ་གྱི་རྩོམ་ཡིག་ཅིག་ཁ་བརྡ་དྲ་རྒྱའི་སྟེང་སྤེལ་འདུག་པ་དེ་གླེང་རིན་མེད་ནའང་། རྐུན་རྒྱབ་ཇག་ལངས་བྱེད་མཁན་ཚོ་སྣང་མེད་དུ་འཇོག་པ་ནི་འཇིག་རྟེན་ཡ་རབས་ཀྱི་ལུགས་དང་འགལ་གྱི་ཡོད་རེད།

འབྲོང་ཆུང་དངོས་གྲུབ་ལགས་ལོ་མང་སྲི་ཞུ་བསྒྲུབས་མྱོང་མཁན་ཞིག་ཡིན་པའི་ཆ་ནས་ཁྲིམས་དང་སྒྲིག་གཞི་འགལ་ཆོག་གི་རེད་ཟེར་གྱི་ཡོད་ན་ནི་ཅི་ཤེས། (more…)

ཤི་གསོན་བྱེ་མའི་ལ་ཁར་འཇིགས་སྣང་ངང་འཚོ་བའི་Trump །

བཞག་ལྡོམ་ལྗང་ལོ། 
 
དམ་པའི་ལྷ་ཆོས་ཀྱི་དབང་དུ་བྱས་ན། འགྲོ་བ་མི་ཤི་བའི་རྗེས་སུ། ཉིན་ཞག་བྱེ་དགུར་བར་དོ་འགྲིམ་དགོས་ཤིང་། ཉིན་ཞག་དེ་རྣམས་ཀྱི་རིང་ལ། འགྲོ་བ་མི་དེ་རྣམས་གསོན་པོའི་སྐབས་སུ་དགེ་སྡིག་གི་ལས་གང་ཞིག་བྱས་བ་དེ་དག་ཡིད་ལ་དྲན་པ་དང་། དྲན་པ་དེ་ལ་བརྟེན་ནས་ལེགས་པའི་དགེ་བ་མང་ཙམ་བྱས་པ་ཚོའི། རྣམ་ཤེས་བག་ཕེབས་པོ་ངང་འཇིགས་སྣང་ཉུང་ཞིང། རིམ་གྱིས་འགྲོ་བ་རིགས་དྲུག་ལས། བཟང་བའི་ལུས་རྟེན་དུ་ཡང་སྐྱར་སྐྱེ་བ་ལེན་པ་དང་། ཡང་ཕྱོགས་གཞན་ནས་བཤད་ན། མི་དགེ་བའི་ལས་མང་ཙམ་བྱས་བའི་འགྲོ་བ་མིའི་རྣམ་ཤེས་སུ། བར་དོ་ནས་འཇིགས་སྣང་སྣ་ཚོགས་སྐྱེ་བཞིན་དམྱལ་ཁམས་བཅོ་བརྒྱད་ལས། སྡུག་བསྔལ་འཛད་མཐའ་བྲལ་བ་མྱོང་དགོས་རབ་གསུང་བ་ལྟར། དེ་རིང་ཊམ་ལ་མཚོན་ན་ཆབ་སྲིད་ཀྱི་ (more…)

གཟུ་དཔང་ཞིག་གི་གདུང་འབོད།

ཅོག་རོང་བ།

པར་ནི་ད་ལོར་ང་ཚོའི་ས་ཁུལ་གྱི་མི་མང་གིས་སྔོན་འགྲོ་དང་དངོས་གཞིའི་འོསཤོག་འཕེན་ས་ཡིན་སྲིད་པའི་ས་ཆའི་དེ་རིང་གི་རྣམ་པ་ཡིན།

ད་བར་ཨ་རི་དང་ཡུ་རོབ་སོགས་སུ་ཏོག་དབྱིབས་ནད་ཡམས་ཀྱི་གནས་སྟངས་ཛ་དྲག་དང་ཇེ་ཐུ་རུ་གྱུར་བས་གང་སར་མི་ཚོགས་འདུ་འཛོམས་བཀག་འགོག་ནན་མོ་བྱེད་བཞིན་ཡོད། གནས་བབ་འདིས་ས་ཁུལ་དེ་དག་གི་བོད་མི་རྣམས་ཀྱིས་སྲིད་སྤྱིའི་འོས་ཤོག་འཕེན་པར་དཀའ་ངལ་རབ་དང་རིམ་པ་བཟོས། འོས་ཤོག་ (more…)

དཔེ་ཀློག་གི་ལས་དབང་འགྱུར་ནུས།

རྔ་བ་ཀུན་བཟང་།
 
གཏམ་འདི་ང་རང་ཉིད་ལ་མཚོན་ནས་བཤད་ན། ཆུང་བྱིས་པའི་དུས་ནས་འབྲོག་པའི་རྩྭ་ཐང་ནས་འཚར་ལོངས་བྱུང་བའི་འབྲོག་ཕྲུག་ཞིག་ཡིན། སྐབས་དེ་དུས། སློབ་གྲྭ་ནི་ངའི་རྨི་ལམ་ཀྱི་ཞིང་ཁམས་ལ་ཡང་འཁོར་མ་མྱོང་ལ། དཔེ་ཀློག་གི་འདུ་ཤེས་དང་རིན་ཐང་ག་ལ་རྟོགས། ད་དུང་།དཔེ་ཀློག་གིས་ལས་དབང་འགྱུར་ནུས་པའི་ཡིད་ཚད་དང་རེ་བ་ཞིག་གང་ནས་ཡོད། ཐ་ན་ཀ་ཁ་ཙམ་ཡང་ཀློག་མི་ཤེས། འབྲོག་མོ་ང་ནི། དབྱར་ཟླ་གསུམ་ཀྱི་ཆར་ཆུ་དང་། དགུན་ཟླ་གསུམ་ཀྱི་གྲང་ངར། སྟོན་ཟླ་གསུམ་ཡི་ཕྱུགས་རྫི་བྱས་ནས་རྙེད་དཀའ་བའི་བྱིས་པའི་ལོ་ཟླ་ཡོད་ཚད་རྟ་ནོར་ལུག་གསུམ་དང་འགྲོགས་ནས་འདས། ད་དུང་དབྱར་ཁ་སླེབས་དུས། ཚ་གདུང་ཆེ་བའི་རྫ་རི་དང་སྤང་རི་བརྒྱུད་ནས་དབྱར་རྩྭ་དགུན་འབུ་སོགས་བརྐོད་ཏུ་སོང་དུས། རང་ཉིད་ཀྱི་སེམས་ལ་ (more…)