Archive for the ‘སྣ་ཚོགས།’


བུ་ཕྲུག་གི་རྒྱུད་ལ་བོད་སྐད་བཤད་པའི་གོམས་གཤིས་འཇོག་ཚུལ།

གཡག་རྒོད་རྩོམ་སྒྲིག་ཚོགས་ཆུང་གིས།
 
འདས་པའི་ལོ་ཉི་ཤུ་ལྷག་གི་ནང་དུ་བོད་མི་འབོར་ཆེན་ཕྱི་རྒྱལ་ཡུལ་གྲུ་ཁག་ཏུ་གནས་སྤར་ཞིང་གཞིས་ཆགས། དེ་དང་ལྷན་དུ་གཞོན་སྐྱེས་མང་པོའི་ངག་ནས་བོད་སྐད་བོར་ཞིང་། ཕ་མ་དང་བུ་ཕྲུག་བར་དུ་མི་རིགས་གཞན་གྱི་སྐད་བཤད་ནས་ཁ་བརྡ་མ་བྱས་ན་གོ་བརྡ་མི་འཕྲོད་པའི་གནས་སྟངས་ཤིག་ཏུ་འགྱུར་བཞིན་ཡོད། དེར་བརྟེན་ཚོགས་པ་དང་མི་སྒེར་མང་པོས་དཀའ་ངལ་དེ་སེལ་ཐབས་སྐོར་ལ་ཐབས་ཤེས་སྣ་ཚོགས་བཏོན་དང་འདོན་བཞིན་ཡོད། དཔེར་ན། གཟའ་ཉི་མའི་ཉིན་བོད་ཡིག་འཛིན་གྲྭ་ཚོགས་པ་དང་། བོད་སྐད་ཡིག་སློབ་དུས་སྐད་ཡིག་གཉིས་པ་ཞིག་ཁྲིད་སྟངས་ལྟར་འཁྲིད་དགོས་པ་དང་དེ་ལུགས་ཀྱིས་སློབ་དེབ་ཀྱང་བཟོས་ཡོད། བོད་ཡིག་འབྲི་དུས་ཐ་སྙད་རེ་རེའི་བར་ལ་བར་སྟོང་བཞག་སྟེ་འབྲི་དགོས་པའི་བསམ་ཚུལ་ (more…)

བཀའ་ཤག་དང་། དབུས་འོས་བསྡུ་ལས་ཁང་ལ་ཡོངས་བསྒྲགས་ཀྱིས་ཕུལ་བའི་སྙན་ཞུ།

གཞུང་ཞབས་ཟུར་པ་བཀྲ་ཤིས་མིང་འཛིན་པས།
 
༄༅། །དཔལ་ལྡན་སྲིད་སྐྱོང་བློ་བཟང་སེང་གེ་མཆོག་གིས་དབུས་པའི་བཀའ་ཤག་ལྷན་རྒྱས་དང་། སྐུ་ངོ་དཔེ་ཟུར་དབང་འདུས་ཚེ་རིང་མཆོག་གིས་དབུས་པའི་འོས་བསྡུའི་འགན་འཛིན་རྣམ་པ་ལྷན་རྒྱས་ཀྱི་ཞབས་དྲུང་དུ།

གུས་ཕྱག་དང་བཅས་གསོལ་འདེབས་ཞུ་སྙིང་། ལྡི་ལི་སྐུ་ཚབ་དོན་གཅོད་འབྲོང་ཆུང་དངོས་གྲུབ་ལགས་ཀྱིས་འདི་སྔོན་རླུང་འཕྲིན་ཁང་གཉིས་ལ་དོན་གཅོད་ལས་ཁུངས་རང་ནས་སྲིད་སྐྱོང་འོས་བསྡུའི་སྐོར་ལ་བཅར་འདྲི་བྱས་ཡོད་པ་དང་། ཁ་སང་ཨ་རིའི་རླུང་འཕྲིན་ཁང་ལ་འོས་བསྡུའི་གཏམ་གླེང་བྱས་འདུག་པའི་སྐོར་མཁྱེན་ཆུབ་ཡོད་ཤག་ལགས། (more…)

རང་དཔེ་བུ་སྟོན་གྱི་སློབ་གསོ།

གཡག་རྒོད་རྩོམ་སྒྲིག་ཚོགས་ཆུང་གིས།
 
སྐད་འཕྲིན་ལ་སོགས་པའི་བརྡ་འཕྲིན་དར་བ་ནས་བཟུང་བོད་ཕྱི་ནང་གི་ཕ་མ་ཚོའི་བར་ལ་བྱིས་པ་སྐྱོང་སྟངས་ཀྱི་སྐོར་ལ་གོ་རྟོགས་སྤེལ་རེས་ཀྱི་གོ་སྐབས་ཧ་ཅང་ཡག་པོ་བྱུང་བ་དང་། ཁོར་ཡུག་དང་སྡོད་གནས། ལས་རིགས་སོགས་མི་འདྲ་བའི་ཕ་མ་མང་པོས་སོ་སོའི་ཉམས་མྱོང་རྣམས་བརྡ་འཕྲིན་བརྒྱུད་དེ་ཕན་ཚུན་བར་བསམ་ཚུལ་བརྗེ་རེས་ཀྱིས་ལེགས་པའི་ཆ་རྣམས་ལག་ལེན་དུ་བསྟར་ཅི་ཐུབ་བྱེད་བཞིན་ཡོད། ཁྱད་པར་དུ་རོང་འབྲོག་གི་ཕ་མ་ཚོའི་ཁྲོད་དུ་བྱིས་སྐྱོར་སློབ་གསོའི་སྐོར་ལ་དོ་སྣང་བྱེད་མཁན་ཇེ་མང་ནས་ཇེ་མང་དུ་འགྲོ་བཞིན་ཡོད། ཡིན་ནའང་སྤྱི་ཚོགས་ཁྲོད་ཀྱི་མི་སྣ་དབང་ཆེན་དང་རྒྱུ་ཆེན་ཚོས་མང་ཚོགས་ཀྱི་མདུན་ནས་གསུང་བཤད་རྫིག་པོ་རེ་གནང་བ་ཙམ་ལས་མི་རིགས་ཐུན་མོང་གི་ཚེ་སྲོག་ཏུ་གྱུར་བའི་སྐད་ཡིག་རིག་གནས་ (more…)

དབྱིན་ཡུལ་བོད་ཀྱི་དགེ་རྩ་ཚོགས་པ་སྒོ་རྒྱག་རྒྱུ་རེད།

མི་ཉག་སྐལ་བཟང་།
 
སྔོན་ཆད་ང་རང་སཱ་རའི་མཐོ་རིམ་སློབ་གྲྭ་མཐར་ཕྱིན་པ་དང་དུས་མཚུངས། རྨི་ལམ་མངོན་འགྱུར་བྱུང་བ་ལྟ་བུ་ཞིག་གིས་སྤྱི་ལོ་༢༠༠༣ལོར་བོད་ཀྱི་དུས་བབས་ཚགས་ཤོག་ཅིག་གི་སྟེང་དུ་དབྱིན་ཡུལ་བོད་ཀྱི་དགེ་རྩ་ཚོགས་པས་བོད་ཀྱི་སྐད་ཡིག་དགེ་རྒན་ཞིག་གི་ས་དམིགས་གསར་བསྒྲགས་ཤིག་གནང་སྟེ་མཐོང་བ་ཐེངས་དང་པོ་ཡིན། གོ་རིམ་དང་ཆ་རྐྱེན་གཞིར་བཞག་གིས་སྙན་ཞུ་ཕུལ་ཏེ་ཡིག་ངག་གཉིས་ཐོག་ནས་རྒྱུགས་འཕྲོད་རྗེས་རྡ་སའི་ཁོར་ཡུག་གཙང་མ་དེ་དང་ཁ་བྲལ་ཏེ་སོག་ཡུལ་རྒྱལ་ཡོངས་སློབ་གྲྭ་ཆེན་མོའི་བོད་ཡིག་དགེ་རྒན་དུ་ཕྱིན་པ་ཡིན།

ད་སྔ་ནས་དབྱིན་ཡུལ་བོད་ཀྱི་དགེ་རྩ་ཚོགས་པ་ཟེར་བ་ཞིག་ (more…)

ཨ་ཡིན་སི་ཊན་གྱི་མཚེ་མ་མཚུངས་མེད་དང་དུས་ཕྱིར་ལྡོག་གི་མགོ་རྙོག་གྲོལ་བ།

རྩེ་གཡང་དཀར།
 
ཨ་ཡིན་སི་ཊན་ (Albert Einstein 1879-1955) ནི་ཚན་རིག་པ་གྲགས་ཅན་ཞིག་ཡིན་པ་སྔ་མོ་ཞིག་ནས་གོ་མྱོང་ཡང་། ཁོང་གི་ལྟ་བའི་སྐོར་ལ་རྒྱུས་མངའ་ཅུང་ཙམ་ཡང་མེད། ཁོང་གི་ལྟོས་གྲུབ་ཀྱི་རྣམ་གཞག་དང་། མཚེ་མ་མཚུངས མེད་ཟེར་བ་འདི་དག་༧གོང་ས་སྐུ་ཕྲེང་བཅུ་བཞི་བ་མཆོག་གི་བཀའ་རྩོམ་< < རྡུལ་ཕྲན་གཅིག་ཁོ་ནའི་སྟེང་གི་འཇིག་རྟེན་>> བཀླགས་པ་ལས་ཐོག་མར་གོ་ཐོས་བྱུང་། དུས་དང་བར་སྣང་སོགས་ལྟོས་གྲུབ་ཏུ་བཤད་ཡོད་ཚུལ་དེ་བློ་ངོར་འཕྲོད་དཀའ་བའི་ཚོར་སྣང་གང་ཡང་མ་བྱུང་། དེ་ནི་ནང་པའི་རྟེན་འབྱུང་ངམ་ལྟོས་གྲུབ་ཀྱི་ལྟ་བའི་སྐོར་སོགས་ཇ་ཁ་ཆང་ཁ་ཚུན་ཆད་ནས་གོ་མྱོང་ཐོས་མྱོང་བྱུང་བའི་བག་ཆགས་ཀྱིས་ལོས་ཡིན་སྙམ། འོན་ཀྱང་མཚེ་མ་མཚུངས་མེད་ཟེར་བ་དེ་ཇི་འདྲ་ཞིག་ཡིན་མིན་ལ་ (more…)

ཐོལ་རྩོམ།

རྒྱ་སྟོན་བུ་དར་རྒྱས།

༈ རྒྱལ་བ་རིན་པོ་ཆེ།
ལྔ་བཅུ་ང་དགུའི་ལོ་ནག་དེ་ཀོ།
ཆག་སྒོ་དང་ཕམ་ཁ་ཞིག་ཡིན་ཆོག
འབུམ་ཕྲག་དུ་མིའི་ཚེ་སྲོག་དང་ཡོད་ཚད་ཤོར།
དྲུག་བཅུ་རེ་གཅིག་གི་ལོ་ཡུན་དེ་ལ།
ངེད་ཅག་རྒྱལ་འབངས་ས་མཐར་བུད་མོད།
ལས་དབང་སྐྱ་མོ་དེས་སྐྱ་ཟད་སྔོ་ལ་བསྒྱུར། (more…)

ཨ་རིའི་སྲིད་འཛིན་ཇཱོ་དཔལ་ལྡན་དང་ཁྲོན་ཕུ་གཉིས་ལས་བོད་ཀྱི་གནས་སྟངས་ལ་བལྟ་བ།

ལ་མོ་ཚུལ་ཁྲིམས།
 
ཨ་མེ་རི་ཀའི་སྲིད་འཛིན་གསར་བ་སུ་ཡིན་ཕལ་ཆེར་གཏན་འཁེལ་ཡོད། ཁོང་ནི་ཇཱོ་དཔལ་ལྡན་རེད། ཁོང་ལ་མང་མོས་འོས་ཤོག་གི་རྒྱལ་ཁ་ཐོབ་ཡོད། ཐོབ་ས་ནས་ཐོབ། རྒྱལ་ས་རྒྱལ་བ་རེད། ཡིན་ན་ཡང་། ཨ་རི་སྤྱིའི་འགྲོ་ལུགས་ལྟར་འོས་ཤོག་གི་མཐའ་མའི་རྩིས་སྤྲོད་རྩིས་ལེན་དེ་ཟླ་རྗེས་མའི་ཚེས ༨ ཉིན་ལ་མ་གཏོགས་མི་བྱེད་པ་ཡིན། དུས་ཡུན་དེའི་རིང་ལ་འོས་ཤོག་གི་རྩོད་གླེང་གང་འདྲ་ཞིག་ཡོད་ཀྱང་གླེང་སློང་བྱས་ཆོག་པ་ཞིག་ཡིན སྲིད་འཛིན་ཁྲོན་གྱིས་གོ་སྐབས་འདི་དམ་འཛིན་བྱས་ཏེ། འོས་ཤོག་རྫུན་བཟོ་བྱས་ཡོད་ལུགས་ཀྱི་ཁྲིམས་གཏུག་བྱེད་བཞིན་ཡོད། སྐབས་འདིར། ཨ་རིར་ཡོད་པའི་བོད་པ་ཚོས་འོས་མི་འདི་གཉིས་ལས་སུ་ཞིག་བོད་ལ་བཟང་མིན་གྱིས་སྐད་ཆ་བཤད་བཞིན་ཡོད། (more…)

རྩོམ་པ་པོ་འཇམ་དབྱངས་ནོར་བུས་རྒྱ་རི་སྒྲོལ་མའི་བྱ་ལེ་ལྡག་གི་འདུག

འཇམ་དབྱངས་དཀར་པོ།
 
སྤྱི་ལོ་ ༢༠༢༠ ཟླ་ ༡༡ ཚེས་ ༢༣ ཉིན།

བཙན་བྱོལ་དུ་གྱར་བའི་བོད་མི་མང་པོ་ཞིག་གིས་བསམ་བཞིན་དང་བསམ་བཞིན་མ་ཡིན་པར་༧རྒྱལ་བ་རིན་པོ་ཆེ་ལ་དཀའ་ངལ་མང་པོ་བཟོ་ཡི་ཡོད་ལ། རྩོམ་པ་པོ་འཇམ་དབྱངས་ནོར་བུ་ནི་ནམ་ཡིན་ཡང་བསམ་བཞིན་དུ་༧རྒྱལ་བ་རིན་པོ་ཆེ་ལ་དཀའ་ངལ་བཟོ་མཁན་དང་། ཁྱད་གསོད་བྱེད་མཁན་གཏེ་བོ་ཞིག་ཡིན།

དེང་སང་འཇམ་དབྱངས་ནོར་བུ་རྒས་ནད་ཀྱིས་ཟིན་པ་རེད་དམ། རང་གི་བསམ་ཚུལ་ལ་ཁ་ཕྱོགས་མེད་པ་དང་། སྤྱི་ཚོགས་ཀྱི་གནས་ཚུལ་སྔ་ཕྱིའི་བྱུང་རིམ་ལ་ (more…)

ཆུ་སྲིན་ཁ་ནས་ཁྱི་ཕྲུག་སྐྱོབས་པ། (དངོས་སྒྲུང་ཞིག)

ཆབ་མདོ་ངག་ཕུན་གྱིས།

རྒན་པོ་སེམས་བཟང་ཅན་གྱིས། །སྲོག་ཆགས་ཁྱི་ཕྲུག་ཆུང་ཆུང་།།
གདུག་རྩུབ་ཆུ་སྲིན་ཁ་ནས། །ཚེ་སྲོག་སྐྱོབས་པ་མཛད་ལྟོས།།

དེ་རིང་དངོས་སྒྲུང་ཞིག་འབྲི་བར་འདོད། དེ་ཡང་ནུབ་ཕྱོགས་བདེ་བ་ཅན་གྱི་ཞིང་ཁམས་ཞེས་གྲགས་པའི་ལུང་པ་དེ་ནི་ (more…)

ཆབ་སྲིད་པ་ཚོ་རྫུན་རྐྱལ་ཡིན་དགོས་བ་གང་ཡིན་ནམ།

བཞག་ལྡོམ་ལྗང་ལོ། 
 
ཆབ་སྲིད་ནི་ཆབ་འབངས་ཏེ་མངའ་འབངས་སྐྱོང་བར་བྱེད་པའི་འཇིག་རྟེན་སྲིད་པའི་ཁྲིམས་ཀྱི་བྱ་གཞག་གམ་རིག་ལམ་ཞིག་ཡིན་པ་དང་། དེའི་སྐོར་ལ་ཆེད་ལས་བ་དང་། ལས་དོན་སྒྲུབ་མཁན་ཚོར་ཆབ་སྲིད་པ་ཟེར་བ་ཡིན་ཞིང། ཁོང་ཚོ་མང་ཆེ་བ་ནི་དམངས་ཀྱི་ཚབ་མཚོན་དབུས་སྲིད་གཞུང་ཁང་དང་། ས་གནས་སྲིད་གཞུང་ཁང་སོགས་ན་བྱ་བ་སྒྲུབ་ཀྱི་ཡོད་པ་རེད། མང་གཙོའི་སྤྱི་ཚོགས་ལ་མཚོན་ན་གཞུང་ལས་ཁང་ནས་གལ་ཆེ་བའི་བྱ་བ་ཞིག་ཐོབ་པ་ལ། ཆབ་སྲིད་པ་ཚོར་ངེས་བར་ཚང་དགོས་བའི་ཆ་རྐྱེན་ཞིག་ནི། དམངས་ཚོགས་ཀྱི་ཆེད་དུ་ལས་དོན་སྒྲུབ་པའི་འབྱོན་ནུས་མི་མང་གི་མིག་ལམ་ལ་སྟོན་དགོས་ཤིང། དེ་ལ་བརྟེན་ནས་རྒྱ་ཆེ་དམངས་ཚོགས་ཀྱིས་སོ་སོའི་ལྟ་བ་དང་འདོད་མོས། དགའ་ཕྱོགས་སོགས་གཞིར་བཞག་ནས་ཆབ་སྲིད་པ་ཚོ་ (more…)

བོད་མིའི་སྲིད་དོན་གྱི་མངའ་བདག་ངོ་མ་དེ་སུ་ཡིན།

རླུང་དམར།
 
རེ་བའི་རྨི་ལམ་སྔར་བཞིན་འགྱེལ་མེད་ངང་གསོན་འདུག འདས་སོང་བའི་ལོ་ཟླ་ནི་བཤད་མི་འདོད་པའི་སྐྱུག་ནད་ཅིག་རེད། དེའི་སྐོར་ནས་མི་གླེང་བར་བྱ། ད་ཐེངས་འདིར་གླེང་འོས་པ་ནི། མ་འོངས་༢༠༢༡ལོའི་བཙན་བྱོལ་བོད་མིའི་སྲིད་སྐྱོང་གི་ཁྲི་སྟེགས་སུ་ལ་ཐོབ་འོས་མིན་དེ་ཡིན། ད་ལྟའི་བར་ཏུ་མི་མང་གིས་སྲིད་སྐྱོང་འོས་མི་འགའ་ཤས་ཤིག་གི་ཐད་ནས་གཏམ་གླེང་སྤེལ་ཞིང་གྲོས་ཁ་བསྡུར་བཞིན་པའི་དུས་ཚོད་འདིར། ཁ་ལྕེ་ཁོ་ན་བརྡར་ནས་མི་འདུག་པར་དྲ་ལམ་སྟེང་ནས་སྲིད་སྐྱོང་གི་ཆ་རྐྱེན་ལེགས་པོ་སུ་ལ་ཚང་ཡོད་མེད་ལ་དཔྱད་གཏམ་འགྲེམ་དགོས་ལ། དོན་སྙིང་ལྡན་པའི་སྲིད་སྐྱོང་ཚད་ལྡན་ཞིག་འདེམ་བསྐོ་གནང་རྒྱུ་དེ་བོད་མི་རེ་རེའི་འགན་འཁྲི་ཆེས་ཆེ་ཤོས་དེ་ཡིན། དེའང་། ཆོལ་གསུམ་བོད་མིའི་བར་ནས་བོད་གཞིས་བྱེས་མ་རྩོད། (more…)

བཞུགས་སྟངས་དཔེ་དོན།

སྐྱོ་བྲག་དགའ་དབང་།
 
སྐྱེ་བ་སྔོན་མའི་སྐྱེས་ཐོབ་དང་། ད་ལྟའི་སྦྱོར་བྱུང་གི་ནུས་པས་ལུས་ངག་ཡིད་ཀྱི་བྱ་བ་གང་ཞིག་ཡིན་ནའང་ཆོས་མཐུན་གྱི་སྤྱོད་པ་འབའ་ཞིག་པ་ལས་འཇིག་རྟེན་གྱི་ཆོས་ཀྱིས་གཏན་ནས་མ་གོས་པའི་སྐྱེས་བུ་ངོ་མཚར་ཅན། མཁན་སྤྲུལ་ཨ་བསྟན་ཕུན་ཚོགས་རིན་པོ་ཆེ་མཆོག་གིས།

༡ ཕྱག་ཆེན་ངེས་དོན་རྒྱ་མཚོའི་ནང་ལུས་གནད་སྐབས་རྗེ་བཙུན་མར་པས་ཆེད་དུ་བསྔགས་པ་བླ་མ་ཞང་གིས་བཀྲལ་བའི་བསམ་གཏན་གྱི་ཆོས་ལྔ་ཡི་ནང་ཚན། ལྀ་རྀ་ལྟར་བསྒྲིམ་ཞེས་པ་སྙན་བརྒྱུད་ཀྱི་ཡིག་ཆར་རྩྭ་དྲས་མའི་མདུད་པ་ལ་དཔེར་མཛད་འདུག་པ། རྩྭ་དྲས་མ་འདི་གང་ལ་ངོས་འཛིན་ལགས། (more…)

ས་སྐྱ་པའི་གནད་ཡོད་མི་སྣ་ཞིག (ཚར་གྲྭ་གུ་རུ་གླེང་བ།)

གཡག་རྫི།
 
གཅིག
རྒྱུས་མངའ་མེད་པའི་མི་ཞིག་གི་གནས་ཚུལ་དང་ལོ་རྒྱུས་གླེང་སློང་བའམ་ཡི་གེར་འབྲི་བ་ནི་དོན་དག་མེད་ས་ནས་ཁ་མཆུ་ཉོ་བ་དང་བྱུར་གྱི་སྣ་འདྲེན་ཞིག་ཡིན་ལས་ཆེ། འོན་ཀྱང་རང་ཉིད་ཀྱིས་གང་མཐོང་བ་དང་ཐོས་པ་རྣམས་མ་གསང་དྲང་པོར་བརྗོད་ན་དེ་ཡང་ལུགས་དང་མི་མཐུན་པ་ཞིག་མིན་པར་འདོད། མི་ཡི་མི་ཚེ་ནི་ཟུར་མང་པོ་ཅན་དང་། ངོས་སྣ་ཚོགས་ཅན། ཆ་དུ་མ་ཅན་ཞིག་ཡིན་པས་མཐའ་གཅིག་ཏུ་ནག་པོ་ནག་རྐྱང་དང་ཡང་ན་དཀར་པོ་ཡུག་གཅིག་ཅན་གྱི་མི་ཚེ་ཞིག་འཇིག་རྟེན་འདིར་ཡོད་པར་འདོད་ན་དེ་ནི་ཆ་མ་ཚང་བའི་བསམ་བློ་ཕྱིན་ཅི་ལོག་པ་ཞིག་ཡིན་པར་སྙམ། དེའི་ཕྱིར་བླ་མ་གུ་རུའི་མི་ཚེ་ལའང་ངོས་དང་ (more…)

རྩེད་མོའི་ཁྲོད་ཀྱི་སློབ་གསོ་དང་དེའི་དགེ་མཚན།

གཡག་རྒོད་རྩོམ་སྒྲིག་ཚོགས་ཆུང་གིས།
 
བྱིས་པ་ཡག་པོ་ཞིག་སྐྱོང་བ་ལ་ཐོག་མར་སྐྱོང་ལུགས་སྣ་ཚོགས་སྦྱོང་རྒྱུ་གལ་ཆེ་ཞིང་། རང་གི་ཤ་ཁྲག་ལས་ཆད་པའི་བུ་ཕྲུག་ལ་བདེ་སྐྱིད་ལྡན་པའི་འཚོ་བ་ཞིག་མཁོ་སྤྲོད་བྱེད་དགོས་པ་ཡིན། བོད་པའི་མི་རབས་རྗེས་མ་རྣམས་ལ་མི་ཚེའི་ཁ་ཕྱོགས་ཕུགས་རྒྱང་རིང་པོ་ཞིག་སྟོན་འདོད་ན་དུས་རབས་དང་མཐུན་པའི་བྱིས་པ་གསོ་སྐྱོང་བྱེད་ལུགས་ཀྱི་སྐོར་ལ་ཤེས་རྟོགས་བྱེད་དགོས་པ་ཡིན། ལྷག་པར་དུ་བྱིས་པའི་སེམས་ཁམས་དང་དགའ་ཕྱོགས་ལ་ཞིབ་འཇུག་བྱས་ཏེ་ཆ་རྒྱུས་ཡོད་པའི་སྟེང་ནས་བྱིས་པ་གསོ་སྐྱོང་བྱེད་དགོས་པ་ཡིན། འོན་ཀྱང་། བོད་ཕྱི་ནང་གི་ཕ་མ་མང་པོར་བྱིས་པ་གསོ་སྐྱོང་བྱེད་ཐབས་ཀྱི་སྐོར་ལ་དོ་སྣང་བྱེད་པའི་གོམས་གཤིས་ཡག་པོ་ཞིག་མེད་པ་དང། ཕ་མ་རེ་ཟུང་ཕྱོགས་ཞེན་གྱི་དབང་དུ་སོང་སྟེ་བོད་རང་གི་རིག་གཞུང་ཁྲོད་དུ་ (more…)

འབྱུང་བོ་རོ་ལངས་ཀྱི་གཏམ་རྒྱུད།

བཞག་ལྡོམ་ལྗང་ལོ།

ང་ཆུང་དུས་སུ་རྒན་རབ་པ་ཚོའི་ངག་རྒྱུན་ལས་འབྱུང་བོ་རོ་ལངས་ཞེས་བའི་བྱིས་སྒྲུང་གང་མང་ཞིག་ལ་ཉན་མྱོང་ཡོད་ལ། དེ་དག་བདེན་པ་རུ་འདོད་དེ་ཞེད་སྣང་ཡང་སྐྱེས་མྱོང་ཡང་། རིམ་གྱིས་ང་རང་ནར་སོན་ཡོང་དུས་བྱིས་སྒྲུང་དེ་དག་ནི་རྟོག་བཟོ་ཡིན་པ་ལས་དངོས་ཡོད་མ་ཡིན་པ་གཞི་ནས་ཤེས་བྱུང་། གང་ལྟར་། དེ་རིང་ཡང་སྐྱར་ངའི་སེམས་ཁམས་ (more…)

གཙང་མ་བཟོས་ཡིན།

སྐྱོ་བྲག་དགའ་དབང་།
 
ངས། ང་རང་གི་ཉལ་ཁང་མི་གཉིས་བདེ་ཤོང་བྱེད་པ་ཞིག་ཡོད་པ་དེ་གཙང་བཟོ་བྱས་ཡིན།ནམ་རྒྱུན་ངས་གཙང་སྦྲ་མི་བྱེད་པས་ན་ངའི་ཁང་པ་ལ་གཙང་མ་ཡོད་མ་རེད།

ང་བཙོག་ཉོབ་ལ་དགའ་བའི་གང་ཟག་ཕག་པ་འདྲ་བ་ཞིག་མིན་ལ། ཁང་བུ་བརྩེགས་པའི་མདོ་ལས། ཀུན་དགའ་བོ་ཕྱག་དར་བྱས་པའི་ཕན་ཡོན་ནི་ལྔར་འགྱུར་ཏེ། ལྔ་གང་ཞེ་ན། ཀུན་དགའ་བོ་འདི་ལྟ་སྟེ། བདག་གི་སེམས་དྭང་བར་འགྱུར་བ་དང་། གཞན་གྱི་སེམས་དྭང་བར་འགྱུར་བ་དང་། ལྷ་རྣམས་དགའ་བར་འགྱུར་བ་དང་། མཛེས་པའི་ལས་བྱས་ཤིང་བསགས་པ་དང་། ལུས་ཞིག་ནས་བདེ་འགྲོ་མཐོ་རིས་ཀྱི་འཇིག་རྟེན་གྱི་ལྷ་རྣམས་སུ་སྐྱེ་བར་འགྱུར་ (more…)

དེ་རིང་འཇིག་རྟེན་འདིའི་མང་གཙོ་རྒྱལ་་སོང། 

བཞག་ལྡོམ་ལྗང་ལོ།
 
དོན་དངོས་སུ་གང་ཞིག་ལ་བཟང་བ་ཅེས་བསྟོད་པ་དང་། ཡང་ན་ངན་པ་ཅེས་སྨད་པ་བྱ་དགོས་ན། བཟང་ངན་ཟུང་བསྡུར་བའི་ཆ་ནས་བཤད་དགོས་བ་ཡིན་ལ། དེ་ཡང་ཁུངས་ལུང་དག་པ་དང་། བདེན་པ་ཡོད་པའི་ཆ་ནས་བཤད་ན་གནས་ལུགས་ལ་དག་དག་མཐུན་པ་ཡིན་པ་བརྟེན། ངས་འཇིག་རྟེན་འདིའི་ལོ་རྒྱུས་སུ་ཕྱིར་དྲན་བྱེད་བཞིན། དེ་རིང་གི་ཨ་རིའི་སྲིད་འཛིན་འགྲན་རྩོད་སྐབས་བྷན་ཌིན་རྒྱལ་བ་ནི་མང་གཙོ་ཚོགས་པ་རྒྱལ་བ་མིན་པ་དང་ཨ་རི་རྒྱལ་བ་ཡིན་པ་དང་། དེ་ཡང་ཨ་རི་ཁོ་ན་རྒྱལ་བ་མིན་པ་དང་འཇིག་རྟེན་འདིའི་མང་གཙོ་རྒྱལ་བ་ཡིན་པ་དོན་དངོས་འགའ་དང་སྡུར་ནས་བཤད་ཀྱི་ཡིན།

དང་པོ།༽ མང་གཙོའི་སྤྱི་ཚོགས་ནང་ (more…)

དྭ་ཕྲུག་དང་ཕ་མ་ཁ་བྲལ་དུ་སོང་བའི་བྱིས་པ་ཚོའི་དཀའ་སྡུག་སྐོར་གྱི་ཟིན་བྲིས།

གཡག་རྒོད་རྩོམ་སྒྲིག་ཚོགས་ཆུང་གིས།
 
ཨ་ཕ་རྒྱབ་ཀྱི་རི་ཡིན། ཨ་མ་མདུན་གྱི་མཚོ་ཡིན་ཞེས་བཤད་སྲོལ་ཡོད་པ་ལྟར། བྱིས་པའི་འཚར་ལོངས་ཀྱི་གོ་རིམ་ཁྲོད་དུ་ཕ་མའི་བྱམས་སྐྱོང་ནི་ཤིན་ཏུ་གལ་ཆེ། བརྩེ་བ་གང་ལ་ཡོད་ན། བདེ་སྐྱིད་དེ་རུ་ཡོད་ཅེས་པ་ལྟར། ཕ་མའི་བྱམས་སྐྱོང་ནི་བྱིས་པའི་ལུས་སེམས་ཀྱི་ནུས་སྟོབས་གོང་འཕེལ་དུ་འགྲོ་བའི་གཞི་རྟེན་གཙོ་བོ་དེ་ཡིན་ཞིང་། ཕ་མའི་བྱམས་སྐྱོང་འོག་ཏུ་འཚར་ལོངས་བྱུང་བའི་བྱིས་པའི་ལུས་སེམས་ནི་སྐྱོན་མེད་བདེ་ལེགས་སུ་འཕེལ་རྒྱས་སུ་འགྲོ་བར་བཤད། ཡིན་ནའང་དྭ་ཕྲུག་དང་ཕ་མ་ཁ་བྲལ་དུ་སོང་བའི་བུ་ཕྲུག་དག་ལ་ཕ་མ་གཉིས་འཛོམས་ཀྱི་བྱམས་སྐྱོང་གི་འཚོ་བ་དེ་མེད། དེར་བརྟེན་དྭ་ཕྲུག་དང་ཕ་མ་ཁ་བྲལ་དུ་སོང་བའི་བུ་ཕྲུག་གི་ལུས་སེམས་ལ་འཕྲད་པའི་དཀའ་སྡུག་ནི་ཚོད་དཔག་བྱས་ཏེ་བརྗོད་ཐུབ་པ་ཞིག་མིན་པར་བཤད། (more…)

བརྩེ་བ་གཙང་མ་ཞིག་ཡོད་ན་བུ་ཕྲུག་ཚད་ལྡན་ཞིག་སྐྱེད་སྲིང་བྱེད་ཐུབ།

གཡག་རྒོད་རྩོམ་སྒྲིག་ཚོགས་ཆུང་གིས།
 
2015 ལོའི་ལོ་མཇུག་ནས་བཟུང་བུ་ཕྲུག་གི་མདུན་ལམ་ལ་དོ་ཁུར་ཆེ་བའི་བོད་ཕྱི་ནང་གི་ཕ་མ་མང་པོ་སྐད་འཕྲིན་ལ་སོགས་པའི་དྲ་ལམ་དུ་ཞུགས་ཏེ། དུས་རབས་ཀྱི་འགྱུར་བ་དང་སྤྱི་ཚོགས་ཀྱི་དགོས་མཁོར་གཞིགས་པའི་བྱིས་པ་ཞིག་བོད་ལུགས་ལྟར་གསོ་སྐྱོང་ཇི་ལྟར་བྱེད་ཚུལ་་དང་། དེའི་ཆ་རྐྱེན་གཙོ་བོ་ཅི་ཞིག་ཡིན་པ་སོགས་ཀྱི་གླེང་གཞིའི་སྐོར་ལ་རིགས་གཅིག་རྐང་འཛིན་གྱིས་བགྲོ་གླེང་གནང་པ་དང་ཉམས་མྱོང་བརྗེ་རེས་བྱས་དང་བྱེད་བཞིན་ཡོད། ཕ་མ་དེ་དག་གི་འཚོ་སྡོད་བྱེད་ས་དང་འཚོ་རྟེན་གྱི་ལས་རིགས། སྤྱི་ཚོགས་ཀྱི་ཉམས་མྱོང་། སློབ་གསོའི་གནས་ཚད་དང་རིག་གནས་ཀྱི་རྒྱབ་ལྗོངས་སོགས་མི་འདྲ་བར་བརྟེན། བྱིས་སྐྱོང་གི་བྱེད་ཐབས་དང་དེའི་ཆ་རྐྱེན་སྐོར་ལའང་ལྟ་ཚུལ་མི་མཐུན་པ་ཡོད་པ་གསལ་བོ་ཡིན་ནའང་། བུ་ཕྲུག་གསོ་སྐྱོང་གི་ (more…)

དེ་རིང་གི་སྲིད་ཀྱིས་འུད་ཤོབ་དང་ཨ་རིའི་དཔལ་འབྱོར། 

བཞག་ལྡོམ་ལྗང་ལོ། 
 
རྒྱལ་ཁབ་ཞིག་ལ་མཚོན་ན་སྟོབས་ཆེན་ནམ། ཡང་ན་ཡར་རྒྱས་ཡིན་མིན་ནི་ཆབ་སྲིད་དང་། དཔལ་འབྱོར། རིག་གནས་གསུམ་ཀྱི་སྒོ་ནས་བལྟ་དགོས་བ་ཡིན་ལ། དེ་གསུམ་པོ་དོ་མཉམ་ཡིན་པའི་རྒྱལ་ཁབ་ཞིག་ནི་འཇིག་རྟེན་འདིའི་སྟེང་ན་ཧ་ཅང་ཉུང་ཉུང་རེད། རྒྱུ་མཚན་ནི།  རེ་དགའ་ཆབ་སྲིད་དང་དམག་དོན་ཡར་ཐོན་ཡིན་ཡང་དཔལ་འབྱོར་སྐྱོ་བ་དང་། ཁ་ཤས་དཔལ་འབྱོར་ཡར་རྒྱས་ཡིན་ཡང་དམག་དོན་དམན་པ་རེད། གང་ལྟར། ཡོངས་གྲགས་ཀྱིས་ཨ་རི་ནི་དེ་གསུམ་པོ་འཛོམས་པའི་རྒྱལ་ཁབ་ཞིག་ལ་འཁུམས་ཤིང།  དེ་གསུམ་པོ་སྣ་འཛོམས་ཡིན་པའི་ཨ་རི་བ་ལ་མཚོན་ན། དུས་གང་ཞིག་ལ་ཆབ་དཔལ་རིག་སོགས་ལམ་འགྲོ་སོང་བ་ཡིན་ན། སྐབས་དེའི་སྲིད་འཛིན་གྱིས་དགེ་མཚན་ཁུར་བ་དང་། ལྡོག་ཕྱོགས་ནས་དེ་རྣམས་སྐྱོ་བོ་ (more…)