Archive for the ‘སྣ་ཚོགས།’


པུཥྤ་ཧ་རི་བཙལ་བ།

སྐྱོ་བྲག་དགའ་དབང་།

མར་པ་ལོ་ཙཱ་བས། པཎ་ཆེན་ནཱ་རོའི་དྲུང་ནས། བླ་མེད་རྒྱུད་སྡེ་རྒྱ་མཚོའི་དབང་ལུང་མན་ངག་ཞུས་པའི་གནས། པུཥྤ་ཧ་རི་ནི། ལོ་རྒྱུས་ཀྱི་ཡིག་ཆ་མང་པོ་ཞིག་ནས། ཁ་ཆེའི་ཡུལ་ལམ། ཀ་ཤི་མིར་གྱི་གྲོང་ཁྱེར་ཤྲཱི་ནཱ་གར་གྱི་བྱང་དུ་ཡོད་པར་བཤད་པ་མཇལ་སྐོར་ཆེད། གྲོགས་རྒྱལ་མཚན་བསོད་ནམས་ཀྱི་ལྷན། བོད་རབ་བྱུང་བཅུ་བདུན་པའི་ས་ཕག་ནག་པ་ཟླ་བའི་ཡར་ཚེས་བཅུ་བཞི་ཉིན། དིལླི་ནས་མཁའ་ལམ་བརྒྱུད་དེ་འགྲོ་བ་ན། སྤྱིར་ཀ་ཤི་མིར་ནི་ཁ་ཆེའི་ཆོས་ལུགས་ཀྱི་ལུང་པ། རྙོག་རྫིང་ཆེ་ཞིང་ནང་པ་ལ་བལྟ་ཚུལ་ཡག་པོ་རང་མེད་དེ་སྲོག་ཉེན་ཀྱང་ཡོད་ཕྱིར།སྐྱ་ཆས་ཡག་ཐག་ཆོད་རེ་གྱོན་ཏེ་སོང་བ་ཡིན།

ས་གནས་སུ་བསླེབས་ནས་རྩད་འཚོལ་བགྱིས་པ་ན། ཤྲཱི་ན་གར་གྲོང་ (more…)

རྒྱ་གར་གློག་བརྙན་(Amar Prem) འཆི་མེད་བརྩེ་དུངས་ཞེས་པའི་གླུ་ཞིག །

པདྨ་ཚེ་དབང་ཤཱསྟྲིས།

Kuchh to log kahenge,
Logo kaa kaam hai kahnaa
Chhodo bekaar ke baton mein,
Kahee beet na jaye rainaa

མི་ཚོས་ཅི་ཡང་གླེང་གི་རེད།
གླེང་རྒྱུ་མི་ཚོའི་ལས་ཀ་རེད།
ཆོད་མེད་གཏམ་ལ་མགོ་འཁོར་ནས།
དུས་ཚོད་བཏང་ན་དོན་མེད་རེད། (more…)

ཡབ་ཀྱིས་བུ་མོར་སྤྲིངས་པའི་འཕྲིན་ཞེས་པའི་མུ་འབྲེལ་བཀླགས་བྱང་། (26)

རོང་པོ་བློ་བཟང་རིན་ཆེན།

དེ་རིང་རྒྱུ་མཚན་ཅི་ཡིན་ཆ་མ་འཚལ་བར། ཞོགས་པ་ནས་སེམས་པ་སྐྱིད་པོ་རང་མི་འདུག དེའི་རྐྱེན་གྱིས་སྐབས་སུ་བབས་པའི་གཞུང་ཚན་ལའང་ལྟ་འདོད་མེད་པར་གྱུར་ཏེ་དཔེ་ཆའི་ཁ་བརྒྱབ་ནས་དཔེ་སྒྲོམ་དུ་བཞག ལྟ་འདོད་མེད་ཅིང་བཙན་གྱིས་ལྟ་བ་ནི་རང་གིས་རང་ལ་དཀའ་ངལ་སྤྲད་པ་ལས། དགོས་པ་ཏིལ་ཙམ་ཡང་འབྱུང་དཀའ་བས་ཨུ་ཚུགས་ཀྱིས་བརྩོན་པ་བསྟེན་པའི་སེམས་ཤུགས་ང་ལ་མེད། དེ་ནས་ངས་YouTube་ཀྱི་ཁ་ཕྱེས་ནས་ལྟད་མོ་ལ་བལྟས་ཏེ། ཅི་ཡིན་ཆ་མ་འཚལ་བའི་སེམས་ཁམས་སྙི་མོ་དེ་སངས་ཐབས་བྱས།

ཉིན་གུང་ཀུ་ཤུ་རྡོག་གཅིག་དང་། ཆུ་ཚ་ཕོར་གང་གིས་གུང་ཟས་བྱས་ཏེ་གཏི་མུག་གཉིད་ལ་རོལ་མགོ་བརྩམས་ཏེ་རྨི་ལམ་གྱི་ཞིང་དུ་བསྐྱོད། ཡུད་ཙམ་འགོར་རྗེས། (more…)

ངའི་ཕྱི་ལམ། ཉིན་ཐོ་ཅིག་ཕྱིར་དྲན་དུ་བྲིས། ཁག་དང་པོ། 

རྭ་རྒྱ་དཔལ་ལྡན།

ང་རང་ཡུལ་ནས་ཐོག་དང་པོར་ལམ་ལ་ཆས་ཉིན་དེར། ངའི་སྙིང་ནས་བརྩེ་བའི་ཨ་ནེ་ཡིས་བདག་གི་རྐང་མགོར་བལྟས་ནས།
“ཁྱེད་ཀྱིས་ལྷམ་དེ་འདྲ་གསར་པ་ཞིག་ཉོས་ནས་ཅི་བྱེད་བསམ་པ་ཡིན། ཁྱེད་ཀྱི་ཁོག་ལ་གདོན་འདྲ་ཞུགས་དང་བ་མིན་ནམ།” ཟེར་ནས་ནན་འདྲི་བྱེད། ངས་ཕྱིར་འཁོར་ནས།
“ད་དགུན་སླེབས་ལ་ཡོད་པས་ཉོས་པ་ཡིན། དགུན་དུས་དགོན་པའི་རྒྱ་ལྷམ་དེ་ཧ་ཅང་ཆེ་བ་ལས་དྲོལ་དེ་ཙམ་མི་འདུག་ལ། ནང་དུ་ཡོང་སྐབས་ལྷམ་འདི་མོ་གྱོན་ན་འགྲིག་གི་རེད་”ཟེར་ནས་བཤད།
དྲང་མོར་བཤད་ན་དེ་ནི་ང་རང་ཆུང་དུས་ནས་ངོ་ཤེས་པའི་རྒྱ་རྒན་ཚོང་བ་ཞིག་གིས་རིན་གོང་མར་བཀྱགས་ཏེ་རྒྱ་སྒོར་དྲུག་བཅུ་བྱས་བཙོང་བ་རེད། ལྷམ་དེ་འདྲ་ཞིག་མི་ཚེའི་ནང་གྱོན་པ་ཐོག་དང་པོ་ཡིན། སྐབས་དེ་ལ་མཚོན་ན་རིན་གོང་ཡང་ཧ་ཅང་ཆེན་པོ་རེད། (more…)

ཉིན་གཅིག་གི་མཐོང་སྣང་།

རྔ་བ་ཆོས་བྷེ།

(ཉིན་གཅིག་ཅེས་སྨྲས་ན་ཉིན་ཐོག་ཐག་གཅིག་གམ་ཉི་མ་ཧྲིལ་བོ་ཞིག་ལ་གོ་དགོས་པར་མ་ཟད། ཉིན་ཐོ་ཡིན་ནའང་ཉིན་གཅིག་གི་བྱ་གཞག་རྣམས་བྲི་དགོས་པ་ཞིག་ཡིན་པ་ཤས་ཆེ་མོད། ཕྲན་གྱིས་དེ་རིང་འདིར་ཉིན་མ་ཕྱེད་ཀྱི་མཐོང་སྣང་དག་ལས་བྲིས་མེད་པས་ཉིན་གཅིག་ཅེས་བྲིས་པ་ནི་འབྲེལ་མི་ཆགས་ཤིག་ཏུ་སེམས། དེ་བས་བོད་ཀྱི་ཡི་གེ་ལ་དགའ་བ་རྣམས་ལ་ཐོག་མར་དགོངས་སེལ་ཞིག་ཞུ་འདོད་བྱུང་། )

དེ་རིང་ནི་གྲྭ་ཚང་ཚུགས་ཏེ་མི་ལོ་ཧྲིལ་བོ་ཉེར་ལྔ་ལོན་པའི་དུས་ཚུགས་ཁྱད་ལས་ཀྱང་ཁྱད་པར་བ་ཞིག་ཡིན་སྟབས་ཉིན་འདི་ལ་གུང་སེང་བྱས། སློབ་སྦྱོང་བའམ་ཉིན་བཞིན་ཅི་ཞིག་ལ་འབད་འབུངས་བྱེད་མཁན་ཞིག་ལ་མཚོན་ན། དུས་ཡིན་དུས་མིན་གྱི་གུང་སེང་རེ་ཐོབ་པའི་ནི་སྤྲོ་བའི་ཉིན་མོ་ཞིག་ཡིན། ཞོགས་པའི་ཉི་རྩེ་མཐོན་མཐིང་གི་མཁའ་དབྱིབས་སུ་ག་ལེར་ (more…)

ཡབ་ཀྱིས་བུ་མོར་སྤྲིངས་པའི་འཕྲིན་ཞེས་པའི་མུ་འབྲེལ་བཀླགས་བྱང་། (25)

རོང་པོ་བློ་བཟང་རིན་ཆེན།

ཨ་ཕའི་གདོང་གི་གཉེར་རིས་དང་། ཨ་མའི་སྐྲ་འདབ་དཀར་པོ་དེ་འཕྲིན་ལམ་ནས་མཐོང་སྐབས། ངའི་སྙིང་ལ་ཁབ་ཀྱིས་བཙུགས་པ་ལྟ་བུའི་ཚ་གཟེར་རྒྱུགས་པ་ཉུང་ཉུང་ག་ལ་ཡིན། ཁོ་ཚོས་རང་གི་བུ་ཕྲུག་གིས་སློབ་སྦྱོང་བཟང་པོ་ཞིག་བྱེད་བཞིན་ཡོད་སྙམ་ནས་བདག་ལ་རེ་བས་གཟིགས་ཡོད་ནའང་། ངས་ནི་རྣམ་གཡེང་དང་སྒྱིད་ལུག གཉིད་སོགས་གྲོགས་སུ་བརྟེན་ཏེ་ཁོང་ཚོའི་རེ་བ་དང་ངའི་ལག་ལེན་རྒྱབ་འགལ་དུ་གྱུར་བར་སེམས་དུས། བཟོད་མི་ཐུབ་པའི་ཚོར་འདུ་རེས་ངའི་ལུས་སེམས་ཡོངས་རྫོགས་ན་ཟུག་གིས་ཁྱབ་པར་བྱས། རེད་དེ་ཚོར་འདུ་ནི་ཚོར་འདུ་རང་རེད། ཉིན་ཤས་ལ་ཧ་ཅང་སྦྱོང་འདོད་ཀྱིས་བརྩོན་པ་བསྟེན་ཞིང་། རིང་པོར་མི་ཐོགས་པར་ཚོར་འདུ་ཉམས་ཏེ་སྔར་བཞིན་སྒྱིག་ལུག་གི་ཕྱོགས་སུ་བསྐྱོད་པ་ནི་བདག་གི་གཤིས་ངན་གྱི་ཆ་ཞིག་གོ ། གང་ལྟར་སྨྲེ་ངག་བཏོན་པས་ཡོད་ཚད་འགྲིག་འགྲོ་བ་ཞིག་མིན་པས། སྨྲེ་ངག་ (more…)

རྒྱ་གར་གློག་བརྙན་(Karma) ལས་ཀྱི་གླུ་ཞིག

པདྨ་ཚེ་དབང་ཤཱསྟྲིས།

Samay tu dheere dheere chal
Saari duniya chhod de piche
Aage jaaun nikal,
Main to aage jaaun nikal,
Pal pal, ho pal pal
Samay tu dheere dheere chal
དུས་ཚོད་ཁྱོད་ག་ལེར་ག་ལེར་རྒྱུགས།
འཇིག་རྟེན་ཡོངས་རྫོགས་རྒྱབ་ཏུ་བཞག་སྟེ།
མདུན་ལ་རྒྱུགས་ནས་ཐོན་འགྲོ། (more…)

མཐོང་ཐོས་མྱོང་གསུམ་ལས་བྱུང་བའི་འབྲས་སྤུངས་དཔེ་མཛོད་ཀྱི་ངོ་སྤྲོད་མདོར་བསྡུས།

ཀརྨ་བདེ་ལེགས། (རྩོམ་ཁུངས། བཙན་པོ་དྲ་བ།)

དཔེ་རྙིང་གོ་རིམ་སྒྲིག་པ།

ཐོག་མར་གསལ་བཤད་ཞུ་རྒྱུ་ལ། སྤྱིར་འབྲས་སྤུངས་དཔེ་མཛོད་ཁང་དུ་རིན་ཐང་ཆེ་བའི་དཔེ་རྙིང་དཔེ་དཀོན་མང་པོ་ཞིག་བཞུགས་ཡོད་རུང་། དེ་རྣམས་ཀྱི་ཆ་འཕྲིན་དཀར་ཆག་དང་སྤར་བསྐྲུན་གྱི་ལམ་ནས་ཕལ་ཆེ་བ་སྤྱི་ཚོགས་ཐོག་ཕུལ་ཟིན་པས་བསྐྱར་ (more…)

སྐྱག་པ་ལྟ་བུའི་བརྩེ་དུང་།

མི་ཉག་སྐལ་བཟང་།

བརྩེ་དུང་ནི་སྐྱག་པ་ལྟ་བུ་ཞིག་ཡིན་པས། བརྩེ་དུང་ལ་འགྲེལ་བཤད་དང་རྒྱས་བཤད་ཅི་ཡང་མེད་ཅིང་། བརྩེ་དུང་ལ་ལག་འཇུ་བྱེད་མ་མྱོང་བའི་མི་ཞིག་ཆ་མཚོན་ན་བརྩེ་དུང་ཟེར་བ་ནི་བྱིས་སྒྲུང་ཀློག་པ་ལྟ་བུའི་ཚོར་སྣང་ཙམ་ལས་གཞན་གང་ཡང་ཚོར་སྣང་སྟེར་མི་སྲིད། བརྩེ་དུང་ལ་རྒུན་ཆང་ལྟ་བུའི་བྲོ་བ་མེད་ལ། མེ་ཏོག་ལྟ་བུའི་མཛེས་སྡུག་ཀྱང་དེ་བས་མེད། བརྩེ་དུང་ལ་ཟབ་དང་མ་ཟབ་ཀྱི་ཁྱད་པར་ཡོད་རུང་སྐྱག་པ་ལ་ཡང་སྐམ་པོ་དང་རློན་པ་ཡི་ཁྱད་པར་ཡོད་པ་ལྟ་བུ་རེད།

བརྩེ་དུང་ནི་སྐྱག་པ་ལྟ་བུ་ཞིག་ཡིན་པས། བརྩེ་དུང་ལ་མགོ་མཇུག་དང་རྫོགས་མཐའ་གཞི་ནས་མེད་ཅིང་། བརྩེ་དུང་ལ་འཐམ་འདོད་པའི་མི་ཞིག་ཆ་མཚོན་ན་བརྩེ་དུང་ཟེར་བ་ནི་རྨི་ལམ་ནང་དུ་དགའ་རོགས་འཐོབ་པ་ལྟ་བུའི་འཕྲུལ་སྣང་ཙམ་ལས་ (more…)

རི་མོར་བལྟས་ནས་བསམ་ཚུལ་སྤུངས་པ།

ཁྲོ་གཏུམ།
 
དེ་རིང་དགོང་ཁར། ཨོ་གླིང་གནས་མཁར་གསར་ནས་ཤེས་ཡོན་ལ་དགའ་བའི་བོད་མི་གཞོན་སྐྱེས་སྐོར་ཞིག་གིས་ཚེ་རིང་ཤེར་བྷས་བྲིས་པའི་རི་མོ་བཞི་གདམས་སྟེ། རི་མོ་དེ་དག་མཐོང་བའི་ཚོར་བ་དང་། རི་མོའི་འབྲི་སྟངས། ཁྱད་ཆོས་སོགས་ཀྱི་སྐོར་ལ་གླེང་སློང་བྱས། (more…)

རྒྱ་གར་གློག་བརྙན་(Zameer) རྣམ་དཔྱོད་ཅེས་པའི་གླུ་ཞིག

པདྨ་ཚེ་དབང་ཤཱསྟྲིས།

མེ་ཏོག་གིས་ཁྱབ་ནས་འདུག གྲིབ་བསིལ་གྱི་སྣུམ་ཞག་འདུག
བསིལ་རླུང་ཡང་གཡོ་བཞིན་འདུག
འདི་འདྲའི་མཛེས་སྡུག་དབུས་སུ། དཔྱིད་དུས་བཞད་པའི་དབུས་སུ།
བརྩེ་དུངས་འཐོབ་ན་སྡོད་རྐྱང་ཡིན།

གང་དུ་ཡང་གནམ་སྔོན་གྱི་འོག་ཏུ།
གླུ་ལེན་པའི་མིག་བརྡ་དང་། རླབས་འདྲ་བའི་ལག་གཡོབ་ཀྱི།
ཕྲེང་བ་འཐོབ་ན་སྡོད་རྐྱང་ཡིན།
ཕྲེང་བ་འཐོབ་ན་སྡོད་རྐྱང་ཡིན། (more…)

ཆོས་ལ་མ་བརྟེན་པའི་བཟང་སྤྱོད། འཇིག་རྟེན་ཞི་བདེར་འཁྲིད་པའི་བདེ་ལམ།

དགེ་བཤེས་འཇིགས་མེད་བློ་གྲོས།

༡༽ བོད་པའི་བློ་གྲོས་ལས་རྙེད་པའི་བདེ་ལམ།

བོད་བཙན་པོའི་དུས་སྐབས་སུ་དམག་དོན་གྱི་སྟོབས་ཤུགས་ལ་བརྟེན་ནས་ཉེ་འཁོར་ཁྱིམ་མཚེས་ཡུལ་གྲུར་དབང་ཤུགས་ཁྱབ་སྤེལ་མཛད་པའི་ལོ་རྒྱུས་ཡོད་ཀྱང་། ཆོས་རིག་དཔལ་ཡོན་གྱི་སྟོབས་ཤུགས་ལ་བརྟེན་ནས་ཁྱིམ་མཚེས་ཡུལ་གྲུ་དང་མི་རིགས་གཞན་ལ་རིག་གཞུང་གིས་དབང་སྒྱུར་བྱས་པའི་ལོ་རྒྱུས་མེད་སྟབས། དམག་དོན་གྱི་སྟོབས་ཤུགས་ལ་བརྟེན་པའི་བཙན་པོའི་རྒྱལ་རབས་འཐོར་ཞིག་ཏུ་ཕྱིན་པ་དང་དུས་མཉམ་དུ་བོད་པའི་དབང་སྒྱུར་ནུས་པ་ཡང་ཉམས་རྒུད་དུ་གྱུར་ཡོད།

བོད་སིལ་བུའི་དུས་སྐབས་ནས་བཟུང་ཆབ་སྲིད་ཀྱི་སྟོབས་ཤུགས་ (more…)

ཡབ་ཀྱིས་བུ་མོར་སྤྲིངས་པའི་འཕྲིན་ཞེས་པའི་མུ་འབྲེལ་བཀླགས་བྱང་། (24)

རོང་པོ་བློ་བཟང་རིན་ཆེན།

ང་རང་གཉིད་རྒྱུར་དགའ་བའི་རྐྱེན་གྱིས་ཕ་ཡུལ་ནས་གྲོགས་པོ་འགས་ང་ལ་ཕག་ལོ་ཞེས་མིང་འདོགས་བྱེད་མྱོང་། ད་ལྟའང་ཕག་ལོ་ནང་བཞིན་གཉིད་ལ་དགའ་བ་ཞིག་ཡིན། དེའི་རྐྱེན་གྱིས་ཚོགས་དང་ཆོས་ར་ལ་ཆད་པ་ཉུང་ཉུང་ག་ལ་ཡིན། འཛིན་གྲོགས་ཚོས་ང་ལ་ཡ་མེད་ཅེས་ཡང་ཡང་འབོད་མྱོང་། དོན་དངོས་ཐོག་ང་ནི་ཡ་མེད་རང་རེད། དྲིན་ཕ་མས་རེ་བ་བཞག ནང་ཕུ་ནུས་རེ་བས་བལྟས། གྲོགས་བཟང་པོའི་སྨོན་འདུན་གྱི་དཀྱིལ་དུ་མཆིས་ནའང་། ངས་འདི་ནས་སྒྱིད་ལུག་དང་ལེ་ལོ་གྲོགས་སུ་བརྟེན། བྱ་བ་ཕལ་བ་རེ་ལ་འཇུག་ནས་མི་ཚེ་ཟད་པ་ནི་ཡ་མེད་ཀྱི་རང་གཤིས་སམ། བསམ་མེད་ཀྱི་ངང་ཚུལ་ལས་མ་འདས་སོ།། དེ་རིང་ཡང་གཉིད་ལ་དགའ་བའི་མགོ་རིལ་ངས་< <ཡབ་ཀྱིས་བུ་མོར་སྤྲིངས་པའི་འཕྲིན་>>གྱི་< <མིའི་གྲལ་རིམ་འདྲ་མིན་>>ཞེས་པའི་ཚན་པ་འདི་ཉིད་བཀླགས་ཁུལ་བྱས། (more…)

རྒྱ་གར་གློག་བརྙན་(Blackmail) སྡིགས་སྐུལ་གྱི་གླུ་ཞིག

པདྨ་ཚེ་དབང་ཤཱསྟྲིས།

ཡང་ཡང་ཡིད་ཀྱི་ཡུལ་ལ་ཁྱོད་འཁོར་བཞིན།།
མི་ཚེའི་སྐོམ་པ་མངར་མོ་འདིས་ཤོད་རྒྱུར།།
ཡང་ཡང་ཡིད་ཀྱི་ཡུལ་ལ་ཁྱོད་འཁོར་གདའ།།

དགོང་དྲོ་ནམ་ཡིན་མིག་གི་མདུན་དུ།།
ཁྱེད་ཀྱི་གཟུགས་བརྙན་འཆར་བཞིན་གནས།།
མཚན་མོ་ནམ་ཡིན་དྲན་པའི་ཡུལ་དུ།།
བག་མ་བསུ་ལེན་བྱེད་པ་རྨིས།།
(more…)

༄༅།། རྗེ་བདག་ཉིད་ཆེན་མོས་མཛད་པའི་ཡིད་དང་ཀུན་གཞིའི་རྩ་བར་དཀྱུས་མཆན་རགས་བསྡུས།  

ཆབ་ཚང་འཇམ་དཔལ་གྱིས་བརྩམས།

བླ་མ་དང་མགོན་པོ་རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ།།
ཐོག་མར་ཡུལ་དམ་པ་རྣམས་ལ་མཆོད་པར་བརྗོད་པ་ནི།
རྩ་བར། རྒྱལ་དང་རྒྱལ་བའི་སྲས་རྣམས་གཤེགས་པའི་བཤུལ།  །ལེགས་གསུངས་ལེགས་ལམ་ཇི་བཞིན་ཐུགས་ཆུད་ནས། །མ་ནོར་མ་འདྲེས་རྫོགས་པར་སྟོན་མཛད་པའི། །མཁས་པའི་མཁས་པ་དེ་ལ་མགོས་ཕྱག་འཚལ། །

ཉོན་མོངས་པའི་བདུད་དང༌། ཕུང་པོའི་བདུད། ལྷ་ཡི་བདུད། འཆི་བདག་གི་བདུད་སོགས་བདུད་བཞི་ལས་ལེགས་པར་རྒྱལ་བའི་རྒྱལ་བ་སངས་རྒྱས་བཅོམ་ལྡན་འདས་རྣམས་དང་རྒྱལ་བའི་སྲས་བྱང་ཆུབ་སེམས་དཔའི་ཚོགས་དང་བཅས་པ་རྣམས་ (more…)

ཡབ་ཀྱིས་བུ་མོར་སྤྲིངས་པའི་འཕྲིན་ཞེས་པའི་མུ་འབྲེལ་བཀླགས་བྱང་། (23)

རོང་པོ་བློ་བཟང་རིན་ཆེན།

ངའི་ཁང་མིག་ཏུ་ཚ་དྲོད་ཀྱིས་ཁྱབ་ཏེ་ལུས་པོ་རྔུལ་ནག་གིས་བརླན། འོན་ཀྱང་རེས་གཟའ་ཟླ་བའི་ངལ་གསོ་ལ་ཁ་གཡར་ནས་ལྷོད་ཀྱིས་ཉལ་བ་ཡིན། ཡར་ལངས་སྐབས་གཡས་གཡོན་གྱི་ཤག་མཚེས་ཚང་མས། སོ་སོར་དབང་བའི་ཤག་མིག་ཆུང་ཆུང་རེ་ལ་རང་དབང་གི་ལྷ་མོ་མགྲོན་དུ་བསུས་ཏེ་ཁུ་སིམ་མེར་བཞུགས་འདུག ངས་ཁོ་ཚོའི་ལྷིང་འཇགས་ལ་བར་ཆད་བཟོ་མ་ཕོད་པར་ཤག་ལ་འཛུལ་ནས་< <ཡབ་ཀྱི་བུ་མོར་སྤྲིངས་པའི་འཕྲིན་>>གྱི་< <སྐད་ཆ་དང་ཡི་གེ་ཨང་ཡིག་རྣམས་>>ཞེས་པའི་ཚན་པ་འདི་བཀླགས་ཁུལ་བྱས།

སྤྱིར་སྐད་ཡིག་གི་སྐོར་ལ་ཚན་པ་སྔ་མ་དག་ཏུ་ཅུང་ཙམ་རགས་བཤད་བྱས་ཟིན་པ་རེད། འོན་ཏེ་འདིར་འགྲོ་བ་མིའི་རིགས་ཀྱིས་སྐད་ཡིག་དེ་ཇི་ལྟར་འགོ་བརྩམས་ (more…)

རྫོང་དཔོན་Aདང་།ཁོའི་ཟུར་བསྟེན་Bགཉིས་ཀྱི་ཁ་བརྡ།

ཐེ་བོ་སངས་རྒྱས།
 
རྫོང་དཔོན་A• ད་ལོ་ང་ལས་འཁྱུར་སོང་རྗེས་འབྲེལ་བ་བྱེད་མཁན་སུ་ཡང་ཡོད་རྒྱུ་མ་རེད་ཀོ
ཟུར་བསྟེན་B• ད་ཁྱོས་རི་བོང་གནམ་རྡིབ་ཀྱི་སྡུག་བསྔལ་དེ་བྱེད་ཀྱིན་མ་འདུག ཁྱོའི་དངུལ་བྱང་ནང་གྲངས་ཀ་རྩིས་མི་ཕོག་པ་དེ་ག་ཡོད་པས།
རྫོང་དཔོན་A• དེ་དང་འབྲེལ་བ་ཅང་ཨེ་ཡོད་ཀི
ཟུར་བསྟེན་B• ཨ་བླུན་རྒན། དེ་ལ་མི་ཚོས་ཀུན་དགའ་དོན་འགྲུབ་ཅེས་མཚན་གསོལ་བ་མ་རེད་དམ།
རྫོང་དཔོན་A• ཨ་ལ་ལ། ཁྱོད་འདི་ལྟ་རིག་རྒོད་མ་ཟེར་ནོ་རེད་ཡ།
གཉིས་ཀ་མཉམ་དུ• ཧ་ཧ་ཧ། (more…)

རྒྱ་གར་གློག་བརྙན་(Chambal ki Kasam) ཅམ་བྷལ་ཚད་བཙུགས་ཀྱི་གླུ་ཞིག

པདྨ་ཚེ་དབང་ཤཱསྟྲིས

Sher ka husn ho
Sher ka husn ho nagme ki jawani ho tum
Ek dhadakti hui Shabab kahani ho tum
Sher ka husn ho
ཁྱོད་ནི་སྙན་པའི་ངག་གི་ཉམས་འགྱུར་ཉིད།
ཁྱོད་ནི་སྙན་ངག་གཟུགས་དང་གླུའི་ན་གཞོན།།
ཁྱོད་ནི་གཞོན་ཤ་ཆགས་ལ་འཕར་ལྡིང་བྱེད་པའི་གཏམ་རྒྱུད་ཅིག །
ཁྱོད་ནི་སྙན་པའི་ངག་གི་ཉམས་འགྱུར་ཉིད། (more…)

ཧི་མ་ལ་ཡའི་སྤུན་ཟླ་ཚོའི་མ་སྔ་མ་ཕྱིས་པའི་ལས་འགན།

དོལ་པོ་པདྨ་དགོས་འབྱོར།

༡༽ ང་ཚོས་སྐབས་རེར་ཐོབ་ཐང་རྩོད་མོད་དེ། ནམ་རྒྱུན་རང་ཉིད་ཀྱི་བདག་དབང་སྤྱོད་མི་ཐུབ་པའི་གནས་སྟངས་ཤིག་ཀྱང་མཐོང་། སྐབས་ཐོབ་གླེང་བར་འདོད་པ་ནི་བལ་ཡུལ་ཧི་མ་ལ་ཡའི་མི་རིགས་ཚོས་སློབ་གྲྭ་སོགས་ཀྱི་སྒོ་བྱང་དང་། ལས་ཤོག་སོགས་སྟེང་དུ་བོད་ཡིག་ངེས་པར་དུ་འབྲི་དགོས་ཤིང་དང་པོར་ཡང་འབྲི་དགོས། སྲིད་གཞུང་གིས་ཀྱང་ཐོབ་ཐང་སྤྲད་ཡོད་ཅིང་། མི་རིགས་གཞན་ཚོས་སྤོབས་པ་ཆེན་པོས་བེད་ཀྱང་སྤྱོད་བཞིན་འདུག་ན་རང་རེ་ཚོ་ཡོས་ལས་འབབ་རྒྱུའི་རྩམ་པ་ཟེར་བ་དེ་མེད་པར་དྲ་ལམ་ནས་གཏམ་ཉག་ཉོག་མང་དག་ཅིག་སྤེལ་བ་དེས་དུང་འབུད་རྒྱུ་དང་། གཤང་དཀྲོལ་རྒྱུ་གང་ཡང་མེད། དེ་བས་ཁྱེད་ཀྱིས་སྒོ་བྱང་ཞིག་ལ་ཡིག་རིགས་གསུམ་འབྲི་འདོད་ཚེ་འགྲོ་ལུགས་ལྟར་དང་པོ་བོད་ཡིག གཉིས་པར་རྒྱལ་ཁབ་སྤྱིའི་ཡི་གེ། གསུམ་པར་དབྱིན་འཇི་སོགས་རང་འདོད་ལྟར་བཀོལ་ཆོག (more…)

རྒྱ་གར་གློག་བརྙན་(Aasha) རེ་བ་ཞེས་པའི་གླུ་ཞིག

པདྨ་ཚེ་དབང་ཤཱསྟྲིས།

ཤེལ་རིགས་ཡིན་དང་སྙིང་ཡིན། མཐའ་མར་གས་རྒྱུ་ངེས་ཅན་རེད།
གས་རྒྱུ་ངེས་ཅན་རེད།
མཆུ་རྩེར་མ་སླེབས་སྔ་རོལ་དུ། རྒྱ་མཚོ་ལག་ནས་ཤོར་འགྲོ་ལོ།
ལག་ནས་ཤོར་འགྲོ་ལོ།
ཤེལ་རིགས་ཡིན་དང་སྙིང་ཡིན། མཐའ་མར་གས་རྒྱུ་ངེས་ཅན་རེད།

མངོན་འདོད་ལྷག་མ་ཅི་ཡང་མེད། ཅི་ཞིག་ཐོབ་པ་སླ་བའང་མིན།
འཇིག་རྟེན་གྱི་དཀའ་ངལ་རེད། བསོད་ནམས་ཀྱང་དགོས་ངེས་རེད།
དགྲ་བོ་ནི་འདི་ལྟ་ཡིན་ངེས་རེད། གཉི་ག་ནི་ཚིམ་ཐབས་ཅི་འདྲ། (more…)